جەل تۇرماسا ءشوپتىڭ باسى قوزعالمايدى: الماتى اكىمى تاۋ بوكتەرىندەگى قۇرىلىستى رەتكە كەلتىرۋ كەرەكتىگىن ايتتى

الماتى قالاسىنىڭ اكىمى ەربولات دوساەۆ تاۋ بوكتەرىندەگى ۇيلەردىڭ قۇرىلىسىن رەتكە كەلتىرۋ كەرەكتىگىن اتاپ ءوتتى. سەبەبى،
بۇگىندە جەكە تۇرعىن ۇيلەردىڭ قۇرىلىسى جاي عانا حابارلاۋ ارقىلى – ءتيىستى باقىلاۋسىز سالىنىپ جاتىر.

مەگاپوليس باسشىسىنىڭ ايتۋىنشا، الماتى اكىمدىگى باقىلاۋدى كۇشەيتۋ ەسەبىنەن رەتسىز قۇرىلىسقا قارسى كۇرەستە بىرقاتار ۇسىنىسقا باستاماشى بولعان.

ء"بىز ۇسىنىسىمىزدى ەنگىزدىك، ويتكەنى بۇگىندە جەكە تۇرعىن ۇيلەردىڭ قۇرىلىسى جاي عانا حابارلاۋ ارقىلى – ءتيىستى باقىلاۋسىز سالىنىپ جاتىر. تەحنيكالىق شارتتار اۆتوماتتى تۇردە بەرىلەدى، سونىمەن قاتار جەلىلەرگە قالاي قوسىلادى دەگەن كوپتەگەن ماسەلە بار. ونەركاسىپ جانە قۇرىلىس مينيسترلىگى الماتى اكىمدىگىنىڭ قۇرىلىس ۇدەرىسىن رەتكە كەلتىرۋ باستاماسىن قولداۋى تۋرالى مەملەكەت باسشىسىنىڭ تاپسىرماسى بار. تەك الماتىدا ەمەس، بارلىق جەردە قۇرىلىستى رەتكە كەلتىرۋ كەرەك دەپ ويلايمىز. جەكە ءۇي سالۋ تۇرعىنداردى ءوز باسپانام بولادى دەگەنگە ىنتالاندىراتىن تۇسىنەمىن، بىراق ءبارى زاڭدى ءارى قاۋىپسىز بولۋى كەرەك", – دەدى ەربولات دوساەۆ.

Abai.kz