ءبىز پورتال وقىرماندارىنىڭ تالقىسىنا «اق جول» فراكتسياسىنىڭ ۇكىمەتتىڭ دەپۋتاتتىق ساۋالدار بويىنشا جۇمىسى تۋرالى ءماجىلىس وتىرىسىندا سويلەگەن ءسوزىن ۇىنامىز...

قۇرمەتتى ارىپتەستەر.

«اق جول» فراكتسياسى سايلاۋشىلارمەن كەزدەسۋلەر قورىتىندىسى بويىنشا كوتەرگەن ماسەلەلەردىڭ ءبىرازىن، ۇزاققا سوزىلعان داۋلاردان كەيىن بولسا دا، ۇكىمەت شەشىپ بەردى.

ماسەلەن:

● بىلتىر جازدا جاڭا سالىق كودەكسىنىڭ تۇجىرىمداماسى تالقىلانعالى بەرى كاسىپكەرلەر ۇلتتىق ەكونوميكا مينيسترلىگى جاريالاعان قوسىمشا قۇن سالىعىنىڭ ءوسىمىن بولدىرماۋ تۋرالى ۇسىنىسپەن «اق جول» دەمپارتياسىنا بىرنەشە رەت جۇگىنگەن. «اق جول» فراكتسياسى 2023 جىلدىڭ تامىز بەن قاراشا ايلارىندا ۇكىمەتكە ءتيىستى تالاپتاردى جاريا تۇردە جولدادى. شەنەۋنىكتەر بيزنەستى تىڭداۋدان باس تارتتى.

كاسىپكەرلەردى پرەزيدەنت ەستىپ، 2024 جىلدىڭ 7 اقپانىنداعى ۇكىمەت وتىرىسىنداعى ونىڭ تىكەلەي تاپسىرماسىنان كەيىن عانا ماسەلە وڭ شەشىمىن تاپتى.

● ءبىزدىڭ ءۇش ساۋالىمىزدان كەيىن الماتى وبلىسىنداعى «مارەۆەن فۋد» زاۋىتىنا وتكەن جىلدارى ادىلەتسىز ۇستالعان قوسىمشا قۇن سالىق سوماسى (7 ملرد-تىڭ 3,5 ملرد-قا جۋىعى) ءىشىنارا قايتارىلدى، بىراق تىم كەش: ينۆەستورلار ەكسپورتتىق ءوندىرىسىن وزبەكستانعا كوشىرۋ تۋرالى شەشىم قابىلداپ، بۇل جەردە تەك ىشكى نارىققا ارنالعان قۋاتتىلىقتى قالدىردى.

● "اق جول" فراكتسياسىنىڭ بىرقاتار تالاپتارىنان سوڭ، اكىمدىكتەردىڭ تۇرعىن ءۇي قۇرىلىسىنا رۇقسات بەرۋ كەزىندە سانيتارلىق ايماقتاردىڭ بۇزىلۋىنا بايلانىستى «كۋبلەي» (ورال), «نۇرتاۋ تەمىر» (الماتى), «Kz Recicling» (الماتى وبلىسى) زاۋىتتارى مەن باسقا دا بىرقاتار كاسىپورىننىڭ جابىلۋ قاۋپى سەيىلدى (دەنساۋلىق ساقتاۋ مينيسترلىگىنىڭ بۇيرىعىنا وزگەرىستەر ەنگىزىلدى). ءبىز دەنساۋلىق ساقتاۋ مينيسترلىگىنە بەك ريزامىز، الايدا، كاسىپورىنداردىڭ وندىرىستىك ايماقتارىندا تۇرعىن ءۇي قۇرىلىسىنا رۇقسات بەرگەن اكىمدەردىڭ نەگە جاۋاپكەرشىلىككە تارتىلماعانى تۇسىنىكسىز.

● "اق جول" فراكتسياسىنىڭ ۇسىنىسى مەن ۇزاق داۋدان كەيىن ۇكىمەت بجزق-داعى زەينەتاقى جيناقتارى مەن ولار بويىنشا ينۆەستيتسيالىق كىرىستى سالىقتان بوساتۋعا كەلىستى. ءبىز مۇنداي تالاپتى 2023 جىلدىڭ 18 قازانىندا قويدىق، ياعني شەشىمنىڭ شىعۋىنا 7 اي ۋاقىت كەتتى.

● ماجىلىستەگى «اق جول» فراكتسياسى مەن جەرگىلىكتى ماسليحاتتارداعى دەپۋتاتتاردىڭ ون شاقتى ساۋالىنان كەيىن، الماتى مەن رۋدنىيدان باسقا بارلىق دەرلىك وڭىرلەردە شاعىن جانە ورتا بيزنەسكە سالىناتىن بولشەك ساۋدا سالىعىن 4-تەن 2-3%-عا دەيىن تومەندەتۋ تۋرالى شەشىمدەر قابىلداندى (2023 جىلدىڭ مامىر ايىنان بەرگى بىرقاتار دەپۋتاتتىق ساۋالدار مەن بىرقاتار تەرىس جاۋاپتار).

● فراكتسيانىڭ ساۋالى بويىنشا 2024 جىلدىڭ 15 ناۋرىزىندا «قازتەمىرترانس» قىزمەتكەرلەرىنە پارا بەرۋگە ءماجبۇر بولعان 15 كاسىپكەردى تۇرمەدەن قۇتقارا الدىق (تۋرا ماعىناسىندا) – ءبىزدىڭ ساۋالىمىزدان ءبىر اپتادان كەيىن ولار سوت زالىندا بوساتىلدى.

باسقا دا ءساتتى مىسالدار بار. دەگەنمەن، «اق جول» دەپۋتاتتارىنىڭ سايلاۋشىلاردىڭ ءوتىنىشى نەگىزىندە كوتەرگەن بىرقاتار جۇيەلى ماسەلەلەرى ءوز شەشىمىن تاپپادى. سوندىقتان، سايلاۋشىلاردىڭ مىندەتتەمەلەر ءتىزىمىن جولداۋمەن قاتار، كەيىننەن قوسىمشا 70-تەن استام دەپۋتاتتىق ساۋالدار جاريالاۋعا ءماجبۇر بولدىق. ال مەملەكەتتىك ورگانداردىڭ جاۋاپتارى كەيدە ودان دا كوپ سۇراق تۋعىزدى. جاۋاپتاردى ءمان-جايدى بىلمەيتىن نەمەسە دەپۋتاتتارعا تىكەلەي جالعان اقپارات بەرىپ جۇرگەن قىزمەتكەرلەر دايىنداعان سياقتى اسەر قالىپ وتىردى.

● ءبىزدىڭ 2023 جىلعى 4 قازانداعى ەنەرگەتيكالىق ماشينا جاساۋدى قۇرۋ قاجەتتىگى تۋرالى دەپۋتاتتىق ساۋالىمىزعا ۇكىمەت قازاقستاندا تۋربينالار، گەنەراتورلار جانە باسقا دا تەحنيكالار ءوندىرىسى بار دەپ جاۋاپ بەردى. ءىس جۇزىندە قازاقستاندا ونەركاسىپتىك تۋربينالار مەن گەنەراتورلار شىعارىلمايدى، تەحنولوگياسىنىڭ قاراپايىمدىلىعىنا بايلانىستى تەك قازاندىق اگرەگاتتارى قۇراستىرىلادى. ياعني، ۇكىمەتتىڭ جاۋابى جاعدايعا باقىلاۋدىڭ جوقتىعىن كورسەتەدى، سونىڭ سالدارىنان – بۇگىندە كوپتەگەن جىلۋ ەلەكتر ورتالىقتارىندا جىلۋ بەرۋ ماۋسىمىنا دايىندىق مەرزىمدەرى كەشىكتىرىلۋدە، ول تۋرالى كەشەگى ۇكىمەت وتىرىسىندا دا ايتىلدى، بۇعان سونىڭ ىشىندە قۇرال-جابدىقتىڭ جەتكىزىلۋىنىڭ كەشىگۋى سەبەپ. بيزنەس وعان دايىن ەكەندىگىن ايتقانىمەن، ءوندىرىس جولعا قويىلمادى.

● وليگوپولياعا قارسى كۇرەستى جەلەۋ ەتىپ، ادال كاسىپكەرلەردىڭ مۇلكىن زاڭسىز باسىپ الۋ تۋرالى 2023 جىلدىڭ 15 جەلتوقسانىنداعى دەپۋتاتتىق ساۋالعا (تۇركىستان وبلىسى سارىاعاش اۋدانىنداعى شيپاجاي مىسالىندا) ايقىن فاكتىلەر ەلەنبەيتىن جاۋاپ الىندى. پرەزيدەنتتىڭ ەكونوميكانى ىرىقتاندىرۋ تۋرالى جارلىعىنان كەيىن عانا، ونىڭ ءبىرىنشى تارماعىندا جەكە مەنشىككە قول سۇعىلماۋشىلىقتى قامتاماسىز ەتۋ كورسەتىلگەن، بۇل ماسەلە باس پروكۋراتۋرانىڭ قاراۋىنا قايتا قابىلداندى.

● 2024 جىلدىڭ 14 ناۋرىزىنداعى ساۋالىمىزعا دەنساۋلىق ساقتاۋ مينيسترلىگى پرەزيدەنت قاسىم - جومارت توقاەۆتىڭ جولداۋداعى تىكەلەي تاپسىرماسىنا قاراماستان، مىندەتتى مەديتسينالىق ساقتاندىرۋعا نارىقتىق مەديتسينالىق ساقتاندىرۋ ەلەمەنتتەرىن ەنگىزۋدەن باس تارتتى. اڭگىمە ازاماتتاردىڭ ءوز دەنساۋلىعى ءۇشىن جەكە شوتتارى مەن جەكە جاۋاپكەرشىلىگىن ەنگىزۋ تۋرالى بولىپ وتىر.

دەنساۋلىق ساقتاۋ مينيسترلىگى تولەيتىندەردەن تولەم جينالىپ، قور شەنەۋنىكتەرىنىڭ قالاۋى بويىنشا جۇمسالاتىن بۇرىنعى سحەمانى ساقتاۋ قاجەت دەپ جاۋاپ بەردى. بۇل جۇيە ءوزىنىڭ تيىمسىزدىگىن كورسەتتى دەپ ەسەپتەيمىز.

● «اق جول» فراكتسياسىنىڭ ساۋالىنا قاراماستان، ۇكىمەت الاش رەسپۋبليكاسىنىڭ جەتەكشىسى، ۇلت كوسەمى ءالىحان بوكەيحاننىڭ 160 جىلدىعىن رەسمي دەڭگەيدە اتاپ وتۋدەن باس تارتتى. ءبىزدىڭ پىكىرىمىزشە، بۇل ۇلكەن قاتە.

● ۇكىمەت 2024 جىلدىڭ 23 اقپانىنداعى ساۋالدا كوتەرىلگەن ونەركاسىپتىك قۇراستىرۋ كەلىسىمدەرىنىڭ تاجىريبەسىن اۆتوموبيلدەر مەن اۋىل شارۋاشىلىعى تەحنيكالارىن قۇراستىرۋعا عانا ەمەس، سونىمەن قاتار تاۋ-كەن، مۇناي، ەنەرگەتيكا، ەلەكتر جانە ت.ب. جابدىقتارعا قولدانۋ تۋرالى ۇسىنىسىمىزعا جاۋاپ بەرمەدى. ءوز جاۋاپتارىندا شەنەۋنىكتەر تەك قولدانىستاعى تاجىريبەنى عانا اتاپ، «اق جول» فراكتسياسى ۇسىنعان وزگەرىستەر تۋرالى جۇمعان اۋىزدارىن اشپادى.

● مامىلەلەردى جارامسىز دەپ تانۋ سەكىلدى بيزنەس ءۇشىن وتە اۋىر ماسەلە كوتەرىلگەن 2023 جىلعى 29 قىركۇيەكتەگى جانە 2024 جىلعى 15 اقپانداعى دەپۋتاتتىق ساۋال بويىنشا قارجى مينيسترلىگى سالىق ورگاندارىن مۇنداي ديكتاتورلىق وكىلەتتىكتەردەن ايىرۋدان باس تارتتى.

● 2023 جىلدىڭ 29 جەلتوقسانىنداعى دەپۋتاتتىق ساۋالعا قارجى مينيسترلىگى سالىق تاۋەكەلدەرىن باسقارۋ جۇيەسىنىڭ قۇپيا كريتەريلەرىن الىپ تاستاۋدان باس تارتتى. ناتيجەسىندە، كاسىپكەرلەر وزدەرىنىڭ تاۋەكەلدەردى باسقارۋ جۇيەسى دەڭگەيىنىڭ نەلىكتەن جوعارىلاعانىن بىلمەي، مەملەكەتتىك ساتىپ الۋ نەمەسە نەسيە الۋ مۇمكىندىگىنەن ايىرىلۋدا.

● «اق جول» فراكتسياسى قۇرىلىس كودەكسىنىڭ جوباسىن سالا الدىندا تۇرعان مىندەتتەرگە سايكەس كەلمەيدى دەپ سانايدى. ءبىز باسقا فراكتسيالارداعى ارىپتەستەرمەن بىرگە ۇكىمەتكە بۇل زاڭ جوباسىن كەرى قايتارىپ الۋدى ۇسىندىق. الايدا قۇجات كەرى قايتارىلمادى. ءوز ۇستانىمىزدان باس تارتپايمىز.

● ءبىز بانكتەردىڭ كەپىلدىك ساياساتىنىڭ توناۋشىلىق سيپاتى تۋرالى ماسەلەنى كوتەرىپ، بۇل تاسىلدەردى كەپىلزات نەسيە سوماسىنا سايكەس كەلەتىندەي ەتىپ قايتا قاراۋدى ۇسىندىق. مەملەكەتتىك ورگاندار بۇل ماسەلەگە جاۋاپ بەرمەدى.

● 2024 جىلعى 5 ساۋىردەگى «اق جول» فراكتسياسىنىڭ پرەزيدەنت ق.توقاەۆتىڭ كونستيتۋتسيالىق رەفورماسىنا سايكەس ءماسليحاتتاردىڭ فۋنكتسيالارىن كۇشەيتۋ تۋرالى ساۋالىنا ۇكىمەت ءبىزدىڭ ۇسىنىستارىمىزعا مۇلدەم قاتىسى جوق، ءبىز كوتەرگەن تاقىرىپتى ەش قامتىمايتىن جاۋاپ جولدادى.
جانە ت.س.س.

وسىنداي جاۋاپتارعا قاراماستان مەملەكەتتىك ورگانداردىڭ بوساڭسىماۋىن سۇرايمىن. ءبىز بۇل پىكىرتالاستاردى كەلەسى سەسسيادا جالعاستىرامىز.

پارلامەنتكە تەرىس اقپارات بەرگەنى ءۇشىن شەنەۋنىكتەردى جاۋاپكەرشىلىككە تارتۋ تاجىريبەسىن ەنگىزۋ قاجەت. ماسەلەن، «اق جول» فراكتسياسىنىڭ تالابى بويىنشا 14 ناۋرىزدا ساۋالىمىزعا كۇماندى اقپارات بەرگەن دەنساۋلىق ساقتاۋ ۆيتسە-ءمينيسترى تارتىپتىك جاۋاپكەرشىلىككە تارتىلدى. مۇنداي جاۋاپكەرشىلىك پارلامەنت پەن ۇكىمەت اراسىنداعى قارىم-قاتىناستا ەرەجەگە اينالۋى كەرەك دەپ سانايمىز.

دەپۋتاتتىق ساۋالدارعا بەرىلگەن جاۋاپتاردىڭ 70% فورمالدى ءارى ىسكە قاتىسى جوق بولعاسىن، ۇكىمەتتىڭ «اق جول» فراكتسياسىنىڭ دەپۋتاتتىق ساۋالدارى بويىنشا جۇمىسىن قاناعاتتانارلىقسىز دەپ سانايمىز جانە ق. توقاەۆتىڭ ىقپالدى پارلامەنت پەن ەسەپ بەرەتىن ۇكىمەت تۇجىرىمداماسىنا ساي بيلىك تارماقتارى اراسىنداعى تەڭگەرىمدى ءارى كاسىبي قارىم-قاتىناستاردى تالاپ ەتەمىز.

نازارلارىڭىزعا راحمەت!

ازات پەرۋاشەۆ،

«اق جول» فراكتسياسىنىڭ جەتەكشىسى، ءماجىلىس دەپۋتاتى

Abai.kz