كەشە ارمەنيا استاناسى ەرەۆان قالاسىندا ەلدىڭ كەدەندىك وداققا قوسىلۋىنا جانە رەسەي پرەزيدەنتى ۆ.ءپۋتيننىڭ ارمەنياعا ساپارىنا قارسى بەس ءجۇز ادام قاتىسقان شەرۋ بولىپ ءوتتى.

قولدارىنا «پۋتين، قايت»، «ارمەنيا پۋتينگە ساتىلمايدى»، «كەدەندىك وداق – ارمەنيانى وتارلاۋمەن بىردەي»، «Stop Russia»، «ورىستار – ورىسقا، بىزگە - ارمەنيا» دەلىنگەن ۇران قاعازدار ۇستاعان شەرۋشىلەر پرەزيدەنت اكىمشىلىگىنە بارىپ، ۇكىمەتكە كەدەندىك وداققا قوسىلماۋ تۋرالى حات تاپسىرعان.

ال، پۋتين ەرەۆانعا كەلمەس بۇرىن، ارمەنياداعى رەسەيدىڭ اسكەري بازاسىنا سوققان. سونداي-اق، پۋتين ارمەنيا جانە رەسەي ايماقتىق فورۋمىندا: «بابالارىمىزدان قالعان جاقسى بايلانىستاردى نەگىزگە الا وتىرىپ، رەسەي قاپقاز ەلدەرىنەن ەشقاشان كەتپەيدى»، دەپ مالىمدەگەن.

قىركۇيەك ايىندا پۋتينمەن كەزدەسۋى كەزىندە ارميان پرەزيدەنتى سەرج سارگسيان كەدەندىك وداققا قوسىلۋعا نيەتتى ەكەنىن ايتقان. شەرۋشىلەر ارمەنيا پرەزيدەنتىنىڭ بۇل قادامىن «ساتقىندىق» دەپ باعالادى.

قازاقستان دا كەدەندىك وداقتىڭ مۇشەسى. كەدەندىك وداققا كىرۋ تۋرالى قازاقستان بيلىگى شەشىم قابىلداعان تۇستا قوعام تاراپىنان قارسىلىقتار بولعان. بىراق، قوعامنىڭ قارسىلىعى مەن قوعام ويىن جەتكىزۋشى ساراپشىلاردىڭ پىكىرىنە قۇلاق اسپاعان بيلىك وداققا كىردى. ەكونوميستتەر قازاقستانعا كەدەندىك وداقتىڭ كەسىرى عانا ءتيىپ جاتقانىن ءار كەز ايتىپ كەلەدى. الايدا بيلىك رايىنان قايتار ەمەس. ءتىپتى رەسەيمەن ەۋرازيالىق وداق قۇرۋ ماسەلەسىن العا قويىپ وتىر.

كەشە ارمەنيا استاناسى ەرەۆان قالاسىندا ەلدىڭ كەدەندىك وداققا قوسىلۋىنا جانە رەسەي پرەزيدەنتى ۆ.ءپۋتيننىڭ ارمەنياعا ساپارىنا قارسى بەس ءجۇز ادام قاتىسقان شەرۋ بولىپ ءوتتى.

قولدارىنا «پۋتين، قايت»، «ارمەنيا پۋتينگە ساتىلمايدى»، «كەدەندىك وداق – ارمەنيانى وتارلاۋمەن بىردەي»، «Stop Russia»، «ورىستار – ورىسقا، بىزگە - ارمەنيا» دەلىنگەن ۇران قاعازدار ۇستاعان شەرۋشىلەر پرەزيدەنت اكىمشىلىگىنە بارىپ، ۇكىمەتكە كەدەندىك وداققا قوسىلماۋ تۋرالى حات تاپسىرعان.

ال، پۋتين ەرەۆانعا كەلمەس بۇرىن، ارمەنياداعى رەسەيدىڭ اسكەري بازاسىنا سوققان. سونداي-اق، پۋتين ارمەنيا جانە رەسەي ايماقتىق فورۋمىندا: «بابالارىمىزدان قالعان جاقسى بايلانىستاردى نەگىزگە الا وتىرىپ، رەسەي قاپقاز ەلدەرىنەن ەشقاشان كەتپەيدى»، دەپ مالىمدەگەن.

قىركۇيەك ايىندا پۋتينمەن كەزدەسۋى كەزىندە ارميان پرەزيدەنتى سەرج سارگسيان كەدەندىك وداققا قوسىلۋعا نيەتتى ەكەنىن ايتقان. شەرۋشىلەر ارمەنيا پرەزيدەنتىنىڭ بۇل قادامىن «ساتقىندىق» دەپ باعالادى.

قازاقستان دا كەدەندىك وداقتىڭ مۇشەسى. كەدەندىك وداققا كىرۋ تۋرالى قازاقستان بيلىگى شەشىم قابىلداعان تۇستا قوعام تاراپىنان قارسىلىقتار بولعان. بىراق، قوعامنىڭ قارسىلىعى مەن قوعام ويىن جەتكىزۋشى ساراپشىلاردىڭ پىكىرىنە قۇلاق اسپاعان بيلىك وداققا كىردى. ەكونوميستتەر قازاقستانعا كەدەندىك وداقتىڭ كەسىرى عانا ءتيىپ جاتقانىن ءار كەز ايتىپ كەلەدى. الايدا بيلىك رايىنان قايتار ەمەس. ءتىپتى رەسەيمەن ەۋرازيالىق وداق قۇرۋ ماسەلەسىن العا قويىپ وتىر.

قازاقستان جەرىندە دە رەسەيدىڭ بىرنەشە اسكەري پوليگونى بار. «بايقوڭىر» عارىش ايلاعى دا رەسەيگە جالعا بەرىلگەن.

Abai.kz