سۋ تاسقىنىنان زارداپ شەككەن بىردە-ءبىر قازاقستاندىق مەملەكەتتىڭ قولداۋىنان تىس قالمايدى. وسى ورايدا Egov.kz نەگىزىندە Qoldau.gov.kz پورتالى ازىرلەندى.

وندا مەملەكەتتىك جانە ۋاكىلەتتى ورگاندار اتقارىپ جاتقان شارالار مەن ولاردى جۇزەگە اسىرۋ، كورسەتىلەتىن كومەك تۋرالى اقپارات جاريالانادى. بارلىق دەرەك دەر كەزىندە جاڭارتىلىپ، ءتيىمدى فورماتتا كورسەتىلەدى. بۇل تۋرالى قر مادەنيەت جانە اقپارات ۆيتسە-ءمينيسترى قانات ىسقاقوۆ وكق الاڭىندا حابارلادى.

«ازاماتتاردى قولداۋ، بيزنەس وكىلدەرىن قولداۋدى وسى پلاتفورما ارقىلى كەز كەلگەن ازاماتتىڭ كورىپ وتىرۋىنا مۇمكىندىك بار. بۇعان قوسا، ءاربىر ازامات نەمەسە شوب وكىلى، سونىڭ ىشىندە اۋىل شارۋاشىلىعى قوجالىعىنىڭ وكىلدەرى وسى ءموبيلدى قوسىمشاعا كىرىپ، ءتيىمدى پايدالانۋ ءۇشىن وزدەرىنىڭ وتىنىشتەرىن جۇكتەي الادى. ءوتىنىشتىڭ قارالۋى تسيفرلىق ونلاين رەجيمدە قاراۋعا تولىق مۇمكىندىك بار»، – دەدى سپيكەر.

پورتالدا ازاماتتاردى قولداۋ، وتەماقى الۋ، ونىڭ تۇرلەرى، زارداپ شەككەن تۇرعىن ۇيلەردى قايتا سالۋ بويىنشا ءوتىنىش قابىلداۋ فۋنكتسياسى بار.

Qoldau.gov.kz رەسۋرسىنىڭ نەگىزگى مىندەتى: ورتالىق كوممۋنيكاتسيالار قىزمەتىنىڭ بازاسىندا، ۇكىمەتتىڭ قولداۋىمەن وسى كونتەكست بويىنشا بارلىق قاجەتتى اقپارات ءبىر سايتتا جيناۋ. 

قولداۋ شارالارى تۋرالى وزەكتى دەرەكتەر، ونلاين-وتىنىشتەر، جەدەل مالىمەتتەر، سوڭعى جاڭالىقتار، رەسمي تۇلعالاردىڭ مالىمدەمەلەرى، مينيسترلىكتەر مەن اكىمدىكتەردىڭ رەليزدەرىن وسى ينتەرنەت الاڭنان تابۋعا بولادى.

ورتالىق كوممۋنيكاتسيالار قىزمەتى ديرەكتورىنىڭ ورىنباسارى الەكساندر بەليلوۆسكي اتاپ وتكەندەي، بارلىق دەرەكتەر بارىنشا تەز جاڭارتىلىپ، قوسىلىپ وتىرادى.

«سۋ تاسقىنى باستالعاننان بەرى وكق بازاسىندا رەسپۋبليكالىق اقپاراتتىق شتاب اشىلدى، وسى ۋاقىتقا دەيىن مينيسترلىكتەر مەن اكىمدىكتەر وكىلدەرىنىڭ قاتىسۋىمەن 170-كە جۋىق بريفينگ وتكىزىلدى. ۇكىمەت زارداپ شەككەن وڭىرلەردەگى احۋال جانە سۋ تاسقىنىنىڭ سالدارىن جويۋ ءۇشىن قابىلدانعان بارلىق شارالار تۋرالى دەرەۋ حاباردار ەتەدى. سۋ تاسقىنىنا بايلانىستى اقپارات كوپ بولعان جاعدايدا، ادامداردا ونى تەكسەرىپ، رەسمي دەرەككوزدەرمەن سالىستىرۋ مۇمكىندىگى بولۋى كەرەك»، – دەدى سپيكەر وكق الاڭىندا وتكەن بريفينگتە.

Abai.kz