رەسپۋبليكانىڭ پىكىر سايىس قوزعالىسىندا توپ چەمپيونداردى شىعارعان «تاڭداۋلى ەكونوميستەر وداعى» جوعارى پىكىر سايىس مەكتەبىنىڭ  20 جىلدىق مەرەيتويىنا وراي رەسپۋبليكالىق دەڭگەيدە، توپ سپيكەرلەرمەن اۋقىمدى پىكىر سايىس ءتۋرنيرى وتەدى.

مامىردىڭ 4-5 جۇلدىزىندا نارحوز ۋنيۆەرسيتەتىنىڭ قابىرعاسىندا رەسپۋبليكالىق ماڭىزى بار جاستار ۇيىمى «تاڭداۋلى ەكونوميستەر وداعى» جوعارى پىكىرسايىس مەكتەبىنىڭ ۇيىمداستىرۋىمەن وتەتىن رەسپۋبليكالىق TEO CUP XIII پىكىرسايىس تۋرنيرىنە ەلىمىزدىڭ 9 وبلىسىنان 300 قاتىسۋشى مەن 1500عا جۋىق كورەرمەن جينالادى.

پىكىر سايىس - وتە دامىعان قوعامدىق قوزعالىس، ءارى قوعامدى دامىتۋشى نەگىزگى قۇرال بولىپ تابىلادى. بۇل ورتاعا جينالعان جاستار، ينتەلەكتۋالدى باعىتتا دامىپ، وزدەرىنىڭ جەكە ويلارىن ەركىن جەتكىزىپ، 21 عاسىردىڭ باسەكەلەستىگى تالاپ ەتەتىن قاسيەتتەرگە يە بولادى.  ءدال وسى جاستارمەن قوعامنىڭ نەگىزگى فۋندامەنتى قالانادى.

وسى ماقساتتا جۇمىس ىستەپ جۇرگەن جاستار ۇيىمىنىڭ  قاتارىندا تەو جپم ەرەكشە ورىن الادى. 2004 جىلى نەگىزى قالانعان بۇل ۇيىم، 20 جىل بويى قوعامدى قالىپتاستىرۋشى جاستار پلاتفورماسى بولۋ ءۇشىن قىزمەت ەتۋدە. ءدال قازىرگى ۋاقىتتا ۇيىمنىڭ قازاقستان بويىنشا 300گە جۋىق تۇلەگى قوعامنىڭ دامۋىنا بارىنشا ات سالىسۋدا.

ولاردىڭ قاتارىندا  UIB ۋنيۆەرسيتەتى بيزنەس مەكتەبىنىڭ ديرەكتورى، تاۋەلسىز ساراپشى، ەكونوميست حالىق ماقسات، تەلەجۇرگىزۋشى، Maqsat Narikbayev University باسقارما توراعاسىنىڭ ورىنباسارى ەربولات مۇحامەدجان، قر ەكونوميكا سالاسىنداعى قارجىگەر مەن سارارشى جالعاسبەك اقبولات جانە ت.ب قوعام قايراتكەرلەرى بار. ءتۋرنيردىڭ بارىسىندا قوعامدا ورىن الىپ جاتقان وزەكتى ماسەلەلەر مەن ولاردىڭ ءتيىمدى شەشۋ جولدارى تالقىلانادى. ەكى كۇندىك پىكىر سايىس تۋرنيرىندە مەكتەپ وقۋشىلارى مەن ستۋدەنتتەر مەملەكەتتىك تىلدە الەمدىك دەڭگەيدە كەڭ قولدانىسقا يە بپف (بريتاندىق پارلامەنتتىك فورمات), اپف (امەريكاندىق پارلامەنتتىك فورمات) جانە لد (لينكولن دۋگلاس) فورماتتارىندا باق سىناسادى.

باسقا دا اقپاراتتارمەن @teodebate پاراقشاسى ارقىلى تانىسا الاسىزدار.

Abai.kz