دەنساۋلىق ساقتاۋ باسقارماسىنىڭ باسشىسى ءاليا رۇستەموۆانىڭ ايتۋىنشا، ەلوردادا ۆەدومستۆولىق باعىنىستى مەكەمەلەردە دارىگەرلىك كادرلاردىڭ تاپشىلىعى جوق. ۆەدومستۆو باسشىسى جاعداي بۇرىنعىداي كۇردەلى ەمەس دەپ مالىمدەدى. قازىر ۆەدومستۆولىق باعىنىستى مەديتسينالىق ۇيىمداردا 12 مىڭعا جۋىق مەديتسينا قىزمەتكەرى جۇمىس ىستەيدى، ونىڭ ىشىندە 3,5 مىڭ دارىگەر بار.

«قازىرگى ۋاقىتتا 83 دارىگەر مامانى تاپشى. بۇل – نەگىزىنەن ۋچاسكەلىك دارىگەرلەر. كادرلاردىڭ اۋىسۋى ءارتۇرلى سەبەپتەرمەن جۇرەدى. مىسالى، جاس مامان-ايەلدەر وتباسىن قۇرىپ، دەكرەتتىك دەمالىسقا كەتەدى، تاعى ءبىرى باسقا ماماندىقتارعا قايتا دايارلانىپ، باعىتىن وزگەرتەدى، كەيبىر دارىگەرلەر ءارتۇرلى جاعدايلاردا باسقا قالالارعا، ەلدەرگە كوشەدى، وسىلايشا دارىگەر كادرلارىنىڭ جەتىسپەۋشىلىگى قالىپتاسادى. ارينە، باستى سەبەپتەردىڭ ءبىرى – فيزيكالىق جانە پسيحوەموتسيونالدى جوعارى جۇمىس»، - دەدى سپيكەر.

رۇستەموۆا مەديتسينا قىزمەتكەرلەرى ءۇشىن حالىقپەن جۇمىس ىستەۋ قيىنداي تۇسكەنىن ايتىپ ءوتتى.

سپيكەر اتاپ وتكەندەي، دەنساۋلىق ساقتاۋ باسقارماسى مامانداردى جىل سايىن جاقىن جانە الىس شەتەلدەردىڭ جەتەكشى كلينيكالارىندا وقىتادى. وعان جەرگىلىكتى بيۋدجەتتەن جىل سايىن شامامەن 200 ملن تەڭگە بولىنەدى.

Abai.kz