استانانىڭ ەكس-اكىمى التاي كولگىنوۆ جاڭا قىزمەتكە تاعايىندالدى، دەپ حابارلايدى Abai.kz.

- مەملەكەت باسشىسىنىڭ جارلىعىمەن التاي سەيدىرۇلى كولگىنوۆ قازاقستان رەسپۋبليكاسىنىڭ ەستونيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى, – دەلىنگەن اقوردا حابارلاماسىندا.

بۇعان دەيىن ەستونيادا ەلشى بولعان نۇرلان سەيتىموۆ لاۋازىمىنان بوساتىلدى.

​​التاي كولگىنوۆ 1978 جىلى 15 قاڭتاردا تۇركىستان وبلىسىندا دۇنيەگە كەلگەن. ح.ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن جانە ابەردين ۋنيۆەرسيتەتىن (ۇلىبريتانيا) بىتىرگەن.

ەڭبەك جولىن 2001 جىلى قر باس پروكۋراتۋراسى جانىنداعى قۇقىقتىق ستاتيستيكا جانە اقپارات ورتالىعى كادر جۇمىسى ءبولىمىنىڭ باس مامانى رەتىندە باستاعان. كەيىن قر بپ قۇقىقتىق ستاتيستيكا جانە ارنايى ەسەپكە الۋ كوميتەتى قۇقىقتىق ستاتيستيكانى قالىپتاستىرۋ باسقارماسىنىڭ پروكۋرورى بولدى. 2003-2007 جىلدار ارالىعىندا قر مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا باسقارما باستىعىنىڭ ورىنباسارى بولىپ جۇمىس ىستەدى.

2007-2008 جىلدارى قر ادىلەت مينيسترلىگىنىڭ زاڭعا تاۋەلدى اكتىلەر دەپارتامەنتىنىڭ زاڭعا تاۋەلدى اكتىلەردى تالداۋ جانە ازىرلەۋ باسقارماسىنىڭ باستىعى، كەيىن «الاش مەديا گرۋپپ» جشس باس ديرەكتورىنىڭ قۇقىقتىق ماسەلەلەر جونىندەگى ورىنباسارى قىزمەتىن اتقاردى. 2010 جىلى قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى بولىپ تاعايىندالدى.

2012-2013 جىلدارى – باتىس قازاقستان وبلىسى اكىمىنىڭ ورىنباسارى. 2013-2022 جىلدار ارالىعىندا ورال قالاسىنىڭ، باتىس قازاقستان وبلىسىنىڭ جانە استانا قالاسىنىڭ اكىمى بولدى.

قازاقستاننىڭ ەستونياداعى ەلشىسى بولىپ تاعايىندالعانعا دەيىن 2022 جىلعى جەلتوقساننان 2023 جىلعى ماۋسىمعا دەيىن قازاقستان رەسپۋبليكاسى پرەمەر-ءمينيسترىنىڭ ورىنباسارى قىزمەتىن اتقاردى.

اعىلشىن جانە تۇرىك تىلدەرىن مەڭگەرگەن.

Abai.kz