قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا مەملەكەت 2019 جىلى قارىزىن كەشىرگەن قازاقستاندىقتار جاڭا نەسيەلەردى الىپ، تولەي الماي جاتقانىن ءمالىم ەتتى، دەپ حابارلايدى Abai.kz.

ءماجىلىس كاۋلىلارىندا جۋرناليستەرگە جاۋاپ بەرگەن باسشىلىق كورسەتكىشتىڭ كوڭىل كونشىتپەيتىنىن جەتكىزدى.

– وكىنىشكە قاراي، 2019 جىلى نەسيە راقىمشىلىعىنا ىلىنگەن قارىز الۋشىلاردىڭ كوبىندە تاعى دا نەسيەلەر بار. ولاردىڭ كەيبىرەۋلەرى قايتادان پروبلەمالىق نەسيەلەرىن تولەي الماي وتىر. بۇل ازاماتتاردىڭ تولەم ءوزىنىڭ قابىلەتتىلىگىن دۇرىس باعالاۋ ماسەلەسى، - دەيدى ول.

ابىلقاسىموۆا ازاماتتاردىڭ قايتادان نەسيە الۋعا قۇقىعى بار ەكەنىن، الايدا ولاردىڭ ءبىر بولىگى قايتادان قارىزىن وتەي الماي جاتقانىن اتاپ ءوتتى.

2024 جىلدىڭ 1 قاڭتارىنداعى جاعداي بويىنشا 8,5 ملن قازاقستاندىقتىڭ قارجى ۇيىمدارى الدىندا 19 ترلن تەڭگە سوماعا بەرەشەگى بار. ونىڭ ىشىندە 8,2 ملن ازاماتتىڭ كەپىلسىز تۇتىنۋ كرەديتى بويىنشا 10 ترلن تەڭگە سوماعا بەرەشەگى بار. بۇل رەتتە 1,6 ملن ازاماتتىڭ 1,7 ترلن تەڭگەگە پروبلەمالىق كرەديتى جيناقتالىپ قالعان.

Abai.kz.