بۇگىن استانادا بۇرىنعى ەكونوميكا ءمينيسترى قۋاندىق بيشىمباەۆقا قاتىستى ءىس بويىنشا الدىن الا تىڭداۋ باستالدى. ايەلىن ءولتىردى دەپ ايىپ تاعىلعان ەكس ءمينيستردىڭ بۇل ءىسى قوعامدا ۇلكەن رەزونانس تۋدىرعان. نۇكەنوۆانىڭ ولىمىنەن كەيىن بارشا باق وكىلدەرى مينيستر جايلى اقپاراتتاردى ىزدەستىرىپ، جەلىدە جەلدەي شۋلاتقان بولاتىن. اتالمىش وقيعانىڭ ماڭىزدىلىعى قوعامداعى ايەل قۇقىعىن قورعاۋ جايلى جاڭا زاڭداردىڭ قالىپتاسۋىنا دەيىن جالعاسۋدا.

بۇگىنگى الدىن الا تىڭدالىمدا مەملەكەتتىك ايىپتاۋشى بىرنەشە مالىمدەمە جاسادى.
– قۋاندىق بيشىمباەۆ پەن سالتانات نۇكەنوۆانىڭ نەكەلەرى رەسمي تۇردە تىركەلگەن.

– بيشىمباەۆ جابىرلەنۋشىنىڭ بارلىق تەلەفون قوڭىراۋلارىن باقىلاپ، وعان جۇمىس ىستەۋگە تىيىم سالىپ، ونى تولىعىمەن قارجىلىق تاۋەلدى ەتتى.

– زورلىق-زومبىلىق جانە جۇيەلى فيزيكالىق زورلىق كورسەتكەن.

– 2023 جىلدىڭ ناۋرىز ايىنىڭ ورتاسىندا استانادا بيشىمباەۆ نۇكەنوۆانى ۇرعان.

–  سالتانات نۇكەنوۆا اعاسىنا شاعىمدانعان، بىراق اعاسى اجىراس دەگەندە باس تارتقان.

– 2023 جىلدىڭ جازىندا بيشىمباەۆ نۇكەنوۆانى الماتىعا كوشۋ كەرەكتىگىن ايتادى. ول زورلىق-زومبىلىق توقتاتىلادى دەگەن ۇمىتپەن كەلىسكەن. الايدا بيشىمباەۆ ايەلىنە وعان فيزيكالىق كۇش كورسەتۋدى جالعاستىردى.

بۇگىنگى تىڭدالىم كەزىندە بيشىمباەۆ وزىنە تاعىلعان ايىپتى ءتۇسىنىپ، بىراق ونى مويىندامايتىنىن اشىپ ايتتى.

ەسكە سالا كەتەيىك، كۇدىكتى قۋاندىق بيشىمباەۆقا قر قىلمىستىق كودەكسىنىڭ 99-بابى 2-بولىگى 5-تارماعى بويىنشا ادام ءولتىرۋ، قاساقانا، اسا قاتىگەزدىكپەن ادام ءولتىرۋ، قىلمىستىق كودەكستىڭ 110-بابى 2-بولىگى 1-تارماعى بويىنشا ماتەريالدىق جاعىنان تاۋەلدi ادامدى جۇيەلى تۇردە ۇرىپ-سوعۋ نەمەسە وزگە دە زورلىق-زومبىلىق ارەكەتتەرى ارقىلى فيزيكالىق جانە پسيحيكالىق قيناۋ فاكتىسى بويىنشا ايىپ تاعىلىپ وتىر.

Abai.kz