الماتىدا «تاۋەلسىزدىك تاڭى» ەسكەرتكىشىنىڭ جانىندا ساتباەۆ پەن جەلتوقسان كوشەلەرىنىڭ قيىلىسىندا «جەلتوقسان 86» قوعامدىق بىرلەستىگىنىڭ قاتىسۋشىلارى جينالىپ، لگبت ۇيىمدارىنا قارسى اكتسيا وتكىزدى. اكتسيانىڭ تىكەلەي ەفيرى facebook الەۋمەتتىك جەلىسىندە جۇرگىزىلدى.

قوعامدىق بىرلەستىكتىڭ ونداعان قاتىسۋشىلارى ارنايى ءراسىم وتكىزىپ، ادىراسپان جاعىپ، دۇعا وقىدى.

اكتسياعا قاتىسۋشىلاردىڭ ءبىرى گۇلباحرام ءجۇنىس «جەلتوقسان 86» قوعامدىق بىرلەستىگىنىڭ اتىنان:

«لگبت ۇيىمدارى ەلىمىزدىڭ مۇددەلەرى، بولاشاعى مەن گۇلدەنگەن حالقىمىزدىڭ تاعدىرىنا قاۋىپ توندىرمەس ءۇشىن ولارعا تىيىم سالۋ ماقساتىندا ءبىز مەملەكەتتەن ارنايى زاڭ تالاپ ەتەمىز»،- دەدى.

ولار بۇل تالاپتى پرەزيدەنت قاسىم-جومارت توقاەۆقا، پرەمەر-مينيستر بەكتەنوۆكە، دەپۋتاتتار مەن حالىققا جولدادى. ولار سونداي-اق جىل سايىن 8 ناۋرىز حالىقارالىق ايەلدەر مەرەكەسىندە ميتينگتەرگە شىعۋعا تىيىم سالۋدى تالاپ ەتتى.

Abai.kz