سوتتالۋشى بيشىمباەۆتىڭ ادۆوكاتى لەيلا رامازانوۆا 24 جىل تۇرمەدە وتىراتىنىنا قارسىلىق ءبىلدىرءىپ، سوت ۇكىمىنە قاتىستى شاعىم تۇسىرەتىنىن ايتتى.

ءيا، ءبىز اپەللياتسياعا بەرەمىز. ارينە، ءبىز ۇكىممەن كەلىسپەيمىز. ناقتى جوسپارىمىز تۋرالى ايتا المايمىن. قولىمىزعا ءتيىستى قۇجاتتاردى المادىق. ءبىز ولاردى ۇكىم جاريالانعاننان كەيىن بەس كۇننەن كەشىكتىرمەي قابىلداۋىمىز كەرەك، - دەدى ادۆوكات.

 ەگەر ۇكىم وزگەرمەسە، ايىپتالۋشى جازاسىن ارشالىداعى تۇرمەدە وتەيدى. وندا اسا اۋىر قىلمىس جاساعاندار وتىرادى.

ايتا كەتەيىك، سۋديا الما ەسىموۆا بيشىمباەۆ پەن بايجانوۆ قاي جەردە جازاسىن وتەيتىنى تۋرالى سۇراققا جاۋاپ بەرگەن ەدى.

بيشىمباەۆ بۇعان دەيىن سوتتالعاندىقتان، قىلمىستىق اتقارۋ جۇيەسى قاۋىپسىزدىگى بارىنشا جوعارى مەكەمەگە جىبەرىلەدى. سوت سوتتالۋشىنىڭ ناقتى سوتتالاتىن ورنى مەن جەرىن بەلگىلەمەيدى. شەشىم كۇشىنە ەنگەننەن كەيىن ول مەكەمەنىڭ تەرگەۋ يزولياتورىنا جىبەرىلەدى. ال بايجانوۆ قىلمىستىق اتقارۋ جۇيەسى قاۋىپسىزدىگى ورتاشا مەكەگە جولداناتىن بولادى، - دەپ ءتۇسىندىردى ەسىموۆا. 

Abai.kz