رەسپۋبليكالىق «تازا قازاقستان» ەكواكتسياسىنىڭ «كيەلى مەكەن» اپتالىعى تالدىقورعانداعى ءىلياس جانسۇگىروۆتىڭ ەسكەرتكىشىنەن باستاۋ الدى.

ەلىمىز بويىنشا ءجۇرىپ جاتقان كوكتەمگى ەكولوگيالىق باستاماعا ءى.جانسۇگىروۆ اتىنداعى جەتىسۋ ۋنيۆەرسيتەتىنىڭ ستۋدەنتتەرى قازاق پوەزياسىندا ءوز ورنى بار اقىننىڭ ولەڭىن وقۋمەن كىرىستى. الدىمەن قالامگەردىڭ كوپشىلىككە بەلگىلى جىرىن وقىعان بىلىمگەرلەر يگىلىكتى شارانى ەسكەرتكىش تۇرعان اۋماقتى تازالاۋمەن جالعاستىردى.

اقىن ەسكەرتكىشى تۇرعان سكۆەر بەكەر تاڭدالماپتى. سەبەبى، جەتىسۋ جەرىن جىرعا قوسىپ، تۇمسا تابيعاتتى سوزبەن سۋرەتتەگەن اقىن، دراماتۋرگ، پروزاشى، فەلەتونشى، ساتيريك، جۋرناليست جانە اۋدارماشى جانسۇگىروۆتىڭ بيىل تۋعانىنا 130 جىل تولىپ وتىر ەكەن. بۇل تۋرالى «ءى.جانسۇگىروۆ اتىنداعى جەتىسۋ ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ باسقارما مۇشەسى – جاستار ءىسى جونىندەگى پرورەكتور بولات سەريەۆ:

– قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ەلىمىزدىڭ ءاربىر وڭىرىندەگى تۇمسا تابيعاتتى كوزدىڭ قاراشىعىنداي ساقتاۋ كەرەكتىگىن ۇدايى ايتىپ كەلەدى. سوعان وراي باعدارلامالىق قۇجاتتار دايىنداپ، جۇيەلى جۇمىس جۇرگىزۋ كەرەكتىگىن تاپسىردى. سول ارقىلى وسكەلەڭ ۇرپاقتىڭ بويىنداعى وتانشىلدىق رۋحتى وياتىپ، پاتريوتتىق سەزىمىن ۇشتاۋ كەرەكتىگىن جەتكىزدى، – دەپ ماسەلەنىڭ ءمانىسىن ءتۇسىندىرىپ ءوتتى.

مەملەكەت باسشىسى جۇكتەگەن مىندەت قالالار مەن اۋىلداردى، اۋلالار مەن باقشالاردى، كوشەلەر مەن كىرە بەرىستەردى ءوزىمىز تازارتۋىمىز كەرەكتىگىن ۇعىندىرادى. سوندىقتان جەتىسۋ جۇرتشىلىعى تابيعاتتىڭ تازالىعىن الدىڭعى ورىندا ۇستايدى.

Abai.kz