بوكس: جەتى وليمپياداداعى جەتىستىكتەر قانداي؟
![](https://abai.kz/content/uploads/2024/07/451978422_834147535476993_3814989740374144872_n.jpg)
مىرزاعالي ايتجانوۆ بوكسشىلاردى وليمپياداعا ءۇشىنشى اپارادى. قازاقستاندىق باس باپكەرلەردىڭ كەيىنگى جەتى وليمپياداداعى جەتىستىكتەرى قانداي؟
مارقۇم ءابدىسالان نۇرماحانوۆ 1993-1997 جج ارالىعىندا قازاقستان ەرلەر كومانداسىنىڭ باس باپكەرى بولىپ، اقش-تىڭ اتلانتا وليمپياداسىنا تۇڭعىش رەت قاتىسىپ، ۆ.جيروۆ تۇڭعىش رەت ۆەل باركەر كۋبوگىنا يە بولدى.
1 التىن: ۆاسيلي جيروۆ (81 كگ);
1 كۇمىس: بولات ءجۇمادىلوۆ (51 كگ);
2 قولا: بولات نيازىمبەتوۆ (63, 5 كگ), ەرماحان يبرايموۆ (71 كگ).
2000 جىلى اۋستراليانىڭ استاناسى سيدنەيدە وتكەن وليمپيادادا بوكستان قازاقستان قۇراماسىنىڭ باس باپكەرى بولعان تۇرسىنعالي ەدىلوۆ دايىنداعان وعىلانداردىڭ جەتىستىكتەرىن ءالى بىردە-ءبىر باپكەر قايتالاي الماي كەلەدى.
2 التىن: بەكزات ساتتارحانوۆ (57 كگ), ەرماحان يبرايىموۆ (71 كگ);
2 كۇمىس: بولات ءجۇمادىلوۆ (51 كگ), مۇحتارحان دىلبابەكوۆ (+91 كگ).
ەرماحان يبرايىموۆ 2002-2004 جج بوكستان قازاقستان ەرلەر قۇراماسىنىڭ باس باپكەرى بولعاندا شاكىرتتەرى افينا-2004 وليمپياداسىندا قازاقستاننان 119 سپورتشى قاتىسىپ جالعىز التىن مەن ۆەل باركەر كۋبوگىن العان باقتيار ارتاەۆ ول كەزدە 21 جاستا ەدى
1 التىن: باقتيار ارتاەۆ (69 كگ);
1 كۇمىس: گەننادي گولوۆكين (75 كگ);
1 قولا: سەرىك ەلەۋوۆ (60 كگ).
دامير بۋدانبەكوۆ 2004-2009 جج بوكستان ۇلتتىق قۇرامانىڭ باس باپكەرى بولاتىن. ونىڭ پەكين وليمپياداسىنا اپارعان شاكىرتتەرى 1 التىن مەن 1 قولا مەدالعا قول جەتكىزدى.
1 التىن: باقىت سارسەكباەۆ (69 كگ);
1 قولا: ەركەبۇلان شىناليەۆ (81 كگ).
مىرزاعالي ايتجانوۆ 2009-2018 جج ەلىمىزدىڭ باس جاتتىقتىرۋشىسى بولعان كەزىندە لوندون جانە ريوعا بوكسشىلاردى اپاردى. لوندون تورىندە ۆەل باركەر كۋبوگىن ءۇشىنشى رەت وتانداسىمىز سەرىك ساپيەۆ الدى.
1 التىن: سەرىك ساپيەۆ (69 كگ);
1 كۇمىس: ادىلبەك نيازىمبەتوۆ (81 كگ);
1 قولا: يۆان دىچكو (+91 كگ).
مىرزاعالي ايتجانوۆ شاكىرتتەرى ريو-2016-دا جالعىز التىنعا يە بولىپ، برازيليادا ءانۇرانىمىزدى شىرقاتىپ، تۋىمىزدى جەلبىرەتتى.
1 التىن: دانيار ەلەۋسىنوۆ (69 كگ);
2 كۇمىس: ۆاسيلي لەۆيت (91 كگ), ادىلبەك نيازىمبەتوۆ (81 كگ);
1 قولا: يۆان دىچكو (+91 كگ).
عالىمبەك كەنجەباەۆ 2018-2021 جج باس باپكەر بولعاندا قازاقستان قۇراماسى العاش رەت توكيو وليمپياداسىندا التىنسىز قالدى.
2 قولا: ساكەن بيبوسىنوۆ (51 كگ), قامشىبەك قوڭقاباەۆ (+91 كگ).
قايرات ءساتجانوۆ 2021-2023 جج بوكستان قازاقستان قۇراماسىنىڭ باس باپكەرى بولعان كەزدە وليمپياداعا بارالماعان جالعىز باپكەر اتاندى.
بيىل قازاق بوكسشىلارىن پاريجگە دايىنداعان مىرزاعالي ايتجانوۆ ءۇشىنشى رەت وليمپياداعا شاكىرتتەرىن تولىق قۇراممەن قاتىستىرادى. ولار مىنالار:
51 كەلى: ساكەن بيبوسىنوۆ;
57 كەلى: ماحمۇد سابىرحان;
63,5 كەلى: مۇحامەدسابىر بازاربايۇلى;
71 كەلى: اسلانبەك شىنبەرگەنوۆ;
80 كەلى: نۇربەك ورالباي;
92 كەلى: ايبەك ورالباي;
+92 كەلىدەن جوعارى: قامشىبەك قوڭقاباەۆ.
ايتا كەتەيىك، بوكستان قازاقتان ەرلەر قۇراماسى وليمپيادادان 7 التىن، 7 كۇمىس، 8 قولا مەدال الدى. سونىمەن قاتار ايەلدەر قۇراما قورجىنىندا 2 قولا مەدال بار. ولاردى مارينا ۆولنوۆا (75 كەلى) مەن داريعا شاكيموۆا (75 كەلى) الدى.
ايبەك مۇحانوۆتىڭ جازباسى
Abai.kz