بولگاريا پروكۋراتۋراسى بريفينگتە ەلدىڭ ءىىم قىزمەتكەرىنىڭ رەسەي پايداسىنا تىڭشىلىق جاسادى دەگەن كۇدىكپەن ۇستالعانىن رەسمي راستادى.

"تەرگەپ-تەكسەرۋ دەرەكتەرى مەن جينالعان دالەلدەمەلەر نەگىزىندە بولگاريالىق ازامات، ۇيىمداسقان قىلمىسقا قارسى كۇرەس جونىندەگى باس ديرەكتسيانىڭ (ۇققجبب) قازىرگى قىزمەتكەرى جاۋاپكەرشىلىككە تارتىلدى.

الىنعان دەرەكتەر ونىڭ ۇزاق ۋاقىت بويى رەسەيدىڭ ارنايى قىزمەتتەرىنىڭ وكىلدەرىمەن سويلەسكەنىن، ولارعا بولگار قىزمەتتەرىنىڭ جۇمىسى تۋرالى عانا ەمەس، ارىپتەستىك قىزمەتتەر تۋرالى دا اقپارات بەرگەنىن دالەلدەيدى. بۇل سەزىمتال قىزمەتتىك اقپارات بولدى، ونى بەرۋ ءۇشىن ءتۇرلى ادىستەر قولدانىلدى", - دەپ حابارلادى قاداعالاۋشى پروكۋرور انگەل كىنەۆ.

"دالەلدەمەلەردى جيناۋ جالعاسۋدا، قالالىق سوتقا ونى قاماۋعا الۋ تۋرالى ۇسىنىس ەنگىزىلەدى. بۇل ىستە ءبىز بىرنەشە اي بويى جۇمىس ىستەپ كەلەمىز", - دەپ تولىقتىردى ول.

بۇل ءىس بويىنشا تەرگەۋدى ۇلتتىق قاۋىپسىزدىك مەملەكەتتىك اگەنتتىگىنىڭ قىزمەتكەرلەرى وتكەن جىلدىڭ ورتاسىندا باستاعان، وعان بولگاريالىق ارناۋلى قىزمەتتەردىڭ وكىلدەرى دە قاتىسقان، جۇمىس ءىىم باسشىلىعىمەن بايلانىستا جۇرگىزىلگەن. قوسىمشا تەكسەرۋ جۇرگىزىلىپ جاتقان كۇدىكتىنىڭ قاۋىپسىزدىك اگەنتتىگىنىڭ قىزمەتكەرىمەن بايلانىستارى انىقتالدى.

Abai.kz