«تازا قازاقستان» رەسپۋبليكالىق ەكواكتسياسى جانە «الماتى – ءبىزدىڭ ورتاق ءۇيىمىز» قالالىق ناۋقانى «ونەگەلى ۇرپاق» تاقىرىپتىق اپتالىعى اياسىندا 8 مىڭنان استام اعاش وتىرعىزىلدى، ونىڭ 4 مىڭنان استامى الما. كوشەتتەر الماتىنىڭ ءارتۇرلى اۋدانىندا، ونىڭ ىشىندە «قاراعايلى ورمانى» ساياباعىنىڭ اۋماعىندا - 500 الما جانە ورىك كوشەتى، ALA ساياباعىنىڭ اۋماعىندا 2270 كوشەت جانە بورالداي وزەنىنىڭ بويىنداعى باقىلاۋ الاڭىندا 1000-عا جۋىق كوشەت وتىرعىزىلدى.

ءىس-شاراعا الماتىداعى جاسىل جەلەكتەر مەن الما باعىن جانداندىرعا نيەتتى بارلىق جاستاعى قالا تۇرعىنى بەلسەندى قاتىستى.

قوعام قايراتكەرى، فيلولوگيا عىلىمدارىنىڭ دوكتورى اسىلى وسمان مۇنداي باستامالار ءومىردىڭ بارلىق سالاسىندا ەكولوگيالىق مىنەز-قۇلىقتىڭ جاڭا ۇلگىسىن دامىتادى دەپ سانايدى.

«ءبىزدىڭ قالا گۇلدەنىپ، وزگەرە بەرسىن، ءبارىمىز ونى قورعاۋىمىز كەرەك. جاسىما قاراماستان، بۇگىن وسى اكتسياعا قاتىسامىن، ويتكەنى الماتى بىرەۋ، اركىم ءوز ۇيىنە قامقورلىق جاساۋى كەرەك»، - دەدى پروفەسسور الماتىدا جاۋاپتى ۇرپاقتىڭ ءوسىپ كەلە جاتقانىن اتاپ.

ونىڭ پىكىرىنشە، اعاش وتىرعىزۋ سەنبىلىكتەن اۋقىمى الدەقايدا ۇلكەن، ويتكەنى مۇنداي ءىس-شارالار بىرىكتىرۋشى فاكتور بولىپ تابىلادى.

«بىزدە جىل سايىن اعاش وتىرعىزۋدىڭ جاقسى ءداستۇرى قالىپتاسقان. قالا اكىمدىگىنىڭ الماتىنىڭ الما قالاسى رەتىندەگى داڭقىن جانداندىرۋداعى نيەتى قۋانتادى! ءبىز ءبارىمىز الما كوشەتتەرىن وتىرعىزۋعا قۋانا اتسالىستىق، - دەدى تۇرعىن پەرنەگۇل امانوۆا.

اۋەزوۆ اۋدانىندا 400 كوشەت وتىرعىزىلدى. ءىس-شاراعا جاستار، ارداگەرلەر، الەۋمەتتىك سالا، وتباسىن قولداۋ ورتالىعى، «ورلەۋ» الەۋمەتتىك كلۋبىنىڭ قىزمەتكەرلەرى قاتىستى. اۋەزوۆ اۋدانىنىڭ ارداگەرلەر كەڭەسىنىڭ توراعاسى ءباتيما يبراەۆا، قوعام قايراتكەرى، الماتى قالاسى ءماسليحاتىنىڭ بۇرىنعى دەپۋتاتى تولەۋعالي تايتولەەۆ جانە ت.ب. اعاش وتىرعىزدى.

المالى اۋدانىنىڭ جاستارى 850 كوپجىلدىق ساندىك بۇتا مەن 80 الما كوشەتىن وتىرعىزۋعا بەلسەندى اتسالىستى.

ايتا كەتەيىك، وتىرعىزىلعان اعاشتاردى باقىلاۋ ءارى كۇتۋ تولىعىمەن مەردىگەرلىك ۇيىمعا جۇكتەلەدى. جىل بويى ول اعاشتارعا كۇتىم جاسالىنادى. اعاشتاردى سۋعارۋ، تىڭايتقىش پەن ماگيسترالدىق شەڭبەرلەردى اەراتسيالاۋمەن قامتاماسىز ەتەدى. وسىعان سايكەس، بارلىق اعاشتار كەپىلدىككە يە ءارى جىل سايىن ءومىر ءسۇرۋ دەڭگەيىنە كوميسسيالىق تەكسەرۋ جۇرگىزىلەدى. كوشەتتەر سولىپ قالعان جاعدايدا، مەردىگەر ۇيىم كەپىلدىك مىندەتتەمەلەرىن قايتادان قامتاماسىز ەتە وتىرىپ، ولاردى جاڭاسىمەن الماستىرۋعا مىندەتتى.

ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.

بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.

ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.

Abai.kz