ءماجىلىس دەپۋتاتتارى بەلگىلەنگەن مولشەردەن جىلدامدىق اسىرعانعا 147 مىڭ تەڭگە ايىپپۇل سالۋدى ۇسىنىپ وتىر، دەپ حابارلايدى Abai.kz.

جاڭا نورما ءالى ءماجىلىستىڭ قاراۋىندا.

ادام ولىمىمەن اياقتالاتىن اپاتتاردىڭ الدىن الۋ ءۇشىن، ءبىر جىل ىشىندە جۇرگىزۋشى ەرەجەنى ەكى رەت بۇزسا، اكىمشىلىك جازانىڭ مولشەرى دە وسەتىندىگى كوزدەلگەن.

قازىر قولدانىستاعى زاڭ بويىنشا بەلگىلەنگەن شامادان جىلدامدىعىن 40 شاقىرىم اسىرعاندارعا 74 مىڭ تەڭگەلىك ايىپپۇل بار.  ەندى جىلدامدىعىن ساعاتىنا 60 شاقىرىمعا دەيىن ارتتىرعاندارعا 147 680 تەڭگە ايىپپۇل سالۋ قاراستىرىلىپ وتىر.

"ەگەر سونى قايتالاعان جاعدايدا 60 اەك مولشەرىندە ايىپپۇل سالىنسىن دەگەن ۇسىنىس ەنگىزىلدى. جول ەرەجەسىن بۇزۋشىلىقتىڭ جالپى سانى 9 ميلليون بولسا، سونىڭ جارتىسى: 4 جارىم ميلليونى وسى جىلدامدىق اسىرعانى ءۇشىن جاۋاپكەرشىلىككە تارتىلعاندار", – دەدى ىشكى ىستەر مينيسترلىگى ەرەكشە تاپسىرمالار جونىندەگى اعا ينسپەكتورى اقتوتى بورانوۆا.

Abai.kz