«مايقايىڭداعى» اپات: ىزدەۋ جۇمىستارى توقتاتىلدى
«GRP-RIDDER-GROUP» جشس جۇرگىزگەن زەرتتەۋ ناتيجەلەرى ويىق تۇبىندە توپىراق قۇرىلىمى وزگەرىپ، السىرەگەنىن انىقتادى. استىنداعى قۋىستار مەن بوس كەڭىستىكتەردىڭ قۇلاۋ قاۋپى وتە جوعارى. بۇل تۋرالى inform.kz جازدى.
توتەنشە جاعدايلار قىزمەتكەرلەرى اتالعان ۋچاسكەدە قانداي دا ءبىر تاۋ-كەن، ىزدەستىرۋ-قۇتقارۋ جۇمىستارىن جۇرگىزۋ قۇتقارۋشىلار مەن ماماندار ءۇشىن ۇلكەن قاۋىپ ءتوندىرىپ تۇرعانىن ايتادى.
«اپاتتى جويۋ جونىندەگى باسشىنىڭ ورىنباسارى - كااقق رشو پاۆلودار فيليالى ديرەكتورىنىڭ ورىنباسارى ەرلان جارقىمبەكوۆ قۇتقارۋشىلاردىڭ، ەكسكاۆاتور ماشينيستەرىنىڭ ومىرىنە قاۋىپ تونۋىنە بايلانىستى جۇرگىزىلىپ جاتقان جۇمىستاردى توقتاتا تۇرۋ تۋرالى شەشىم قابىلدادى»، - دەپ حابارلادى وڭىرلىك توتەنشە جاعدايلار دەپارتامەنتىنەن.
وسىعان بايلانىستى «مايقايىڭالتىن» اق باسشىلىعى اققب رقش قق-مەن بىرلەسە وتىرىپ ونەركاسىپتىك قاۋىپسىزدىك، تاۋ-كەن، گەولوگيالىق جۇمىستار سالاسىنداعى ساراپشىنى كەنىش اۋماعىنا شاقىردى. مامان اپاتتىڭ بارلىق پەريمەترىن تەكسەرىپ شىققان سوڭ، ىزدەستىرۋ-قۇتقارۋ جۇمىستارىن جالعاستىرۋ نەمەسە تولىق توقتاتۋ تۋرالى قورىتىندى شىعارىلادى.
قازىرگى ۋاقىتتا پاۆلودار وبلىسى تجد بارلىق كۇشتەرى مەن قۇرالدارى جۇمىس جۇرگىزىلىپ جاتقان جەردە تۇر.
Abai.kz
