بۇگىن پارلامەنتتەگى دومينانت پارتيا – «امانات» پرەزيدەنتكە ۇسىنىس جاسادى. ولار ۇكىمەت باسشىسى قىزمەتىنە ولجاس بەكتەنوۆتى ۇسىندى.

بەكتەنوۆ بيىل 44-كە تولادى. بىلتىر ساۋىردەن باستاپ قر پرەزيدەنتى اكىمشىلىگىن باسقارىپ كەلگەن. 2018 جىلدان 2023-كە دەيىن قر سىبايلاس جەمقورلىقپەن كۇرەس اگەنتتىگىندە بىرنەشە لاۋازىمدى قىزمەتتەر اتقاردى. اگەنتتىكتىڭ تىزگىنىن ۇستادى.

كەشەلى-بەرى قازاق قوعامى كەلەسى پرەمەر-مينيستر كىم بولادى دەگەن سۇراقتىڭ توڭىرەگىندە قىزۋ تالقى جاساپ جاتتى. ءتۇرلى دولبارلار جاسالدى. پوتەنتسيالدى ۇمىتكەرلەردىڭ اراسىندا الماتى اكىمى ەربولات دوساەۆ پەن ماڭعىستاۋ وبلىسىنىڭ اكىمى نۇرلان نوعاەۆ, ءماجىلىس سپيكەرى ەرلان قوشانوۆتاردىڭ ەسىمدەرى اتالدى.

ال بۇگىن بيلىكتى پارتيا بەكتەنوۆتىڭ كانديداتۋراسىن پرەزيدەنتكە ۇسىنعانى بەلگىلى بولدى.

Abai.kz