ۆيدەونى NDTV ۇندىستاندىق باسىلىمنىڭ ءجۋرناليسى ۋما سۋدحير تۆيتتەردە جاريالادى.

جەتى ازاماتتىڭ ايتۋىنشا، ولار رەسەيگە 2023 جىلعى جەلتوقساننىڭ اياعىندا تۋريست رەتىندە كەلگەن. سودان كەيىن ءبىر تۋراگەنت ولارعا بەلارۋسقا دا بارۋدى ۇسىنعان. ۇندىستاندىق ازاماتتار كەلىسكەن. «ول جاققا بارۋ ءۇشىن ۆيزا كەرەكتىگىن ءبىز بىلمەدىك. بەلارۋسقا كەلگەن ۋاقىتتا اگەنت بىزدەن اقى سۇراپ، سوسىن كەتىپ قالدى» دەيدى ۇندەۋ اۆتورلارىنىڭ ءبىرى.

بەلارۋسقا كەلگەن تۋريستەردى ميليتسيا ۇستاعان. سوسىن ولاردى رەسەي بيلىگىنە تاپسىرعان. مۇندا ولارعا ورىس تىلىندەگى قۇجاتقا قول قويۋعا ماجبۇرلەگەن.

سودان كەيىن، News 18 ءۇندى باسىلىمىنىڭ مالىمەتىنشە، ءۇندىستان ازاماتتارى 15 كۇن بويى اسكەري دايىندىقتان وتكەن، سوسىن «سوعىس ءجۇرىپ جاتقان جەرگە» جەتكىزىلگەن. NDTV مالىمەتىنشە، سوعىستان باس تارتقان جاعدايدا ولاردى 10 جىلعا سوتتايمىز دەپ قورقىتقان.

2024 جىلعى اقپاندا ءۇندىستان بيلىگى رەسەي ارمياسىنا ءتۇسىپ قالعان جيىرما شاقتى ازاماتتى ەلگە قايتارۋعا تىرىسىپ جاتقانىن مالىمدەدى. The Moscow Times گازەتىنىڭ جازۋىنشا، ولار رەسەيگە تۋريست رەتىندە ەمەس، جۇمىسشى رەتىندە كەلۋى مۇمكىن. باسىلىم مالىمەتىنشە، ءۇندىستاننىڭ بىرنەشە ازاماتىنا قوقىس جيناۋشى جۇمىسىن ۇسىنعان، بىراق ولاردى بىردەن اسكەري دايىندىق ورتالىعىنا جىبەرگەن.

Abai.kz