قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى قازاقستاندىق كاسىپكەر، «ۆەرتەكس گولد» كومپانياسىنىڭ يەسى ۆلاديمير جۇمانباەۆقا ق.اسانبەكتىڭ (قامشى كولباەۆ) ۇيىمداسقان قىلمىستىق توبىن قارجىلاندىرعانى ءۇشىن ىزدەۋ جاريالادى، دەپ حابارلايدى Abai.kz.

ۇقمك مالىمەتىنشە، تەرگەۋ امالدارى اياسىندا قىلمىستىق جولمەن الىنعان كىرىستەردى زاڭداستىرۋ (جىلىستاتۋ) فاكتىسى بويىنشا تىركەلگەن سوتقا دەيىنگى ءىس جۇرگىزۋ ماتەريالدارىندا ۇيىمداسقان قىلمىستىق توبىنىڭ قىزمەتىن قارجىلاندىرۋ فاكتىلەرى انىقتالعان.

اتالعان تۇلعا ق.اسانبەكتىڭ قىلمىستىق قوعامداستىقتىڭ قۇرامىنداعى كاسىپكەرلەردەن رەكەت، بوپسالاۋ تۇرىندەگى زاڭسىز ارەكەتتەردەن جۇيەلى تۇردە قاراجات الۋى، سونداي-اق اۋىر قىلمىستار ءۇشىن بىرنەشە رەت سوتتالعانى، سونداي-اق ونىڭ «ادام ءولتىرۋ»، «ادام ۇرلاۋ» جانە «قىلمىستىق قوعامداستىق (قىلمىستىق ۇيىم) ۇيىمداستىرۋ» باپتارىمەن اسا اۋىر قىلمىستار بويىنشا تالاي رەت سوتتالعانىن بىلە تۇرا، قىرعىز رەسپۋبليكاسىنىڭ اۋماعىندا بىرلەسكەن بيزنەس جوبالاردى جۇزەگە اسىرۋ ءۇشىن قولداۋ جانە قامقورلىق الۋ ماقساتىندا ق.اسانبەكپەن بايلانىس ورناتقان، - دەلىنگەن حابارلامادا.

اتالمىش كاسىپكەر «ۆ.گ.ك.» جشس-ءنىڭ قىرعىز رەسپۋبليكاسى اۋماعىنداعى التىن وندىرۋمەن، كەندەر مەن باعالى مەتالداردى بايىتۋمەن اينالىساتىن يەسى بولا وتىرىپ، ق.اسانبەككە 2021-2023 جىلدار ارالىعىندا اي سايىن 1 ملن سوم جىبەرىپ وتىرعان.

ال ىزدەۋدەگى ازامات جەكە ۇشاقپەن كەلىپ، ق.اسانبەكپەن ىستىقكول وبلىسىندا ورنالاسقان «بارس» دەمالىس بازاسىنىڭ اۋماعىندا كەزدەسىپ، دەمالعان.

اتالعان تۇلعاعا قىلمىستىق قۋدالاۋ ءۇشىن مەملەكەتارالىق ىزدەۋ جاريالاندى.

Abai.kz