قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆا شۆەيتساريادا وتكەن دۇنيەجۇزىلىك دەنساۋلىق ساقتاۋ اسسامبلەياسىنىڭ 77-ءشى سەسسياسىندا دۇنيەجۇزىلىك دەنساۋلىق ساقتاۋ ۇيىمىنا مۇشە ەلدەردى مەديتسينالىق-سانيتاريالىق العاشقى كومەك بويىنشا جاھاندىق كواليتسياعا قوسىلۋعا شاقىردى. 

- قازىرگى زامانعى سىن-تەگەۋرىندەر مەن جاھاندىق ترەندتەردى ەسكەرە وتىرىپ جانە دقجق-نى قامتاماسىز ەتۋگە جانە ورنىقتى دامۋ ماقساتتارىنا قول جەتكىزۋگە ۇمتىلا وتىرىپ، قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ مساك بويىنشا ەلدەردىڭ جاھاندىق كواليتسياسىن قۇرۋ جونىندەگى باستامانى ۇسىندى جانە ەلدەردى كواليتسياعا قوسىلۋعا شاقىردى. وسىعان بايلانىستى، ءبىز مۇددەلى ەلدەردى قازاقستاننىڭ باستاماسىن قولداۋعا جانە مساك جونىندەگى ەلدەردىڭ جاھاندىق كواليتسياسىنا قوسىلۋعا شاقىرامىز، – دەدى اقمارال ءالنازاروۆا. 

كواليتسيا ارىپتەس ەلدەر اراسىنداعى تۇراقتى ءوزارا ءىس-قيمىلدى، بىلىممەن، وزىق تاجىريبەمەن الماسۋدى جانە يدەيالاردى دامىتۋدى قامتاماسىز ەتە وتىرىپ، ددۇ-نىڭ قولداۋىمەن ارەكەت ەتەتىن حالىقارالىق وداق پەن الاڭنىڭ ءرولىن اتقارادى.

Abai.kz