نۇرسۇلتان نازارباەۆ: ەندى ءبىزدىڭ ەل اتقا قونادى
تاۋەلسىزدىك — تاريحتىڭ ماڭگىگە ءبولىپ بەرگەن ەنشىسى ەمەس، حالىقتاردىڭ مامىراجاي ءومىر سۇرۋىنە بەرىلگەن كەپىلدىك تە ەمەس: اڭعال بولماعانىمىز ابزال.
***
تاۋەكەلى تۇراتىنداردىڭ عانا قولى جەتپەسە، تاۋەلسىزدىك بولا ما؟ ازاپپەن، ارپالىسپەن كەلمەسە، ازاتتىق بولا ما؟ وڭايلىقپەن كەلسە، ونىڭ قادىرى بولا ما؟ قادىرى جوق نارسە قولدا ۇزاق تۇرا ما؟
***
تاۋەلسىزدىكتىڭ قايتا ورالعانى — ءبىزدىڭ اتا-بابالارىمىزدىڭ سانعاسىرلىق ازاتتىق كۇرەسىنىڭ زاڭدى وتەۋى. جاراتقان يەنىڭ جاساعان ادىلدىگى. اتا-بابالارىمىزدىڭ وسىنشاما بايتاق جەردى اق نايزانىڭ ۇشىمەن، اق بىلەكتىڭ كۇشىمەن قورعاپ قالعانىنىڭ ارقاسى.
***
ەندى ءبىزدىڭ ەل اتقا قونادى: ءدۇيىم دۇنيەنىڭ قانداي ءدۇبىرلى دوداسىنا دا تايسالماي ءتۇسىپ، كىم-كىممەن دە جالتاقسىز جارىساتىن بولادى.
***
باسقاعا جالتاقتايتىن كۇننەن كەتتىك.
بار بايلىعىمىزدى وزىمىزگە بۇيىراتىن ەتتىك.
قوعامنىڭ ساياسي تۇراقتىلىعى مەن بىرلىگىنە جەتتىك.
قىسقاسى، ەگەمەن ەل بولۋدىڭ ەڭ اۋىر بەلەسىنەن وتتىك.
***
تاۋەلسىزدىك — تاريحتىڭ ماڭگىگە ءبولىپ بەرگەن ەنشىسى ەمەس، حالىقتاردىڭ مامىراجاي ءومىر سۇرۋىنە بەرىلگەن كەپىلدىك تە ەمەس: اڭعال بولماعانىمىز ابزال.
***
تاۋەكەلى تۇراتىنداردىڭ عانا قولى جەتپەسە، تاۋەلسىزدىك بولا ما؟ ازاپپەن، ارپالىسپەن كەلمەسە، ازاتتىق بولا ما؟ وڭايلىقپەن كەلسە، ونىڭ قادىرى بولا ما؟ قادىرى جوق نارسە قولدا ۇزاق تۇرا ما؟
***
تاۋەلسىزدىكتىڭ قايتا ورالعانى — ءبىزدىڭ اتا-بابالارىمىزدىڭ سانعاسىرلىق ازاتتىق كۇرەسىنىڭ زاڭدى وتەۋى. جاراتقان يەنىڭ جاساعان ادىلدىگى. اتا-بابالارىمىزدىڭ وسىنشاما بايتاق جەردى اق نايزانىڭ ۇشىمەن، اق بىلەكتىڭ كۇشىمەن قورعاپ قالعانىنىڭ ارقاسى.
***
ەندى ءبىزدىڭ ەل اتقا قونادى: ءدۇيىم دۇنيەنىڭ قانداي ءدۇبىرلى دوداسىنا دا تايسالماي ءتۇسىپ، كىم-كىممەن دە جالتاقسىز جارىساتىن بولادى.
***
باسقاعا جالتاقتايتىن كۇننەن كەتتىك.
بار بايلىعىمىزدى وزىمىزگە بۇيىراتىن ەتتىك.
قوعامنىڭ ساياسي تۇراقتىلىعى مەن بىرلىگىنە جەتتىك.
قىسقاسى، ەگەمەن ەل بولۋدىڭ ەڭ اۋىر بەلەسىنەن وتتىك.
***
قازاقستاننىڭ تاۋەلسىزدىگى بەيبىت جولمەن كەلدى. بۇل — ازاتتىق ءۇشىن الىسقان مىڭ-مىڭداعان ازاماتتاردىڭ قاسيەتتى قانىنىڭ وتەۋى. بۇل — بۇكىل تاريحىندا وزگەلەرگە قيانات جاساۋ دەگەندى بىلمەگەن حالىقتىڭ پەيىلىنىڭ قايتارىمى.
***
تاۋەلسىزدىك تۋىن تىگۋگە قانشالىقتى قاجىر-قايرات كەرەك بولسا، ونى قۇلاتپاي ساقتاپ قالۋعا سونشالىقتى قاجىر-قايرات كەرەك.
***
الدىمىزدا اسۋ-اسۋ بەلدەر بار، ۇلت جولىندا ۇيتقي سوعار جەلدەر بار. بەل دە تالار، جەل دە بەتتەن قاعار. بارىنە كونۋ كەرەك، بارىنە ءتوزۋ كەرەك.
***
اتالارىمىزدىڭ تار كەزەڭدە تابىسىپ، بىرلىك-بەرەكەسىن كورسەتكەن جاقسىلىعىمەن قاتار كەڭشىلىككە شىققاندا كەسىرلىك تانىتىپ، الا بولىپ اۋىزداعىلارىنان ايىرىلىپ، ءوزارا قىرقىسىپ كەتەتىن جامانشىلىعىنىڭ قابات جۇرەتىندىگى دە وزەكتى ورتەيدى.
***
ءبىز ەندىگى جەردە رەسەيمەن قارىم-قاتىناستى بىرىككەن ۇلتتار ۇيىمىنىڭ تەڭ قاتارلى مۇشەلەرى رەتىندە سەنىمدى ارىپتەستىك جاعدايىندا جالعاستىراتىن بولامىز.
***
ءبىز تاۋەلسىزدىك العاننان بەرى بىرىڭعاي ىزدەنىس ۇستىندە كەلە جاتقان ەلمىز. Iزدەنىس ۇستىندە ءدوپ باسۋ دا، ءمۇلت كەتۋ دە بولا بەرەدى. ەشتەڭە ىستەمەگەن ادام عانا قاتەلەسپەۋى مۇمكىن.
***
قانداستارىمىزعا قاراتىپ ايتار جايدىڭ تاعى ءبىرى — تاريحي وتانىنا ورالعان اعايىن، ەڭ الدىمەن، «قازاقستانىم ماعان نە بەرەدى؟» دەپ ەمەس، «مەن قازاقستانىما نە بەرەمىن؟» دەپ ويلانعانى دا دۇرىس بولار ەدى.
***
حالىق كەشپەيتىن ءبىر-اق نارسە بار: ەلدىڭ قولىنا زارىقتىرىپ كەلىپ قونعان باقىت قۇسىنان — تاۋەلسىزدىكتەن ايىرىلۋدى كەشپەيدى.
***
تاۋەلسىزدىكتىڭ تار جول، تايعاق كەشۋىنەن، بەتتەن قاعار جەلىنىڭ ەسۋىنەن تايسالماۋعا ءتيىسپىز.
***
تولىققاندى ءتىلسىز تولىققاندى ۇلت بولۋى مۇمكىن ەمەس.
