بيىل «Samruk-Kazyna Trust» قورى ينكليۋزيانى دامىتۋ، جۇيەلى جوبالار مەن سەرىكتەستىكتى نىعايتۋ باعىتتارىنا باسىمدىق بەرەدى. بۇل تۋرالى «Samruk-Kazyna Trust» قورىنىڭ باس ديرەكتورى الفيا اديەۆا قوعامدىق كەڭەسىنىڭ وتىرىسىندا مالىمدەدى.

ايتۋىنشا، ينكليۋزيۆتى ورتانى دامىتۋ اياسىندا وڭالتۋ ورتالىقتارىن اشۋ جالعاسىن تاۋىپ، ينكليۋزيۆتى سپورت كەشەندەرىن سالۋعا، مۇمكىندىگى شەكتەۋلى ازاماتتاردى قولداۋعا ارنالعان جوبالاردى ىسكە اسىرۋعا ايرىقشا نازار اۋدارىلادى. وسىعان دەيىن ىسكە قوسىلعان 37 وڭالتۋ ورتالىعىنان بولەك، الداعى ۋاقىتتا ءاۋتيزمى بار بالالارعا 7 جانە 5 ەرتە ارالاسۋ ورتالىعى، 5 وڭىردە 6 ينكليۋزيۆتى سپورت كەشەندەرى اشىلادى.

سۋرەت: «Samruk-Kazyna Trust» قورى

«الەۋمەتتىك ماسەلەلەردىڭ تۇيتكىلىن تارقاتۋدا، قوعامعا اسەر ەتەتىن جۇيەلى جوبالارعا باسىمدىق بەرىلەدى. سوندىقتان دا ءبىز بۇعان دەيىن سەمينار مەن كونتسەرتتەردى قارجىلاندىرۋدان باس تارتىپ، حالىق ءۇشىن ناعىز پايدالى بولاتىن، وزەكتى ماسەلەنى شەشەتىن جۇيەلى جوبالاردى قولعا الۋدامىز. حالىقتىڭ بىزدەن كۇتىپ وتىرعانى دا وسى»، – «Samruk-Kazyna Trust» قورىنىڭ باس ديرەكتورى الفيا اديەۆا.

الەۋمەتتىك سالانى ودان ارى دامىتۋ مەن قايىرىمدىلىق جوبالارىمەن كوپشىلىكتى قامتۋ ماقساتىندا قور جىل باسىنان بەرى بەلدى بيزنەس وكىلدەرىمەن سەرىكتەستىكتى نىعايتۋعا كىرىسىپ، ءىرى كاسىپورىندارمەن جانە قوعامدىق ۇيىمدارمەن ىنتىماقتاستىق ورناتۋدا.

سۋرەت: «Samruk-Kazyna Trust» قورى

قازىرگى تاڭدا «شەلل قازاقستان»، «وڭتۇستىك تاۋ-كەن-حيميا كومپانياسى»، «قازاقمىس» كاسىپورنىمەن جانە «قازاقستان حالقىنا» قورلارىمەن ينكليۋزيا، سپورت، حالىقتىڭ الەۋمەتتىك وسال توپتارىن قولداۋعا باعىتتالعان بىرقاتار جوبالاردى ىسكە اسىرۋ جوسپارلانىپ وتىر.

Abai.kz