ەڭبەك جانە حالىقتى الەۋمەتتىك قورعاۋ مينيسترلىگى 8 476 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا بەرىلەتىن ارناۋلى الەۋمەتتىك تولەم تاعايىندالعانىن حابارلادى.

اتالعان تولەمدى تاعايىنداۋعا بارلىعى 9 255 ادام ءوتىنىش بىلدىرگەن.

"ەكى كوزدەن تولەنەتىن ارناۋلى الەۋمەتتىك تولەمگە (رەسپۋبليكالىق بيۋدجەت جانە بىرىڭعاي جيناقتاۋشى زەينەتاقى قورى) 2 840 ادام جۇگىندى، ونىڭ ىشىندە 2 730 ادامعا تاعايىندالدى. ءتورت قارجىلاندىرۋ كوزىنەن بەرىلەتىن ءاات (رەسپۋبليكالىق بيۋدجەت، بىرىڭعاي جيناقتاۋشى زەينەتاقى قورى، جۇمىس بەرۋشى جانە ءومىردى ساقتاندىرۋ ۇيىمى) تاعايىنداۋعا 6 415 ادام ءوتىنىش ءبىلدىرىپ، ونىڭ 5 746-سىنا تاعايىندالعان", – دەلىنگەن حابارلامادا.

سونىمەن قاتار 369 ازامات ساقتاندىرۋ كومپانياسىمەن زەينەتكەرلىك اننۋيتەت شارتىنىڭ جاسالۋىن كۇتىپ ءجۇر، 68 ازامات سمس حابارلاماعا جاۋاپ بەرمەگەن. مىندەتتى شارتتاردى ورىنداماعاندىقتان، 342 ءوتىنىش بەرۋشىگە ءاات تاعايىنداۋدان باس تارتىلدى.

"2024 جىلدىڭ 1 قاڭتارىنان باستاپ قازاقستاندا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارناۋلى الەۋمەتتىك تولەم ەنگىزىلدى. ارناۋلى الەۋمەتتىك تولەم 55 جاسقا تولعان جانە بىرىڭعاي جيناقتاۋشى زەينەتاقى قورىندا (بۇدان ءارى — بجزق) كەمىندە 7 جىل كاسىپتىك زەينەتاقى اۋدارىمدارى بار بولۋى ءتيىس. تولەم زەينەتكەرلىك جاسقا دەيىن تولەنەدى", – دەلىنگەن حابارلامادا.

سۋرەت: qazaly.kz

Abai.kz