قازاقستان ەنەرگەتيكا مينيسترلىگىنىڭ حابارلاۋىنشا، سۋ استىندا قالعان مۇناي ۇڭعىمالارىنىڭ كوبى اقتوبە وبلىسىندا ورنالاسقان. بۇل جونىندە Orda سايتى جازدى.

سونىڭ سالدارىنان مۇناي ءوندىرۋ كولەمى ءسال ازايعان.

“مۇناي ءوندىرۋ كولەمى ءسال ازايدى، شامامەن 500 ۇڭعىما سۋ استىندا قالدى. نەگىزىنەن بۇل اقتوبە ايماعىنا قاتىستى. بىراق قازىر سۋ كەتىپ جاتىر. ءىس جۇزىندە الدىن الا جۇرگىزىلگەن شارالاردىڭ بارلىعى ءوز تيىمدىلىگىن كورسەتتى. قازىر شتاتتىق رەجيمدە ىستەپ جاتىرمىز”، - دەدى ەنەرگەتيكا ءمينيسترى الماسادام ساتقاليەۆ.

ونىڭ سوزىنشە، سۋ تاسقىنى بولعان سولتۇستىك قازاقستان جانە قوستاناي وبلىستارىندا مۇناي ونىمدەرىن جەتكىزۋدە قيىندىق تۋىنداپ، ارنايى تەحنيكا قولدانىلعان.

Abai.kz