وزگە ەلدەردەن ات باسىنداي التىن بەرگەندەي ەتىپ ساتىپ العان، فۋتبولىمىزدى وركەندەتەدى دەپ ۇمىتتەنگەن كەلىمسەكتەر ءوز ەلىنە قايتقان سوڭ، سىرتىمىزدان جامانداپ ايتپاعان ءسوزى قالمايتىن كورىنەدى.

ماسەلەن، قىزىلوردانىڭ “قايسار” كومانداسىندا ويناعان انتون ماتۆەەنكو دەگەن بىرەۋ بەلورۋسسياعا قايتىپ ورالعان سوڭ، سىباعانىمىزدى بەرىپتى. ونىڭ ايتۋىنشا قىزىلوردادا ادامنان گورى تۇيەلەر كوپ كورىنەدى. مۇنداعى حالىق ءتارتىپ دەگەننەن مۇلدەم حابارسىز. اۋەجايدا جۇكتەرىندى رەتتەۋ دەگەن جوق، اپارىپ ءبىر جەرگە ءۇيىپ قويادى. جولدارى جول ەمەس، شىتىناپ، جارىلىپ جاتقان بىردەڭە. ستاديوندارى دا ويناۋعا جارامايدى.

قىسقاسى، كەزىندە كوپ اقشا بەرىپ، توبەمىزگە كوتەرگەن بۇل ماتۆيەنكو ءبىزدى سوناۋ ارتتا قالعان افريكا ەلدەرىنىڭ ءبىرىنىڭ قاتارىنا قوسىپ قويىپتى.

ءسىرا، وزىنە قاراساڭ ورىس سەكىلدى، تەگىنە قاراساڭ ۋكرايندىق سەكىلدى، سوزىنە قاراساڭ ناعىز شوۆينيست بولىپ شىعاتىن بۇل سۇمەلەككە قايماعى بۇزىلماعان قازاق ءوڭىرى ۇناي قويماسا كەرەك. اتامىز قازاق “سارى ورىستىڭ ءبارى ورىس” دەگەندە وسىندايلاردى مەڭزەگەن شىعار.

وزىمىزگە دە سول كەرەك. قارا دومالاقتارىمىزعا جول اشۋدىڭ ورنىنا، شەتەلگە قاراپ، اۋىز اشامىز دا وتىرامىز. ال مۇندايلار ەندى وسى ءبىزدىڭ قوستانايدىڭ “توبولىندا” دا جەتىپ ارتىلادى. شىنايى بەت پەردەسى تەڭگەمىزگە ابدەن تويىپ، ەلىنە كەتكەن سوڭ عانا اشىلادى. كۇتە تۇرالىق.

ايتپاقشى، كورەتىن قىزىعىڭىز بەن شىجىعىڭىز ءالى الدا. بيىلعى جىلدان باستاپ شەتەلدەردەن وسى ماتۆەەنكو سەكىلدى كەلىمسەكتەردى شاقىرۋعا دەگەن شەكتەۋ الىنىپ تاستالدى. امان بولساق، تالاي ءسوزدى ەسىتەمىز ءالى. چاو-كاكاو!

جايبەرگەن بولاتوۆ

Abai.kz