28 مامىردا وتكەن "قازمۇنايگاز" ۇك اق اكتسيونەرلەرىنىڭ جىلدىق جالپى جينالىسىنىڭ قورىتىندىسى بويىنشا اسحات عالىمۇلى حاسەنوۆ ۇلتتىق كومپانيانىڭ باسقارما توراعاسى بولىپ تاعايىندالدى.

ۇلتتىق كومپانيانىڭ بۇرىنعى باسشىسى ماعزۇم مىرزاعاليەۆتىڭ وكىلەتتىگى مەرزىمىنەن بۇرىن توقتاتىلدى.

اسحات حاسەنوۆ سونداي-اق "قازمۇنايگاز" ديرەكتورلار كەڭەسىنىڭ قۇرامىنا سايلاندى.

اسحات حاسەنوۆ ەڭبەك جولىن 2005 جىلى "تورعاي پەترولەۋم" اق (قىزىلوردا ق.) مۇناي جانە گاز ءوندىرۋ تسەحىنىڭ 3-رازريادتاعى وپەراتورى بولىپ باستاعان.

2006 – 2010 جىلدارى "مۇناي جانە گاز ونەركاسىبىنىڭ باس ديسپەتچەرلىك باسقارماسى" اق جەتەكشى مامان، باس مامان، مۇناي-گاز كەن ورىندارىن يگەرۋ مونيتورينگى ءبولىمىنىڭ باستىعى، ديرەكتوردىڭ ورىنباسارى، دەپارتامەنت ديرەكتورى، ۆيتسە-پرەزيدەنت بولىپ جۇمىس ىستەدى.

2011 – 2019 جىلدارى ەڭبەك جولىن قر مۇناي جانە گاز مينيسترلىگىندە جالعاستىرىپ، مۇناي-گاز كەشەنىندەگى مەملەكەتتىك ينسپەكتسيا كوميتەتىنىڭ مەملەكەتتىك ينسپەكتسيا جانە رۇقسات بەرۋ باسقارماسىن، كەيىن مۇناي-حيميا جانە تەحنيكالىق رەتتەۋ دەپارتامەنتىن باسقاردى.

2019 – 2022 جىلدارى "KLPE" جشس باسقارما توراعاسىنىڭ ورىنباسارى قىزمەتىن اتقاردى.

"قازمۇنايگازعا" تاعايىندالعانعا دەيىن 2022 – 2024 جىلدارى ارالىعىندا قر ەنەرگەتيكا ۆيتسە-ءمينيسترى بولىپ قىزمەت ەتتى. بۇل لاۋازىمدا جەر قويناۋىن پايدالانۋ جانە مۇناي-گاز حيمياسىن دامىتۋ ماسەلەلەرىنە جەتەكشىلىك ەتتى، سونىمەن بىرگە كومىرسۋتەك كەن ورىندارىن بارلاۋ جانە يگەرۋ جونىندەگى ورتالىق كوميسسيانى باسقاردى.

Abai.kz