قۇلسارى تۇرعىندارى جىلىوي اۋدانى اكىمدىگىنىڭ الدىنا جينالدى، دەپ حابارلايدى Abai.kz.

اتىراۋ وبلىسىنىڭ تج جونىندەگى جەدەل شتابىنىڭ حابارلاۋىشا، حالىقتىڭ جينالۋىنا سەبەپشى بولعان سۋ تاسقىنىنان زارداپ شەككەندەرگە وتەماقى تولەۋ ماسەلەسى.

– جىلىوي اۋدانىنىڭ اكىمى جۇمابەك قاراجانوۆ جينالعاندار الدىندا قاراجاتتى وتەۋ، جاڭا تۇرعىن ءۇي بەرۋ تەتىگى جونىندە تۇسىنىكتەمە بەرەدى، – دەلىنگەن حابارلامادا.

جىلىوي اۋدانىندا سۋ باسقان 2 920 ءۇيدىڭ 2 906-نان سۋ كەتكەن. بۇگىنگى تاڭدا 2 667 تۇرعىن ءۇي-جاي تەحنيكالىق باعىتتا تەكسەرىلىپ، 2 622 تۇرعىن ۇيگە باعالاۋ جۇرگىزىلگەن. بارلىعى 3 مىڭعا جۋىق ءوتىنىش تۇسكەن.

سۋ تاسقىنىنان زارداپ شەككەن 3904 تۇرعىنعا 100 پايىز مولشەردە بىرجولعى تولەم بەرىلگەنى جازىلادى.

– سونىمەن قاتار، مۇلكىنە زالال كەلتىرىلگەن 289 كاسىپكەرمەن زالالدى وتەۋ بويىنشا كونسۋلتاتسيالار وتكىزىلدى. بۇگىن تۇستەن كەيىن تۇرعىنداردى تەحنيكالىق تەكسەرۋ جانە باعالاۋ قورىتىندىلارىمەن كەزەڭ-كەزەڭمەن جانە ۇيمەن تانىستىرۋ باستالادى، - دەپ سەندىرەدى جەدەل شتاب.

سۋرەت: sadakmedia.kz

Abai.kz