جاڭا تۇرپاتتاعى سوۆەت وداعىن قۇرۋ ءۇشىن جانتالاسىپ، جانىن جەپ جۇرگەن پۋتيندىك رەسەي بيلىگى «ەۋرازيالىق وداق قۇرۋ» دەگەن جالعان ساياسي بەت پەردەنى جامىلىپ، ويعا العان ىستەرىن مىسىقتابانداپ بولسا دا ىسكە اسىرماق نيەتىنەن تانباي كەلەدى. كەشە عانا «ورتاق تاريحي تامىرلاستىق ەۋرازيالىق وداق قۇرۋ فاكتورى» دەگەن تاقىرىپپەن وتكەن رەسەيدەگى ينتەگراتسيالىق كلۋبتىڭ كەزەكتى وتىرىسى پۋتيندىك جىمىسقى ساياساتتىڭ تاعى ءبىر ايعاعى ەكەنىن تاقىرىبىنىڭ ءوزى اشىق ايتىپ وتىر.
ءبىزدى تىكسىنتكەن مىنا جايت بولدى: الگى وتىرىستا رەسەي عىلىم اكادەمياسى جالپى تاريح ينستيتۋتىنىڭ ديرەكتورى الەكساندر چۋباريان (2-سۋرەتتە) قازاقستانمەن ورتاق تاريح وقۋلىعىن جاساۋ ءىسى ءجۇرىپ جاتقانىن مالىمدەدى. ال، «31» ارناعا وسى ماسەلە بويىنشا سۇحبات بەرگەن ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى تاريحشى عالىم حانگەلدى ءابجانوۆ (3-سۋرەتتە) بىلاي دەپ كوسىلدى: «الدىمەن ۇلى وتان سوعىسىن جازۋ، ودان كەيىن تىڭ يگەرۋدى جازۋ نەمەسە 20-30 جىلدارداعى ۇجىمداستىرۋ مەن اشارشىلىقتى جازۋمەن تاجىربيە جيناقتالىپ، 20 عاسىردىڭ ورتاق تاريحىن ءبىر جۇيەلەپ الساق، كەيىن ونى 19 عاسىرعا، 18 عاسىرعا ءارى قاراي تەرەڭدەتە بەرۋگە بولادى».

جاڭا تۇرپاتتاعى سوۆەت وداعىن قۇرۋ ءۇشىن جانتالاسىپ، جانىن جەپ جۇرگەن پۋتيندىك رەسەي بيلىگى «ەۋرازيالىق وداق قۇرۋ» دەگەن جالعان ساياسي بەت پەردەنى جامىلىپ، ويعا العان ىستەرىن مىسىقتابانداپ بولسا دا ىسكە اسىرماق نيەتىنەن تانباي كەلەدى. كەشە عانا «ورتاق تاريحي تامىرلاستىق ەۋرازيالىق وداق قۇرۋ فاكتورى» دەگەن تاقىرىپپەن وتكەن رەسەيدەگى ينتەگراتسيالىق كلۋبتىڭ كەزەكتى وتىرىسى پۋتيندىك جىمىسقى ساياساتتىڭ تاعى ءبىر ايعاعى ەكەنىن تاقىرىبىنىڭ ءوزى اشىق ايتىپ وتىر.
ءبىزدى تىكسىنتكەن مىنا جايت بولدى: الگى وتىرىستا رەسەي عىلىم اكادەمياسى جالپى تاريح ينستيتۋتىنىڭ ديرەكتورى الەكساندر چۋباريان (2-سۋرەتتە) قازاقستانمەن ورتاق تاريح وقۋلىعىن جاساۋ ءىسى ءجۇرىپ جاتقانىن مالىمدەدى. ال، «31» ارناعا وسى ماسەلە بويىنشا سۇحبات بەرگەن ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى تاريحشى عالىم حانگەلدى ءابجانوۆ (3-سۋرەتتە) بىلاي دەپ كوسىلدى: «الدىمەن ۇلى وتان سوعىسىن جازۋ، ودان كەيىن تىڭ يگەرۋدى جازۋ نەمەسە 20-30 جىلدارداعى ۇجىمداستىرۋ مەن اشارشىلىقتى جازۋمەن تاجىربيە جيناقتالىپ، 20 عاسىردىڭ ورتاق تاريحىن ءبىر جۇيەلەپ الساق، كەيىن ونى 19 عاسىرعا، 18 عاسىرعا ءارى قاراي تەرەڭدەتە بەرۋگە بولادى».
«وزىڭنەن زور شىقسا، ەكى كوزىڭ سوندا شىعادى» دەگەن – وسى. رەسەيدىڭ قازاقستاندى جاڭاشا وتارلاۋ ساياساتىنىڭ اسىرە بەلسەندىلەرى وسىلايشا، ورتاق تاريحتى 18 عاسىرعا ءبىر-اق اپارساق دەپ ارماندايدى. تاريحشىنىڭ ارمانى مۇنداي بولعاندا، رەسەي دەسە، ۇلتىڭمەن، وتانىڭمەن قوسى ورىستىڭ قولىنا ۇستاتا سالۋعا دايىن بيلىكتىڭ ارمانىن ويلاساڭ، جانىڭ تۇرشىگەدى.
مەملەكەتتىك حاتشىنىڭ باستاماسىمەن قولعا الىنعان ۇلتتىق تاريحتى جۇيەلەۋ، ناسيحاتتاۋ، تولىق زەرتتەۋ ءىسىنىڭ نەگە اياق استىنان ساپ تىيىلعانى ەندى بەلگىلى بولعانداي...

Abai.kz