كەشە وتاندىق باق-تا «Yntymaq» پارتياسى قازاقستاننىڭ ادىلەت مينيسترلىگىنە تىركەۋگە قۇجاتتاردى ءساتتى تاپسىردى دەگەن اقپارات تارادى.

6 ناۋرىزدا «Yntymaq» رەسپۋبليكالىق ساياسي پارتياسى قازاقستاننىڭ ادىلەت مينيسترلىگىنە تىركەۋگە قۇجاتتارىن تاپسىرعان.

«ادىلەت مينيسترلىگىنىڭ تىركەۋ قىزمەتى جانە زاڭ قىزمەتىن ۇيىمداستىرۋ دەپارتامەنتى 2024 جىلعى 4 ناۋرىزداعى» رەسپۋبليكالىق ساياسي پارتيا «Yntymaq» «قۇرۋ نيەتى تۋرالى ءسىزدىڭ حابارلاماڭىزدى قاراپ،» ساياسي پارتيالار تۋرالى «زاڭنىڭ 6-بابىنا سايكەس، قوسىمشاعا سايكەس قۇجاتتاردى ۇسىنۋ تۋرالى راستاۋدى جولدايدى»، - دەلىنگەن ادىلەت مينيسترلىگىنىڭ حابارلاماسىندا.

پارتيا قۇرىلتايشىلارى اتاپ وتكەندەي، ادىلەت مينيسترلىگى بىرنەشە رەت جاسالعان ارەكەتتەردەن كەيىن قۇجاتتاردى قابىلداعان.

جاڭا پارتيانى قۇرۋدىڭ باستاماشىلارىنىڭ قاتارىندا «استانا» حالىقارالىق عىلىمي كەشەنىنىڭ ەكونوميكالىق زەرتتەۋلەر ينستيتۋتىنىڭ باسشىسى مەيرام قاجىكەن، سونداي-اق ەكونوميكانىڭ ءتۇرلى سالالارىنداعى بىرقاتار قوعام جانە ساياسي قايراتكەرلەر مەن ساراپشىلار بار.

سۋرەت ۆيكيپەديادان الىندى

مەيرام قاجىكەن قازاقستان پرەزيدەنتتىگىنە ۇمىتكەر رەتىندە 2022 جىلى سايلاۋعا قاتىسقان. ول كەزدە قاجىكەن ەلەكتوراتتىڭ 2,53 پايىز داۋىسىن الىپ، ۇمىتكەرلەردىڭ اراسىندا 4-ءشى ورىنعا تابان تىرەگەن.

تاقىرىپقا تۇزدىق: 2023 جىلعى سوڭعى دەرەك بويىنشا ەلىمىزدە 7 ساياسي پارتيا تىركەلگەن. ولار:

«Amanat» پارتياسى;

قازاقستاننىڭ «اق جول» دەموكراتيالىق پارتياسى;

قازاقستاننىڭ حالىقتىق پارتياسى;

«اۋىل» حالىقتىق-دەموكراتيالىق پاتريوتتىق پارتياسى;

جالپىۇلتتىق سوتسيال-دەموكراتيالىق پارتيا;

قازاقستان «بايتاق» جاسىلدار پارتياسى;

«Respublica پارتياسى» قوعامدىق بىرلەستىگى.

ەندى ولاردىڭ قاتارى تاعى ءبىر پارتياعا تولىقپاق. ول – «Yntymaq» پارتياسى.  قازاقستاننىڭ ادىلەت مينيسترلىگىنە تىركەۋگە قابىلداعان قۇجاتتارعا سايكەس، شەشىم الداعى كۇندەرى شىعارىلادى.

Abai.kz