شىعىس قازاقستان وبلىسىنىڭ اكىمى بەردىبەك ساپارباەۆ جارما اۋدانىندا جۇمىس ساپارىمەن بارىپ، اۋىل حالقى ءۇشىن ماڭىزدى بىرنەشە نىساننىڭ اشىلۋىنا قاتىستى. قالباتاۋدا اتالىپ وتكەن «تۋعان ەل – التىن بەسىگىم» اكتسياسىنىڭ بەس جىلدىق قورىتىندى مەرەكەسىن تاماشالاپ، مادەنيەت پەن ونەر مايتالماندارىن ماراپاتتادى.

 
«مارالدى» كەمپينگىندە كوپتەگەن قىزمەت تۇرلەرى بار

جارما اۋدانىندا «تۋعان جەرگە – تاعزىم» اكتسياسى اياسىندا اشىلعان  ءبىر تاماشا نىسان – ارشالى اۋىلىنىڭ ءدال ىرگەسىنەن كوكتەي وتەتىن وسكەمەن - الماتى تاس جولىنىڭ بويىندا جاڭادان تۇرعىزىلعان «مارالدى» كەمپينگى. اتالعان كەمپينگتە جولاۋشىلارعا قاجەتتىڭ ءبارى بار. ماسەلەن، شارشاپ-شالدىعىپ كەلە جاتقاندارعا 10 بولمەلى جايلى قوناقۇي، تەمىر تۇلپارلارى بۇزىلعاندارعا كولىك جوندەيتىن ستانسا، جۇرەك جالعايمىن دەۋشىلەرگە 150 ورىندىق اسحانا، جۋىناتىن بولمەلەر مەن مونشا سياقتى بىرقاتار قىزمەت تۇرلەرى ۇسىنىلعان. «مارالدىنى» جەكە كاسىپكەر سەرىكبولسىن بەيسەنباەۆ 80 ملن. تەڭگە ءوز قارجىسىنا سالىپتى. قازىر كەشەندە بارلىعى 20 ادام ەڭبەك ەتىپ، تۇراقتى جالاقىلارىن الىپ وتىر.

شىعىس قازاقستان وبلىسىنىڭ اكىمى بەردىبەك ساپارباەۆ جارما اۋدانىندا جۇمىس ساپارىمەن بارىپ، اۋىل حالقى ءۇشىن ماڭىزدى بىرنەشە نىساننىڭ اشىلۋىنا قاتىستى. قالباتاۋدا اتالىپ وتكەن «تۋعان ەل – التىن بەسىگىم» اكتسياسىنىڭ بەس جىلدىق قورىتىندى مەرەكەسىن تاماشالاپ، مادەنيەت پەن ونەر مايتالماندارىن ماراپاتتادى.

 
«مارالدى» كەمپينگىندە كوپتەگەن قىزمەت تۇرلەرى بار

جارما اۋدانىندا «تۋعان جەرگە – تاعزىم» اكتسياسى اياسىندا اشىلعان  ءبىر تاماشا نىسان – ارشالى اۋىلىنىڭ ءدال ىرگەسىنەن كوكتەي وتەتىن وسكەمەن - الماتى تاس جولىنىڭ بويىندا جاڭادان تۇرعىزىلعان «مارالدى» كەمپينگى. اتالعان كەمپينگتە جولاۋشىلارعا قاجەتتىڭ ءبارى بار. ماسەلەن، شارشاپ-شالدىعىپ كەلە جاتقاندارعا 10 بولمەلى جايلى قوناقۇي، تەمىر تۇلپارلارى بۇزىلعاندارعا كولىك جوندەيتىن ستانسا، جۇرەك جالعايمىن دەۋشىلەرگە 150 ورىندىق اسحانا، جۋىناتىن بولمەلەر مەن مونشا سياقتى بىرقاتار قىزمەت تۇرلەرى ۇسىنىلعان. «مارالدىنى» جەكە كاسىپكەر سەرىكبولسىن بەيسەنباەۆ 80 ملن. تەڭگە ءوز قارجىسىنا سالىپتى. قازىر كەشەندە بارلىعى 20 ادام ەڭبەك ەتىپ، تۇراقتى جالاقىلارىن الىپ وتىر.

– قاراپ تۇرساق، وسكەمەننەن الماتىعا دەيىنگى كۇرە جولدىڭ بويىندا جوعارى دەڭگەيلى، سان سالالى قىزمەت ۇسىناتىن ءدال وسىنداي زاماناۋي كەمپينگ جوق. بۇيىرتسا، بۇل كەشەن بەس-التى جىلدىڭ ىشىندە ءوزىن-ءوزى اقتايدى دەگەن ويىمىز بار. كەلەشەكتە «قازمۇنايگاز» كومپانياسىمەن كەلىسىپ، جانارماي قۇيۋ ستانساسىن سالۋ جوسپاردا بار، - دەيدى «مارالدى» كەمپينگىنىڭ باسقارۋشى ديرەكتورى شاۋكات ءابدىراحمانوۆ.
اۋدان ورتالىعىندا ءوڭىر باسشىسى بەردىبەك ساپارباەۆ قابىرعاسى قالانىپ جاتقان بولات تۇرلىحانوۆ اتىنداعى سپورت-ساۋىقتىرۋ كەشەنىنىڭ قۇرىلىسىن كوردى. 500 ادام ەركىن سياتىن كەشەندە كۇرەس، بوكس، اۋىر اتلەتيكا جاتتىعۋ زالدارىمەن قوسا شاعىن فۋتبول وينايتىن الاڭ دا بولماق. بۇگىندە الەۋمەتتىك نىساننىڭ قۇرىلىس جۇمىستارى جوسپار بويىنشا جۇرگىزىلۋدە. ەڭبەككە الماتىلىق كاسىبي ماماندارمەن قاتار جەرگىلىكتى جەردىڭ تۇرعىندارى دا كوپتەپ تارتىلعان.

ونەر مايتالماندارى ماراپاتتالدى

قاراشانىڭ قارا سۋىعىنا قاراماعان قالىڭ جۇرت قالباتاۋ اۋىلىنىڭ ورتالىق الاڭىنا اعىلىپ كەلىپ، ونەردىڭ ولشەۋسىز قۇدىرەتىنە باس ءيىپ، ىزگى تىلەك-نيەتتەرىن جەتكىزىپ جاتتى. ال وبلىستىڭ اۋداندارى مەن قالالارىنان كەلگەن قوناقتار جارمالىق اعايىنداردىڭ مەيماندوس پەيىلىنە ءدان ريزا بولدى.
كونتسەرت باستالماي تۇرىپ وبلىس باسشىسى اۋداندىق اكىمدىكتىڭ زالىندا ءوڭىردىڭ ونەرپازدارىمەن جۇزدەسىپ، سۇحباتتاستى. جۇلدىزى جانعان جانداردى ءتوس بەلگىلەرمەن، العىس حاتتارمەن ماراپاتتادى.
– كەيىنگى جىلدارى ءبىز ەلىمىزدىڭ كەيبىر قالالارىندا، سونداي-اق، شەتەلدەردە شىعىس قازاقستاننىڭ كۇندەرىن وتكىزدىك. بۇل شاراعا سىزدەر – وبلىستىڭ مادەنيەت پەن ونەر سالاسىنىڭ وكىلدەرى بەلسەندى اتسالىستىڭىزدار. سول ەڭبەكتەرىڭىز ءۇشىن مەن سىزدەرگە العىسىمدى بىلدىرەمىن. ءبىر مىسال كەلتىرەيىن، الماتى قالاسىندا وبلىستىڭ كۇندەرىن وتكىزەر الدىندا ورىنباسارىم جاقسىلىق ومارعا تاپسىرما بەرىپ، ەرەكشە باعدارلاما ازىرلەۋدى ايتقان ەدىم. ويتكەنى، الماتىلىق اعايىندار وتاندىق قايراتكەرلەردى بىلاي قويعاندا، شەتەلدىك جۇلدىزداردىڭ ونەرىن تاماشالاپ جۇرگەن كىرپياز قاۋىم. سول سەبەپتى ولاردى تاڭعالدىرۋ، قوشەمەتىنە يە بولۋ ءۇشىن باسقاعا ۇقسامايتىن وزگەشە باعدارلاما ويلاستىرۋ مىندەتى تۇردى. بۇل مىندەتتى ءبىزدىڭ ونەرپازدار جوعارى دەڭگەيدە ورىنداپ، ارتىنان الماتى قالاسىنىڭ اكىمى احمەتجان ەسىموۆ باستاعان مادەنيەتتەن حابارى بار بىرقاتار تۇلعالار ريزاشىلىق كوڭىلدەرىن ءبىلدىرىپ، العىستارىن جەتكىزدى. وسىنىڭ ءبارى سىزدەردىڭ ەڭبەكتەرىڭىز، - دەگەن وبلىس اكىمى بەردىبەك ساپارباەۆ ونەردىڭ وتىمەن كىرىپ، كۇلىمەن شىعىپ جۇرگەن شىعارماشىل قاۋىمعا ماراپاتتاردى تابىس ەتتى.

– 2009 جىلدان بەرى ەل مەرەيىن ءوسىرىپ، العىسىنا بولەنىپ كەلە جاتقان «تۋعان ەل – التىن بەسىگىم» اكتسياسىنىڭ نەگىزگى ماقساتى - ءاربىر اۋدان مەن قالانىڭ مادەنيەت پەن ونەردەگى مۇمكىندىكتەرىن اشۋ. اۋىلداردا كورىنبەي جۇرگەن تالانتتاردى جارىققا شىعارىپ، ۇلكەن ساحنالارعا جول سىلتەۋ. رەسپۋبليكالىق، حالىقارالىق بايقاۋلارعا، فەستيۆالدەرگە قاتىستىرۋ. بەس جىلدى تۇيىندەيتىن بولساق، وسىعان دەيىن قانشاما تانىلماي جۇرگەن دارىن يەلەرى جۇرت الدىنا شىعىپ، ۇلكەن سىننان ءوتتى. بۇنىڭ سىرتىندا اتالعان اكتسيا اياسىندا ۇزبەي وتكىزىلگەن اۋىل شارۋاشىلىق جارمەڭكەلەرى دە وبلىس تۇرعىندارىنىڭ يگىلىگىنە اينالعانى راس، - دەگەن وبلىس اكىمىنىڭ ورىنباسارى جاقسىلىق ومار «تۋعان ەل – التىن بەسىگىم» اكتسياسىنىڭ ارقاسىندا وڭىردەگى مادەنيەت وشاقتارىنىڭ 70 پايىزى جوندەلگەنىن دە تىلگە تيەك ەتتى.
سونىمەن قاتار اكتسيانىڭ اياسىندا شىعىستا تۋىپ، ءوسىپ-ونگەن ەلگە تانىمال مادەنيەت جانە ونەر قايراتكەرلەرى تۋعان جەرىنە كەلىپ، كونتسەرت قويسا، قالام-قاعازىن ومىرىنە سەرىك ەتكەن بەلگىلى اقىن-جازۋشىلارىمىز كەزدەسۋلەر وتكىزىپ، جەرلەستەرىمەن سۇحباتتاستى. بۇل شارالار، ارينە، جاس بۋىندى پاتريوتتىق رۋحتا تاربيەلەۋگە، ەلىن-جەرىن سۇيۋگە، حالقىنا قىزمەت ەتۋگە ۇيرەتۋدىڭ تاپتىرماس ءتاسىلى.

ءسويتىپ، تاعىلىمدى مىندەتتى ارقالاعان، بەرگەنىنەن بەرەرى مول «تۋعان ەل – التىن بەسىگىم» اكتسياسىنىڭ بەس جىلدىق جۇمىسى جارما وڭىرىندە تۇيىندەلدى. بىراق مۇنىمەن بۇل اكتسيا تامامدالعان جوق، كەرىسىنشە، قاناتىن كەڭگە جايىپ، شىعىستىڭ ونەرى مەن مادەنيەتىن، ادەبيەتىن ارى قاراي جالپاق ەلدىڭ ىشىندە تاراتىپ، ناسيحاتتاي بەرەرى ءسوزسىز.

 Abai.kz