قوستانايدا كەيىنگى كەزدەرى ويبايعا بەرگىسىز ايقاي شىعىپ جاتىر. مۇنداعى ءبىراز اتا-انالار: «قالامىزدا بالا باقشالارىندا ورىس توپتارى جاپپاي جابىلىپ جاتىر. قايدا بارساڭ دا «ەندى مۇندا ورىس توبى بولمايدى»، - دەپ بەرىسى قالا مەن وبلىس، ارىسى استاناعا دەيىن اتتانداپ جاتىر.

الەمجەلى ەكى باستان قاراپ قالمايتىندىعى بەلگىلى. ازىرگە، «ۆوۆا، پوموگي!» دەگەن ۇران ەستىلە قويعان جوق. وعان دا شۇكىر. بۇل داۋعا ەندى رەسپۋبليكالىق دەڭگەيدەگى بەلگىلى سايتتار ارالاسقان سوڭ، امال جوق، ول ساۋالعا قالا مەن وبلىستىق ءبىلىم بەرۋ باسقارمالارىنىڭ ماماندارى ارنايى جاۋاپ بەرۋىنە تۋرا كەلدى.

«باقساق، باقا ەكەن» دەگەندەي، مۇنىڭ ءبارى بىرەۋلەردىڭ ادەيى تاراتقان قاڭقۋ سوزدەرى نەمەسە ادەيى ارانداتۋى بولىپ شىقتى. مامانداردىڭ ايتۋىنشا، قوستاناي قالاسىنداعى مەكتەپ جاسىنا دەيىنگى مەكەمەلەردەگى ورىس توپتارىنىڭ مۇرتى دا بۇزىلعان جوق. ولار بۇرىنعىداي ۇستەمدىكتە.

ماسەلەن، قازىرگى تاڭدا شاھارداعى الگىندەي مەكەمەلەردەگى ورىس توپتارى ناقتىلاپ ايتقاندا، 510-عا جەتەدى. ال قازاق توپتارى نەبارى 181-ءدى عانا قۇرايدى.

سوندا قايسىسى جەتىمدىك كورىپ وتىر؟

جايبەرگەن بولاتوۆ

Abai.kz