جاقىندا نۇركەن اينابەكوۆ ەسىمدى  ازامات ءبىزدى ىزدەپ كەلدى. ماقساتى – مەملەكەتتىڭ قۇقىق قورعاۋ ورگاندارىنان ىزدەگەن ادىلدىگىنىڭ جولى كەسىلە بەرگەن سوڭ، باق وكىلدەرى ارقىلى بيلىك پەن حالىق اراسىندا اڭىس تۋعىزۋ ەكەن. سول ارقىلى زاڭسىزدىقتىڭ باتپاعىنا باتىپ، جەلگە ۇشىپ جاتقان مەملەكەتتىڭ  ميللياردتتاعان اقشاسى مەن قۇقى تاپتالعان  جەكە ازاماتتارعا اراشا سۇراۋ.

كاسىپكەر  بۇدان  بۇرىن «ۇلت.كز»  پورتالىندا  وسى زاڭسىزدىقتار تۋرالى  «اقوردادان ادىلدىك ىزدەگەن كاسىپكەر»  جانە  «ەل باسقارىپ وتىرعان قازاقتارىڭ سەندەردى اياپ جاتقان جوق، مەن نەگە اياۋىم كەرەك؟» دەگەن  تاقىرىپتارمەن حاتتارى جاريالاپتى. «جەبە» گازەتىندە ««TURKUAZ CONSTRUCTION» - نىڭ زاڭسىزدىقتارىنا توسقاۋىل بولا ما؟» دەگەن اتپەن سۇحباتى دا جارىق كورىپتى.  مەملەكەت باسشىسى نۇرسۇلتان ءابىشۇلىنان اراشا سۇراعان كاسىپكەر  جانايقايىنىڭ پرەزيدەنتكە جەتپەي جول ورتادا قالۋى ءبارىمىزدى قىنجىلتتى.

تومەندە ادىلدىك ىزدەگەن كاسىپكەر نۇركەن اينابەكوۆپەن بولعان سۇحباتتى جاريالاپ وتىرمىز.

 «قازاقتار – مال» دەپ قازاقستاندا تايراڭداپ ءجۇر

جاقىندا نۇركەن اينابەكوۆ ەسىمدى  ازامات ءبىزدى ىزدەپ كەلدى. ماقساتى – مەملەكەتتىڭ قۇقىق قورعاۋ ورگاندارىنان ىزدەگەن ادىلدىگىنىڭ جولى كەسىلە بەرگەن سوڭ، باق وكىلدەرى ارقىلى بيلىك پەن حالىق اراسىندا اڭىس تۋعىزۋ ەكەن. سول ارقىلى زاڭسىزدىقتىڭ باتپاعىنا باتىپ، جەلگە ۇشىپ جاتقان مەملەكەتتىڭ  ميللياردتتاعان اقشاسى مەن قۇقى تاپتالعان  جەكە ازاماتتارعا اراشا سۇراۋ.

كاسىپكەر  بۇدان  بۇرىن «ۇلت.كز»  پورتالىندا  وسى زاڭسىزدىقتار تۋرالى  «اقوردادان ادىلدىك ىزدەگەن كاسىپكەر»  جانە  «ەل باسقارىپ وتىرعان قازاقتارىڭ سەندەردى اياپ جاتقان جوق، مەن نەگە اياۋىم كەرەك؟» دەگەن  تاقىرىپتارمەن حاتتارى جاريالاپتى. «جەبە» گازەتىندە ««TURKUAZ CONSTRUCTION» - نىڭ زاڭسىزدىقتارىنا توسقاۋىل بولا ما؟» دەگەن اتپەن سۇحباتى دا جارىق كورىپتى.  مەملەكەت باسشىسى نۇرسۇلتان ءابىشۇلىنان اراشا سۇراعان كاسىپكەر  جانايقايىنىڭ پرەزيدەنتكە جەتپەي جول ورتادا قالۋى ءبارىمىزدى قىنجىلتتى.

تومەندە ادىلدىك ىزدەگەن كاسىپكەر نۇركەن اينابەكوۆپەن بولعان سۇحباتتى جاريالاپ وتىرمىز.

 «قازاقتار – مال» دەپ قازاقستاندا تايراڭداپ ءجۇر

- جالپى ««TURKUAZ CONSTRUCTION» دەگەن قانداي كومپانيا، ديرەكتورى  كىم؟

- «TURKUAZ CONSTRUCTION»جشس-ءنىڭ ء تۇرلى سالادا جۇمىس جۇرگىزىپ وتىرعان تۇركيانىڭ شەكارا اسقان الپاۋىت كومپانياسى سانالادى. ديرەكتورى -  زەكي پيلگە. قازاقستانعا 1992 جىلدارى 10.000 اقش دوللارىمەن كىرگەن، 2009 جىلى رەسەيدەن قۋىلعان ءارى «ورىس مافياسى»  جاعىنان ستامبۋلدا  سەرىكتەرى وققا ۇشىپ، ءوزى جارالانىپ، رەسەي ازاماتتارى تاراپىنان جازاسىن الىپ، كولياسكاعا وتىرعىزىلىپ، رەسەي اۋماعىنا كىرمەيتىن بولعان. بۇل مالىمەتتەردى زەكيدىڭ ەكى كومەكشىسى تانەر شاحين مەن رافەت كان دەگەن ازاماتتار ايتتى جانە تۇرىك گازەتتەرىنىڭ بارلىعى تۋركۋاز باسشىسىن الاياقتىعى ءۇشىن جازالاعان ورىس مافياسى دەپ جازدى. سول ەكى ازاماتتىڭ ايتۋىنشا، زەكي پيلگە  سانكت-پەتەربۋرگتە جۇمىس ىستەگەن ەكەن. گاز قۇبىرى ما،  سۋ  قۇبىرى ما، ايتەۋىر  قۇبىر تارتۋعا بايلانىستى جۇمىس الىپتى. بىراق، تاپسىرىستى ورىنداماعان. ورىستار  وعان اشۋلانىپ ءبىراز تالاپتار قويىپتى. 2009 جىلى زەكي پيلگە رەسەيلىكتەرمەن كەلىسسوز جاساۋعا ۇمتىلادى. بىراق، كەلىسسوزدەر تۇيىققا  تىرەلگەن سوڭ، ستامبۋلعا قاشادى. الايدا، رەسەيلىكتەر  ونى ءبىلىپ قويىپ، ستامبۋلعا قۋىپ بارىپ اتقان ەكەن. ناقتى قانشا اقشاعا الاياقتىق جاساعانى بەلگىسىز. ايتەۋىر سول «قىزمەتى» ءۇشىن اياعىنان ايىرىلىپ سال بولىپ وتىرعانى بەلگىلى.

- ولار  وزبەكستان مەن قىرعىزستاننان دا قۋىلعان با؟

- ءيا، وزبەكستاننان 2010 جىلى قۋىلعان. وبەكستاندا التىن قازۋ، وڭدەۋ جانە ساتۋ جۇمىستارىمەن اينالىسقان. كەيىن كومپانياداعى وزبەكتەردىڭ بارلىعىن جۇمىستان شىعارىپ، مەملەكەتتىڭ  ۇلتتىق مۇددەسىنە تىكەلەي كوپ مولشەردە زيان كەلتىرگەندىگى ءۇشىن وزبەك بيلىگى جاعىنان الاستالعان. ال قىرعىزدار 2012 جىلى ««TURKUAZ CONSTRUCTION» جشس-ءىنىڭ قىرعىز اۋماعىندا جۇمىس جاساۋىن شەكتەدى، جۇمىسشىلارىنىڭ بارلىعى باستارىن ارەڭ الىپ، الماتىعا قاراي قاشتى. مىنە، وسىلايشا كورشىلەرمىزدەن قۋىلعان الاياق كومپانيانىڭ قازاقستاننىڭ اۋماعىندا ەركىن تايراڭداۋى مەن قازاقتاردىڭ نامىسىن تاپتاپ، مەملەكەتتىڭ اقشاسىن شاشىپ جاتقانى جانىمىزعا باتادى.  ال وسىنشاما زاڭسىزدىقتاردى كورە تۇرىپ، سوت ورىندارى مەن مەملەكەتتىك باسقا دا  قۇقىق قورعاۋ ورىندارىنىڭ ءۇنسىز قالۋى، ءتىپتى جازعان ارىزدارعا جاۋاپ بەرمەۋى كوڭىلگە قاياۋ كەلتىرەدى.  بۇل شىندىقتاردى دا پرەزيدەنتىمىز بىلمەيتىن بولسا كەرەك.

مۇراجاي قۇرىلىسى – «تۇركۋازدىڭ» ويىنشىعى، جەمقورلاردىڭ جەمى بولىپ وتىر»

- ءسىز جاڭا استانادا سالىنىپ جاتقان ورتالىق مۋزەيدىڭ توڭىرەگىندە بولىپ جاتقان جەمقورلىقتار تۋرالى ايتتىڭىز. ونى قالاي تۇسىندىرەسىز؟ دالەلدەرىڭىز بار ما؟

- ول تۋرالى وندا ىستەگەن ازاماتتاردىڭ جارتىسىنان استامى بىلەدى. بىزدە دە ناقتى دالەلدەر بار. ءبىز ول تۋرالى ارنايى قۇرىلىس ەكونوميكالىق ساراپتاما  جاساتقانبىز. ەلباسىنىڭ تاپسىرماسىمەن سالىنىپ جاتقان قازاقستان تاريحى مۇراجايىنىڭ قۇرىلىسىنا ءبىزدىڭ پىسىقايلار  قۇرىلىس سالاسىندا ەشبىر تاجىريبەسى جوق «تۋركۋاز»  كومپانياسىن  تارتتى. ول جەردە ۇلكەن زاڭسىزدىق جاسالعان. بىرىنشىدەن، ەلىمىزدىڭ زاڭدارى بويىنشا  ءبىرىنشى كەزەكتە  قۇرىلىستىڭ جوبالاۋ-سمەتالىق قۇجاتتارىن دايارلايتىن  مەكەمە انىقتالۋى كەرەك. بۇل قۇجاتتاردى دايارلاۋعا تاپسىرىس العان  فيرما جوبالاۋ-سمەتالىق قۇجاتتاردى ازىرلەيدى. جوبالاۋ-سمەتالىق قۇجاتتار ءازىر بولعان سوڭ عانا  قۇرىلىس جۇرگىزۋگە تەندەر جاريالانادى. ال، قازاقستان تاريحى مۇراجايىنىڭ قۇرىلىسىنا قاتىستى  بۇل پروتسەدۋرالاردىڭ بىردە-بىرەۋى وتپەگەن.  جوباسى جاسالماعان.

ەكىنشىدەن،  قۇرىلىسقا ءبىزدىڭ پىسىقايلار  ليزەنتسيازى جوق فيرمانى تارتىپ وتىر. جوبا جاسالماۋىنىڭ سالدارىنان ءبىز زارداپ شەگىپ، ىستەگەن  جۇمىسىمىزدىڭ اقىسىن الا الماي وتىرمىز. مەن 2012 جىلى قر قۇرىلىس جانە تۇرعىن ءۇي كوممۋنالدىق شارۋاشىلىق اگەنتتىگىنە، استانا قالالىق مەملەكەتتىك ساۋلەت-قۇرىلىس باقىلاۋ مەكەمەسىنە (گاسك) حات جازعانمىن. «زاڭسىزدىقتاردى توقتاتىڭىزدار» دەپ. سول كەزدە  ەسەپ كوميتەتىنىڭ  توراعاسى قىزمەتىن اتقارعان ومارحان وكسىكباەۆتىڭ اتىنا، قازىرگى ا.مۋسينگە، قارجى ءمينيسترى ب.جامىشەۆكە جانە بارلىق مينيسترلەردىڭ جەكە بلوكتارىنا بىرنەشە رەت، ءتىپتى قارجى پوليتسياسىنا دا حات جازدىق. بۇل قۇرىلىس جۇمىستارىندا   جەمقورلىق بار ەكەندىگىن، قوماقتى قارجى  زاڭسىز جولدارمەن  تالان-تاراج بولىپ بىرەۋلەردىڭ قالتاسىنا ءتۇسىپ جاتقاندىعىن ايتتىق. سول كەزدە قر قۇرىلىس جانە تۇرعىن ءۇي كوممۋنالدىق شارۋاشىلىق اگەنتتىگىنىڭ بىزگە بەرگەن بىرنەشە جاۋاپ حاتتارى بار مەندە. ول حات 2012 جىلدىڭ  قازان ايىنىڭ 11 دەيىن بىزگە ءۇش رەت  كەلگەن. سول حاتتا  قۇرىلىستىڭ جوبالىق-سمەتالىق قۇجاتتارىنىڭ جانە «تۋركۋاز كونستراكشننىڭ»  قۇرىلىس  جۇمىستارىنا  ليتسەنزياسى جوق ەكەندىگى اشىق ايتىلعان. مەملەكەتتىك ساۋلەت-قۇرىلىس باقىلاۋ مەكەمەسىنەن  رۇقسات تا الماعاندىعى،  قۇرىلىس زاڭسىز جولمەن ءجۇرىپ  جاتقاندىعى  جازىلعان. سوعان بايلانىستى  استانا قالالىق مەملەكەتتىك ساۋلەت-قۇرىلىس باقىلاۋ مەكەمەسى «قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتi تۋرالى» زاڭىنىڭ 64 بابىنا  سۇيەنە وتىرىپ، «تۋركۋازعا» جالپى كولەمى 370 ايلىق ەسەپتىك كورسەتكىش كولەمىندە  ايىپپۇل سالعانىن  جازىپتى.  ال، زاڭنىڭ 64 بابىندا «مەملەكەتتiك ينۆەستيتسيالاردىڭ ەسەبiنەن نەمەسە ولاردىڭ قاتىسۋىمەن سالىنىپ جاتقان وبەكتiلەر جونiندەگi مەملەكەتتiك ساراپتامانىڭ وڭ قورىتىندىسى بولمايىنشا، جوبالاۋ قۇجاتتاماسىن بەكiتۋگە جانە قۇرىلىس-مونتاج جۇمىستارىن جۇرگiزۋگە (قۇرىلىستىڭ باستالۋىنا) رۇقسات ەتۋگە جول بەرiلمەيدi» دەلىنگەن. ياعني، جوبالاۋ-سمەتالىق قۇجاتتارى بولماسا  قۇرىلىس جۇمىستارى توقتاتىلۋى كەرەك. بىراق، «تۋركۋازدىڭ» جۇمىسى توقتاتىلعان جوق.

ۇشىنشىدەن، سوت ورىندارى بۇل قۇرىلىسقا تارتىلعان اقشانىڭ ناقتى سانىن تەكسەرمەۋدە. نەگىزى 50 ميللياردتان استام تەڭگە كەتتى. ال ءدال وسىنداي  ۇلگىدەگى، مەكتەپ سياقتى قۇرىلىستارعا 1.2 ميلليارد تەڭگە قارجى بولىنەتىنىن بىلەسىزدەر.سوندا ءبىر مەكتەپتىڭ كولەمىندەي مۋزەيگە كوررۋپتسيالىق جولمەن كەتكەن قاراجاتقا سوڭعى ۇلگىدەگى 30-مەكتەپ تۇرعىزۋعا بولادى. ال بۇل مۋزەي قۇرىلىسىن ۇزاعاندا 5-8 ميلليارد تەڭگەمەن بىتىرۋگە بولار ەدى.  سوندا  حالىقتىڭ اقشاسىن قايدا شاشىپ جاتىر؟ ول نەگە تەكسەرىلمەيدى؟ مىنە، بۇل ەل باسقارعانداردىڭ پرەزيدەنتتىڭ اتىن جامىلىپ حالىقتىڭ قاراجاتىن توناپ جاتقانىنىڭ دالەلى، وتە وكىنىشتى جاعداي.

تورتىنشىدەن, وسىنشاما قارجى بولىنگەن قازاقستان تاريحى مۇراجايىنىڭ قۇرىلىسى ساپاسىز جۇرگىزىلگەن. تىپتەن 2013 جىلى اقپان ايىندا مۋزەيدىڭ مەتاللوكونسترۋكتسيادان تۇرعىزىلعان بلوگى ساپاسىز بولىپ، شەتەلدەن كەلگەن مامانداردىڭ كومەگىمەن قايتادان جاماپ قويعان. ال بۇل سۇمدىقتى  بىرەۋ بىلسە، بىرەۋى بىلمەيدى. بىراق،بيلىكتەگىلەردىڭ  ءبارى بىلەدى.

- كومپانيا  سىزدەرگە  قانشا قارىز جانە ولاردىڭ قۇرىقتارىنا قالاي ءتۇسىپ قالدىڭىزدار؟ ارىزداندىڭىزدار ما؟

- قىسقارتىپ ايتقاندا، مەنى سول قۇرىلىس جۇمىستارىنا  ساكەن سىدىقوۆ دەگەن جىگىت شاقىرعان ەدى.  ول جىگىت  الگى قۇرىلىستى جۇرگىزۋگە ءتيىستى «تۋركۋاز كونستراكشن» جشس استانا  قالالىق  فيليالىنىڭ اكىمشىلىك  ديرەكتورى مارات راحمەتوۆ دەگەن ازاماتتىڭ دوسى ەكەن. ءبىز كومپانيا باسشىلىعىمەن كەلىسە وتىرىپ، جۇمىستىڭ قۇنى 100 ملن. تەڭگە دەپ باعاسىن  بەردىك، بۇل سوڭعى باعا ەمەس ەدى. بۇل جۇمىستار  نىساننىڭ سىرتقى ينجەنەرلىك  جەلىلەرىنىڭ جۇمىسىن جاساۋعا  عانا بەرىلگەن  باعا بولاتىن. ياعني،  مۇراجايدىڭ سۋ،  جىلى سۋ جانە كارىز جۇيەسىنىڭ جۇمىسىن جاساپ بەرۋگە  كەلىستىك. ءسويتىپ، 2011 جىلدىڭ تامىز ايىنىڭ 15-ءى كۇنى كەلىسىم-شارتقا قول قويىلدى. ءبىز جۇمىس ىستەۋگە بارعان كەزدە  نىساننىڭ جوبالاۋ-سمەتالىق قۇجاتتارى بولماي شىقتى. 2011 جىلدىڭ 1 قىركۇيەگىندە  جينالىس بولدى. وندا «تۋركۋاز كونستراكشننىڭ» باسشىلارى  جۇمىستى باستاۋعا  جوبانىڭ ەكسپەرتيزادان وتپەگەنى كەدەرگى بولىپ تۇرعانىن، سوندىقتان  جۇمىستى 23 قىركۇيەكتە باستاۋ كەرەكتىگىن ايتتى. مۇنىڭ ءبارى  حاتتامادا جازىلعان. وعان دالەلدەرىم دە جەتكىلىكتى. سونىمەن نە كەرەك، ءبىز 2011 جىلدىڭ 23 قىركۇيەگىندە  نىسانعا  قايتا باردىق.  بىراق باس مەردىگەر  بىزگە  ساراپتامادان  وتپەگەن  جوبا بەردى. باعاسى دا انىقتالماعان ەكەن. الايدا، ءبىز كەلىسىم-شارت  نەگىزىندە جۇمىسىمىزدى باستادىق.  ماسەلەنىڭ ءبارى سول كەزدە باستالدى. ويتكەنى،  ءبىز ءبىر ىستەگەن جۇمىسىمىزدى  بىرنەشە مارتە  قايتا جاساۋعا  ءماجبۇر بولدىق.  ماسەلەن،  سۋ، كارىز جۇيەلەرىنە ارنالعان قۇبىرلاردى  توسەپ بولعان كەزدە، مەردىگەرلەر كەلەدى دە «ويباي،  جوبا وزگەردى، سەندەر دە  قۇبىرلاردى قايتا جاساڭدار» دەيدى. 150 مەتر ۇزىندىعىنداعى جەرلەردى قازىپ،  قۇبىرلاردىڭ استىنا  قۇم  توسەپ،  قۇبىرلاردى دانەركەلەپ،  بەتىن  بەتونمەن جاۋىپ قويعان كەزدەرىمىزدە وزگەرتەدى. وزدەرى الدىندا قابىلداپ الاتىن ەدى  جۇمىستى. بارلىعى قۇجات بويىنشا جاسالدى. بىراق، «تۋركۋاز كونستراكشن» كومپانياسى جوبالاردى وزگەرتۋىن قويمادى.  سونىڭ كەسىرىنەن    قۇبىرلاردى قايتا شىعارىپ، ورلاردى 1 مەترگە  تەرەڭدەتىپ، قۇبىرلاردى قايتا توسەگەن كەزدەرىمىز بولدى. ءسويتىپ، ءبىر جۇمىستى 5 رەت جاسادىق. جالپى قۇنى  200 ملن. تەڭگەدەن اساتىن  جۇمىس جاساعان ەدىك. ءبىز  بۇل ماسەلە بويىنشا سوتقا دا جۇگىندىك. بىراق، «تۋركۋاز كونستراكشن» جشس باسشىلارى    قانداي  تاسىلدەرمەن ەكەنىن قايدام، سوتتاردى ءوز پايداسىنا شەشىپ جاتىر. قۇجاتتارىمىز تولىق، زاڭ تالاپتارى ءبىزدىڭ جاقتا بولعانىمەن، ايتەۋىر سوتتا تۇرىكتەردىڭ پايداسىنا  شەشىلىپ كەتە  بەرەدى. ماسەلەن، زاڭ بويىنشا جوبالاۋ-سمەتالىق قۇجاتتارى جوق نىساننىڭ قۇرىلىسىن استانا قالالىق ەكونوميكالىق سوتتىڭ توراعاسى د.ابدۋعاليەۆ تۇرىكتەر ءبىر نارسەگە قىزىقتىرماعان بولسا، قۇرىلىستى توقتاتۋى كەرەك ەدى. د.ابدۋعاليەۆ «تۋركۋازدى» ەمەس، قازاق مەملەكەتىنىڭ مۇددەسىن قورعايتىن زاڭ قىزمەتكەرى، ەلباسى سوتتاردى تاعايىنداعان كەزدە حالىققا قىزمەت جاسا دەپ تاعايىندايدى عوي. ال د.ابدۋعاليەۆ بولسا، جوبالاۋ-سمەتالىق قۇجاتىسىز قۇرىلىس سالۋعا بولمايتىنىن بىلە تۇرا، ءوزىنىڭ باسسىزدىقپەن زاڭسىز ارەكەتتەرىنە باسىپ مۇراجاي قۇرىلىسىن جۇرگىزىپ جاتقان تۇرىكتەردى جاقتاۋىن قويمادى. بيىل تاعى دا بەردىك سوتقا. تالاپ ارىز تۇسىردىك. استانا قالالىق اۋدانارالىق  ەكونوميكالىق سوتى ءبىزدىڭ تالاپ ارىزىمىزدى  قابىلدادى. سوتتى ش. ءنۇسىپوۆا  دەگەن سۋديا  جۇرگىزدى. بىراق،  78 كۇن بويى ءبىر دە ءبىر رەت سوت وتىرىسىن وتكىزبەدى. 2013 جىلدىڭ 1 ساۋىرىنەن 17 ماۋسىمعا دەيىن ءبىر رەت بولسا دا سوت وتىرىسى بولمادى. سوڭعى كۇنى، ياعني  17 ماۋسىمدا «سەگودنيا ۋ مەنيا سروك. يا وبيازانو  ۆىنەستي رەشەنيە» دەپ تۇرىكتەردىڭ پايداسىنا شەشىم شىعاردى. «تۋركۋاز كونستراكشن» جشس باسشىلارى  بىزبەن  ارامىزداعى كەلىسىم-شارتتاردىڭ ءبىرىنشى پاراقتارىن  وزگەرتىپ جىبەرىپتى. زاڭ بويىنشا ءبىرىنشى  پاراقتا  مەنىڭ قولىم بولۋى كەرەك. جالپى، كەلىسىم-شارتتىڭ بارلىق پاراعىندا ەكى جاقتىڭ وكىلدەرىنىڭ قولى قويىلۋى ءتيىس. ءبىزدىڭ فيرما اتىنان  بارلىق قۇجاتتارعا ءوزىم قول قويامىن. بىراق، سوتقا «تۋركۋاز كونستراكشن» وكىلدەرى اكەلگەن  كەلىسىم-شارتتىڭ ءبىرىنشى پاراعىندا  مەنىڭ قولىم جوق. تۇرىكتەر 2011 جىلدىڭ 15  قاراشاسىنا سايكەستەندىرىپ مەنىڭ اتىمنان جالعان  قۇجات جاساعان. «سايات-جان»جشس  59 ملن. تەڭگە كولەمىندەگى قۇنى بار ماتەريالدارعا قاتىستى تالابىمىز جوق، قارجى سۇرامايمىز» دەگەن ماعىنادا قۇجات جاساعان. قۇجات بولعاندا دا ءبىزدىڭ فيرمادان «تۋركۋاز كونستراكشنعا» جازىلعان حات ەكەن الگى. بىراق، ءبىزدىڭ فيرمانىڭ شىعىس قۇجاتتارىنىڭ اراسىندا ول جوق جانە ءبىزدىڭ بلانكا ەمەس. ونىڭ ۇستىنە  سول حاتتا كورسەتىلگەن  ماتەريالدار قۇرىلىس الاڭىنا  قاراشادا ەمەس، 2011 جىلدىڭ جەلتوقسانىندا كىرگىزىلگەن. مۇنىڭ ءبارىن ءبىز قۇجاتتارمەن  دالەلدەدىك. ال، سوت بولسا «تۋركۋاز كونستراكشن» وكىلدەرىن جاقتادى. وسى سوتتىڭ سۋدياسى بالدىقوۆا دا ەكى ايدان اسا ۋاقىت بىردە-ءبىر سوت وتىرىسىن وتكىزبەي،بارلىق دالەلىمىز تۇرسا دا، سوتقا كەلمەي قاشىپ جۇرگەن «تۋركۋازدىڭ» پايداسىنا شەشىم شىعاردى. سوندا استانا قالالىق ەكونوميكالىق سوتىنىڭ توراعاسىنان باستاپ، قاتارداعى سۋدياسىنا دەيىن «تۋركۋازدىڭ» يتاراشاسى بولعانى ما، الدە، «تۋركۋازدىڭ» قول شوقپارى ما؟..

«TURKUAZ CONSTRUCTION» جشس-نىڭ زاڭسىزدىقتارى تۋرالى 2-بىردەي ءىس قوزعالدى

- «TURKUAZ CONSTRUCTION» جشس-نىڭ باسشىلارىمەن تىكەلەي كەزدەسە الدىڭىز با؟

- ءيا، زاكي پيلگە مەنى 2 رەت شاقىرىپ كەزدەستى، كەلىسىپ شەشۋگە شاقىردى. ميللياردتاعان كوررۋپتسيانى جاريالاما دەپ جالىندى. بىراق اڭگىمە اراسىندا ماعان قويعان ورىنسىز تالاپتارىنان باس تارتتىم. ءتىپتى «سەندەر مال قازاقسىڭدار» دەگەن سوزىنەن كەيىن بەتىنە تۇكىرىپ تە كەتىپ قالدىم، ۇيالماي ءۇشىنشى رەت كەلىسىمگە شاقىرعاندا نامىسىم كەلدى، بارمادىم. ەندى زاڭ جۇزىندە كۇرەسىپ جاتىرمىن. وسى ءۇشىن استاناعا كەلىپ كەتىپ جۇرگەلى ءبىر جارىم جىلدان استى د.ابدۋعاليەۆتىڭ  زاڭسىزدىقپەن شىعارعان شەشىمىنە جوعارعى سوتقا شاعىم بەردىك. ءىس 19.12.2013 جىلى جوعارعى سوتتا قارالاتىنى جايلى بۇگىن حات كەلدى. سۋديا بالدىكوۆانىڭ 2013جىلى 10.06 ايىندا تاۋىپشىلىك جولمەن شىعارعان شەشىمىنە استانا قالالىق سوتىنا اپپەللياتسيالىق شاعىم تۇسىردىك، كۇنى تاعايىندالعان جوق، كۇتىپ وتىرمىز.ش.نۋسۋپوۆانىڭ شەشىمى بويىنشا ۋاقىت بار.

-  كومەكتەسىپ جاتقان ازاماتتار بار ما؟

- ارينە، كوپ. «تۋركۋازدا» جۇمىس  ىستەگەن جانە استانا قالالىق گاسك قىزمەتكەرلەرى، تاعى بىرنەشە مەملەكەت قىزمەتكەرلەر قولدارىنان كەلگەنشە كومەكتەسىپ جاتىر. بارلىعى «TURKUAZ CONSTRUCTION» جشس-نىڭ سۇمدىقتارى مەن وسىنداي الياق كومپانيانى قازاقستاننان الاستاۋعا نيەتتەس بولىپ ءجۇر. استاناداعى «جەمقورلىققا قارسى كوميتەت» قوعامدىق قورىنىڭ توراعاسى مۇساعالي دۋامبەكوۆ مىرزامەن كەڭەسە وتىرىپ، وتكەن قاراشا ايىندا استانا قالالىق ىشكى ىستەر باسقارماسىنا ارىز تۇسىردىك. استانا قالاسى، الماتى اۋداندىق ءىىب –سى 27.11.2013 جىلى كۋز-6267/13711103115574 نومەرلى قىلمىستىق ءىس قوزعاپ، تەرگەۋ شارالارىن باستاپ جاتىر. كەشە 05.12.2013 جىلى استانا قالالىق ءىىب-دا «تۋركۋازعا» قارسى 13710003102050 نومەرلى 2-ءشى قىلمىستىق ءىس قوزعالىپ (2-سۋرەت), ول دا الماتى اۋداندىق ءىىب-نە تەرگەۋگە بەرىلدى. اللا قالاسا، وسى جولى ءبىر ۇلكەن شايقاس بولاتىنى شىندىق. وعان قۇقىق قورعاۋشى ازاماتتار مەن جۋرناليستەر، تەلەارنالار دا تارتىلۋدا.

- ءسىز ءبىر سوزىڭىزدە بۇل جەمقورلىقتىڭ باسىندا ۇلكەن شەنەۋنىكتەر بار دەپ ايتىپ قالدىڭىز. ونىڭ ۇستىنە «TURKUAZ CONSTRUCTION» جشس-ءنىڭ دە الپاۋىت كومپانيا ەكەنى بەلگىلى. قورىقپايسىز با؟

- اللا سالسا، ءبارىن كورەمىز. «تۋركۋازدىڭ» ارتىندا قۇرىعى ۇزىن ادامداردىڭ تۇرعانى راس. ولاردىڭ كىمدەر ەكەنىن دە بىلەمىن. بىراق مەنىڭ ءىسىم - الاياق «تۋركۋازبەن». ولار بۇرىن دا قورقىتتى. ءتىپتى ادام دا سالىپ مەندەگى اتقارىلعان جۇمىستىڭ تۇپنۇسقا اكت-ىلەرىن تارتىپ الۋ  ارەكەتىن دە جاسادى. سوندىقتان اشىعىن ايتايىن،  ولار مەنەن قورقىپ وتىر. قازىرشە امانمىن. ەڭ ماڭىزدىسى – ادىلدىك مەن جاعىندا.

 اڭگىمەلەسكەن: التاي بۇقارباەۆ

 Abai.kz