پايدالانۋعا بەرىلگەنىنە ون جىل دا بولماعان مەكتەپ ءبىلىم ورداسى ەمەس بالالاردىڭ اجال مەكەنىنە اينالعالى وتىر. بىرنەشە جىل بۇرىن پايدا بولعان مەكتەپتىڭ سىزاتتارى جەر سىلكىنىسىنەن كەيىن ءتىپتى اجىراپ، اراسى كەڭەيىپ كەتكەن.

سوندا دا ەشقانداي شارا قولدانىلماعان. نىسان وپىرىلىپ تۇسە مە دەپ الاڭداڭداعان اتا-انالار بالالارىن مەكتەپكە جىبەرەردە جاندارىن شوبەرەككە وراپ وتىرادى ەكەن.

"بالالارىمىزدى جىبەرۋگە قورقامىز. جىبەرسەك تە جانىمىزدى شۇبەرەككە ءتۇيىپ وتىرامىز. الدىنداعى جەر سىلكىنىسىنەن كەيىن اتا-انالاردىڭ ءبىرازى جىلاپ كەلىپ، بالالارىمىزدى الىپ كەتتىك. ءبىز تاعى دا جەر سىلكىنىسى بولسا، بالالارىمىز ءۇيىندى استىندا قالا ما دەپ قورقامىز", – دەدى اششىبۇلاق اۋىلىنىڭ تۇرعىنى ينديرا ابىشەۆا.

2013 جىلى پايدالانۋعا بەرىلگەن مەكتەپتە بۇگىندە 2000-نان استام بالا ءبىلىم الادى. ال، بويىن قورقىنىش بيلەگەن اتا-انالار اۋىلداعى جاقىن ءبىلىم وردالارىنىڭ بارلىعى تولىق بولعاندىقتان، اۋىستىرۋ دا ۇلكەن قيىندىق تۋدىراتىنىن ايتتى. قابىرعاسى سوگىلگەن مەكتەپ باسشىلىعى بالالاردىڭ موينىنا ىسقىرۋىق پەن جەكە دەرەكتەرىن جازىپ ءىلىپ قويعان.

"بالالارىمىزدىڭ موينىنى ىسقىرۋىق پەن بالا تۋرالى مالىمەت جازىلعان بەيدجيك ءىلىپ قويعان. ءبىز ءدال قازىرگى جاعدايدا بالامىزدى ۇيىندىلەردىڭ استىنان ىزدەۋدىڭ جولىن ىزدەپ جاتقان سياقتىمىز", – دەدى اششىبۇلاق اۋىلىنى تۇرعىنى مادينا كيبيرحانوۆا.

اتا-انالاردىڭ نارازىلىعىنان كەيىن ءبىلىم ورداسىنا كوميسسيا كەلىپ زەردەلەۋ جۇرگىزۋدى جوسپارلاپ وتىر.

الاڭداعان اتا-انالار بالالارىن ونلاين وقىتۋعا اۋىستىرۋدى تالاپ ەتىپ وتىر. ساراپتاما قورىتىندىسى قانداي بولارى الداعى ۋاقىتتا بەلگىلى بولماق.

Abai.kz