تۇركىستان مۋزىكالىق-دراما تەاترى قازاقستان جازۋشىلار وداعىمەن بىرلەسە، كورنەكتى كومپوزيتور ءشامشى قالداياقوۆتىڭ ءومىرى مەن شىعارماشىلىعىنا رەسپۋبليكالىق دراماتۋرگيا بايقاۋىن جاريالايدى. 

بايقاۋ ماقسات-مىندەتى:

– كورنەكتى كومپوزيتور، حالىق سۇيىكتىسى، «ءان پاتشاسى» اتانعان شامشى قالداياقوۆتىڭ تۇلعالىق فەنومەنىن ادامي-شىعارماشىلىق بولمىسى ارقىلى اشۋ;

– پەسانىڭ انىق دراماتۋرگيالىق قۇرىلىمى بولۋى شارت!

وتكىزۋ مەرزىمى:

– پەسالار 2024-جىلدىڭ -8-ماۋسىمىنا دەيىن قابىلدانادى،

– بايقاۋ ناتيجەسى 2024-جىلدىڭ  13- ماۋسىمىندا جاريالانادى.

وتكىزۋ ءتارتىبى:

– بايقاۋعا قازىرگى تەاتر تالابىنا ساي جازىلعان، ەش جەردە قويىلماعان، جاريالانباعان، وزگە بايقاۋلارعا قاتىسپاعان جاڭا پەسالار (اۆتور تۋرالى مالىمەتتەرمەن قوسا) قابىلدانادى.

– پەسالار كومپيۋتەرلىك 40 بەتتەن اسپاۋى (شريفت Times New Roman-12) جانە turkistannewtheatre1@gmail.com  ەلەكتروندى پوشتاسىنا  جولدانۋى كەرەك.

– بايقاۋعا تۇسكەن  پەسالاردى كاسىبي ساراپشىلار كەڭەسى ساراپتايدى.

– جەڭىمپاز پەسا تۇركىستان مۋزىكالىق-دراما تەاترىندا 2024 جىلى ساحنالانادى جانە 1 000 000 تگ كولەمىندە قالاماقى بەرىلەدى.

انىقتاما تەلەفونى – 8 (72533) 5-29-23

Abai.kz