سوت تورەلىگىنىڭ ادىلدىگى مەن اشىقتىعىن قامتاماسىز ەتەتىن بىردەن-ءبىر جاۋاپتى تۇلعا – سۋديا. الايدا جاۋاپكەرشىلىگ جوعارى بۇل قىزمەتتىڭ تالاپتارى دا كوپ. سونىڭ ءبىرى سۋديا بولۋعا كەدەرگى كەلتىرەتىن اۋرۋلار ءتىزىمى.

قازاقستاننىڭ سوت اكىمشىلىگى مەن دەنساۋلىق ساقتاۋ مينيسترلىگى قازاقستاندا سۋديانىڭ كاسىپتىك مىندەتتەرىن اتقارۋىنا كەدەرگى كەلتىرەتىن اۋرۋ تۇرلەرىنىڭ ءتىزىمىن ازىرلەدى. قوعامدىق تالقىلاۋدان وتكەن سوڭ بۇل ءتىزىم ەكى ۆەدومستۆونىڭ بىرلەسكەن بۇيرىعىمەن بەكىتىلۋى ءتيىس.

تىزىمگە 33 اۋرۋلار توبى ەنگەن:

1. ايقىن قيمىل بۇزىلۋلارى بار ەكستراپيراميدالىق قۇرىلىمدارى ايرىقشا زاقىمدانعان نەرۆ جۇيەسى اۋرۋلارى.
2. پيراميدالىق جانە ميشىقتىق جۇيەنىڭ ايرىقشا زاقىمدانعان نەرۆ جۇيەسى اۋرۋلارى.
3. سيرينگوميەليا جانە سيرينگوبۋلبيا.
4. بۇيىرلىك اميوتروفيكالىق سكلەروز.
5. كوگنيتيۆتىك فۋنكتسيالارى (التسگەيمەر، پيك اۋرۋلارى جانە باسقالار) ايرىقشا بۇزىلعان دەگەنەراتيۆتىك اۋرۋلار.
6. ەپيلەپسيا جانە ءارتۇرلى ەتيلوگيانىڭ ەپيلەپسيالىق سيندرومدارى.
7. جايىلمالى سكلەروز.
8. ديففۋزيالى سكلەروز (شيلدەر لەيكوەنتسەفاليتى مەن باسقالار).
9. فۋنكتسياسى تۇراقتى بۇزىلعان نەرۆ-بۇلشىق ەت اۋرۋلارى.
10. ينسۋلت، تۇراقتى قيمىل جانە سەزىمتالدىق بۇزىلۋى مەن جوعارى پسيحيكالىق فۋنكتسيالارى بۇزىلۋىنىڭ سالدارى.
11. فۋنكتسياسى تۇراقتى بۇزىلعان مىناداي ەندوكريندىك جۇيە اۋرۋلارى: تۋا بىتكەن يود جەتىسپەۋشىلىگى سيندرومى; ديففۋزيالى زوبى بار تۋا بىتكەن گيپوتەريوز; تۋا بىتكەن زوبسىز گيپوتەرياز; ءىىى-ءىV دارەجەدەگى ەندوكريندىك وفتالموپاتياسىمەن اۋىر تۇردەگى جايىلمالى زوبى بار تيرەوتوكسيكوز; 1 ءتيپتى ينسۋلينگە تاۋەلدى قانت ديابەتى، اۋىر ءتۇرى، تۇراقتى تۇردە بولمايتىن; اۋىرلىعى ورتا جانە اۋىر نىسانداعى اكرومەگاليا، بەلسەندى ساتىسى جانە گيپوفيزارلى ىرىلىك; اۋىرلىعى ورتاشا جانە اۋىر نىسانداعى يتسەنكو-كۋشينگ اۋرۋى، نەلسون سيندرومى; الۆەوليارلى گيپوۆەنتيلياتسيادان بولاتىن، سەمىرۋدىڭ ەڭ سوڭعى دارەجەسى; تولىق گيپوپيتۋيتاريزم، اۋىر نىسانى، تۇراقتى تۇردە بولمايتىن; گيپوفيزدى نانيزم; فۋنكتسياسى تۇراقتى بۇزىلعان ەندوكريندىك ورگانداردىڭ ىسىكتەرى.
12. ورتالىق نەرۆ جۇيەسىنىڭ فۋنكتسيالارى ايقىن بۇزىلعان قاتەرسىز ىسىكتەرى.
13. گەموبلاستوزدار: كوكباۋىردىڭ ەريتەرميادان كەيىنگى ميەلويدتى مەتاپلازاسى بار ەريتەرميا; اكسەلەراتسيا مەن بلاستى كريز ساتىسىنداعى سوزىلمالى ميەلولەيكوز; تۇراقتى انەميادان بولاتىن سوزىلمالى ليمفولەيكوز; ليمفوگرانۋلوماتوز ء(ىس جۇزىندە ساۋىققانداردى قوسپاعاندا); ءجىتى لەيكوز ء(ىس جۇزىندە ساۋىققانداردى قوسپاعاندا); كوپتەگەن ميەلوما (2-3 دارەجەسى); گەموفيليا; ۆيللي-براند اۋرۋى; يديوپاتيالىق ترومبوتسيتوپەنيالىق پۋرپۋرا ء(تيىمسىز سپلەنەكتوميا كەزىندە); رانديۋ-وسلەر اۋرۋى (گەمورراگيالىق سيندروم كەزىندە); تۇقىم قۋالايتىن ترومبوتسيتوپاتيالار (گەمورراگيا بولعان جاعدايدا).
14. گەمورراگيالىق دياتەزدەر.
15. ءىىى دارەجەلى قان اينالىم قىزمەتىنىڭ جەتكىلىكسىزدىگى (قج) بار جۇرەك جانە جۇرەكقاپتىڭ سوزىلمالى اۋرۋلارى.
16. جۇرەكتىڭ يشەميالىق اۋرۋى: ستەنوكارديانىڭ ءجيى ۇستامالارى (فۋنكتسيالىق كلاسس (فك) ءىىى-ءىV).
17. ءىىى ساتىداعى گيپەرتونيالىق اۋرۋ.
18. ىرعاقتىڭ بۇزىلۋىمەن قاتار جۇرەتىن جۇرەك اۋرۋلارى: جقج 1 مينۋتتا كەمىندە 50 نەمەسە ەستەن تانۋ جاعدايلارىمەن قاتار جۇرەتىن سينۋستىق ءتۇيىن، ا-ۆ بلوكادالار فۋنكتسياسىنىڭ بۇزىلۋى; ۇستامالى قارىنشا تاحيكاردياسى، قارىنشا ەكستراسيستوليا (لاۋن بويىنشا ءىىى-ءىV); ەكگ-دا QT ينتەرۆالىن 440 ميلليسەكۋندتان اسا ۇزارتۋ.
19. قولقا مەن ارتەريانىڭ كەز-كەلگەن بولىمدەرىنىڭ انەۆريزمدەرى مەن قاتپارلانۋى.
20. كەش ساتىداعى رەۆاماتويدتى ارتريت.
21. باسقا ورگاندار نەمەسە جۇيەلەر زاقىمدالعان جۇيەلىك قىزىل جەگى.
22. بارلىق ساتىداعى ۇدەمەلى جۇيەلىك سكلەروز.
23. 2-3-دارەجەدەگى بۇيرەك قىزمەتىنىڭ جەتكىلىكسىزدىگى بار سوزىلمالى گەپاتيتتىڭ ايقىن نىساندارى.
24. پورتالدى گيپەرتەنزياسى بار باۋىر تسيرروزى.
25. ءىش ءوتۋ سيندرومى مەن ءجيى قان كەتۋى بار توق ىشەكتىڭ تۇقىمىندا بار ديففۋزيالى پوليپوزى.
26. كرون اۋرۋى جانە ءجيى اسقىنۋلارى مەن قايتالاعان قان كەتۋلەرى بار باسقا دا ءتان ەمەس كوليتتەر.
27. 2-3 ساتىلى سوزىلمالى بۇيرەك قىزمەتىنىڭ جەتكىلىكسىزدىگى بار (سبج) سوزىلمالى بۇيرەك اۋرۋلارى.
28. ۆەستيبۋليارلى قىزمەتتىڭ بۇزىلۋى، ونىڭ ىشىندە مەنەر اۋرۋى.
29. ءبىر جانە ەكى جاقتى (سىبىرلاپ سويلەۋدى كەمىندە 3 مەتردەن قابىلداۋ) ەستۋدى ەلەكترواكۋستيكالىق تۇزەتۋمەن (ەستۋ اپپاراتتارىن كەم دەگەندە 6 مەتردەن سىبىرلاپ سويلەۋدى قابىلداۋ دەڭگەيىنە دەيىن تاڭداۋ) جاقسارتۋ مۇمكىن بولماعان جاعدايدا ونىڭ كەز-كەلگەن ەتيولوگياسىنىڭ تۇراقتى تومەندەۋى.
30. كوزدىڭ كورمەۋى.
31. اۋىر تۇراقتى نەمەسە ءجيى اسقىناتىن اۋىرسىنۋ قۇبىلىستارى بار سوزىلمالى جانە ۇزاققا سوزىلعان پسيحيكالىق بۇزىلۋلار.
32. ماسكۇنەمدىك، ناشاقورلىق، ۋىتقۇمارلىق.
33. پسورياز، كۇلدىرەۋىك، يحتيوز نىسانىنداعى دەرماتوزداردىڭ اۋىر نىساندارى.
34. سايكەسىنشە، سۋديا بولۋعا ۇمىتكەرلەر مەديتسينالىق كۋالاندىرۋ كەزىندە وزىندە اتالعان سىرقاتتاردىڭ جوعىن دالەلدەۋى ءتيىس.

Abai.kz