جاڭا زاڭ بويىنشا ۆانداليزم ءۇشىن 600 ساعاتقا دەيىن قوعامدىق جۇمىسقا تارتۋ كوزدەلگەن. بۇل تۋرالى Abai.kz ءماجىلىس ءباسپاسوز قىزمەتىنە سىلتەمە جاساپ حابارلايدى. 

اتالعان زاڭ تۋرالى باياندامانى دەپۋتات مارات باشيموۆ جاسادى.

«قازاقستان رەسپۋبليكاسىنداعى ادام ساۋداسىنا قارسى ءىس-قيمىل تۋرالى» جاڭا زاڭ اياسىندا دەپۋتاتتار ەكىنشى وقىلىمدا ۆانداليزم ءۇشىن جاۋاپكەرشىلىكتى قاتاڭداتۋ بويىنشا نورمالار ازىرلەدى.

مەملەكەت باسشىسى «ادال ادام – ادال ەڭبەك – ادال تابىس» ۇلتتىق قۇرىلتايىنىڭ ءۇشىنشى وتىرىسىندا ءۆانداليزمنىڭ تەرىس سالدارىن العا تارتا كەلىپ، ونىمەن كۇرەسۋ قاجەتتىگى تۋرالى ايتقان بولاتىن.

قىلمىستىق كودەكستىڭ 203-بابى «ەرەكشە قۇندىلىعى بار زاتتاردى قاساقانا جويۋ، اكەتۋ نەمەسە ءبۇلدىرۋ» الدىن الا ءسوز بايلاسقان ادامدار توبى، بىرنەشە رەت جاساعان ادامدار توبى ارنايى نورمالارىمەن تولىقتىرىلاتىن بولادى.

«ۆانداليزم» 294-باپ بويىنشا بۇزۋشىلىق اياسىندا 100 اەك-تەن (بۇرىن 50 اەك) 200 اەك-كە (بۇرىن 160 اەك-كە) دەيىنگى ايىپپۇل تۇرىندەگى جازا نەمەسە سول مولشەردەگى تۇزەۋ جۇمىستارىنا نە ءجۇز الپىس ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 50 تاۋلىككە دەيىنگى مەرزىمگە قاماۋعا الۋ (بۇرىن 40 تاۋلىك) جازاسى قولدانىلادى.

بۇل باپتىڭ 2-بولىگى «الەۋمەتتiك، ۇلتتىق، ناسiلدiك نەمەسە دiني ارازدىق ءۋاجى بويىنشا، ادامدار توبىمەن، الدىن الا ءسوز بايلاسۋ ارقىلى ادامدار توبى، پايداكۇنەمدiك نيەتپەن بiرنەشە رەت جاسالعان» دەگەن نورمامەن تولىقتىرىلدى. مۇنداي ارەكەتتەر 500-دەن 200 000 اەك-كە دەيىنگى مولشەردە ايىپپۇل سالۋ نەمەسە تۇزەۋ جۇمىستارى، 300 ساعاتتان 600 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 3 جىلعا دەيىنگى مەرزىمگە باس بوستاندىعىن شەكتەۋ نەمەسە ءدال سول مەرزىمگە باس بوستاندىعىنان ايىرۋعا دەيىن جازالانباق.

جاڭا زاڭ: قوعامدىق ورتانى لاستاعاندار جازالانادى

بەلگىلەنبەگەن جەرلەرگە كوممۋنالدىق قالدىقتاردى تاستاعانى ءۇشىن 10 اەك ايىپپۇل سالىنادى. 

ەندى 434-بابتىڭ جەكەلەگەن بولىكتەرىندە «ۇساق بۇزاقىلىق» عيماراتتاردى، وزگە دە قۇرىلىسجايلاردى، تۇرعىن ءۇي-جايلاردى، كوپشىلىك پايدالاناتىن ورىنداردى، كولىكتەگى جانە وزگە دە قوعامدىق ورىندارداعى مۇلىكتەردى قورلاعانى ءۇشىن 50 اەك (بۇرىن 20 اەك) مولشەرىندە ايىپپۇل سالۋ نەمەسە 5 تاۋلىكتەن 20 تاۋلىككە (بۇرىن 15 تاۋلىككە) دەيىن اكىمشىلىك قاماۋعا الۋ قاۋپى بار. بۇل بۇزۋشىلىقتاردى ءبىر جىل ىشىندە قايتالاۋ 20 (15 تاۋلىكتەن بۇرىن) 30 تاۋلىككە دەيىنگى مەرزىمگە اكىمشىلىك قاماۋعا الۋ كوزدەلگەن.

434-2 «ورتاق پايدالانىلاتىن ورىنداردى لاستاۋ» بابى بويىنشا بۇزۋشىلىقتار ءۇشىن جازا ەكى ەسەگە ۇلعايتىلدى. ساياباقتاردى، سكۆەرلەردى لاستاعانى، ونىڭ ىشىندە بەلگىلەنبەگەن جەرلەرگە كوممۋنالدىق قالدىقتاردى تاستاعانى ءۇشىن 10 اەك (بۇرىن 5 اەك) ايىپپۇل كولەمىندە، ال بۇزۋشىلىقتى ءبىر جىل ىشىندە قايتالاعانى ءۇشىن 20 اەك (بۇرىن 10 اەك) كولەمىندە ايىپپۇل سالىنادى.

Abai.kz