وقۋ-اعارتۋ مينيسترلىگى بۇگىن تەحنيكالىق جانە كاسىپتىك ءبىلىم بەرۋ ۇيىمدارىنا قۇجات قابىلداۋ باستالعانىن حابارلادى.

ابيتۋريەنتتەر كوللەدجدە وقۋعا ەكى تاسىلمەن: 25 ماۋسىمنان باستاپ قاعاز جانە 1 شىلدەدەن باستاپ eGov.kz پورتالى ارقىلى ەلەكترون تۇردە ءوتىنىم بەرە الادى.

9-سىنىپ بىتىرۋشىلەر ءۇشىن قۇجات قابىلداۋ مەرزىمى 25 ماۋسىمنان 18 تامىزعا دەيىن، ال 11 سىنىپ بىتىرۋشىلەر ءۇشىن 25 ماۋسىمنان 20 تامىزعا دەيىن جالعاسادى:

• شىعارماشىلىق ماماندىقتار بويىنشا – 25 ماۋسىمنان 20 شىلدەگە دەيىن،
• پەداگوگيكالىق جانە مەديتسينالىق ماماندىقتار بويىنشا – 25 ماۋسىمنان 15 تامىزعا دەيىن.

"ورتا بۋىن ماماندىقتارى مەن قولدانبالى باكالاۆرعا تۇسۋشىلەر وقۋعا اتتەستاتتىڭ ورتاشا بالى نەگىزىندە قابىلدانادى. باعالاپ ءبولۋ مىندەتتى جانە بەيىندىك پاندەردىڭ ورتاشا كونكۋرستىق بالى نەگىزىندە اۆتوماتتاندىرىلعان اقپاراتتىق جۇيە ارقىلى جۇزەگە اسىرىلادى. جۇمىسشى ماماندىعىنا تۇسەتىن تۇلەكتەر اڭگىمەلەسۋ قورىتىندىسى بويىنشا قابىلدانادى", – دەلىنگەن حابارلامادا.

Abai.kz