بۇعان دەيىن باق بەتتەرىندە بيشىمباەۆتار اۋلەتى مۇلكىنىڭ زاڭدىلىعىن تەكسەرۋگە قاتىستى پەتيتسيا جاريالانعان بولاتىن. قارجى مونيتورينگى اگەنتتىگى ونىڭ قورىتىندىسى بويىنشا تەكسەرىس جۇرگىزۋگە دايىن، دەپ حابارلايدى baq.kz.

بۇل تۋرالى قارجى مونيتورينگى اگەنتتىگى توراعاسىنىڭ ورىنباسارى جەڭىس ەلەمەسوۆ ءماجىلىس كۋلۋارىندا جۋرناليستەردىڭ سۇراعىنا بەرگەن جاۋابىندا ايتتى.

بيشىمباەۆتار اۋلەتى مۇلكىنىڭ زاڭدىلىعى تەكسەرىلە مە؟ – دەپ سۇرادى باق وكىلدەرى.

- اگەنتتىك مۇلىكتىڭ زاڭدىلىعىن تۇراقتى تۇردە تەكسەرىپ وتىرادى. بۇگىندە بىزدە قىلمىستىق ءىس تىركەلگەن جوق. بىراق ءبىز تۇراقتى نەگىزدە زاڭسىز جولمەن الىنعان قىلمىستىق كىرىستەرگە جان-جاقتى تەكسەرۋ جۇرگىزەمىز. بىزدە بۇل جۇمىستار بار، ەگەر ءبىر جەردە قىلمىستىق جولمەن تابىلىپ، زاڭداستىرىلعان زاڭسىز كىرىستەر بولسا، مىندەتتى تۇردە جاۋاپقا تارتامىز. ال پەتيتسياعا كەلسەك، ونىڭ ناتيجەسىن كۇتەيىك، سونىمەن بىرگە بۇل ماسەلەنى زەرتتەيىك، ءبىز بۇعان مىندەتتى تۇردە نازار اۋدارامىز، مىندەتتى تۇردە حابارلايمىز، - دەدى جەڭىس ەلەمەسوۆ.

Abai.kz