اتىراۋداعى سارايشىق اۋىلىندا كەزەكشىلەر ارنايى بولىنگەن 8 سەكتور بويىنشا جۇمىس اتقارۋدا، دەپ حابارلايدى سارايشىق اۋىلدىق وكرۋگىنىڭ اكىمى جاننات كەنجەعاليەۆا.

سارايشىق اۋىلىندا تاسقىننان قورعانۋ ماقساتىندا سالىنعان بوگەتتىڭ جالپى ۇزىندىعى 13,6 شاقىرىمدى قۇرايدى. قازىرگى ۋاقىتتا ءار 200 مەتر سايىن كەزەكشىلىك قويىلدى. كەزەكشىلەر 4 ساعات سايىن اۋىسىپ، جاعالاۋ تاۋلىك بويى باقىلانىپ وتىر، - دەدى سارايشىق اۋىلدىق وكرۋگىنىڭ اكىمى جاننات كەنجەعاليەۆا.

ەسكە سالا كەتەلىك، سۋ قاۋپىنىڭ الدىن الۋى ءۇشىن سارايشىق اۋىلىندا 13,6 شاقىرىم بوگەت سالىندى. ونىڭ ىشىندە، بوگەتتىڭ 5,4 شاقىرىمى قايتا جاڭارتىلىپ، 8,2 شاقىرىم بوگەتى  جاڭادان سالىندى.

Abai.kz