تالعات مۇساباەۆ قىزمەتىنەن كەتسىن!
قازاقستان رەسپۋبليكاسىنىڭ پرەزيدەنتى
نۇرسۇلتان نازارباەۆقا،
قازاقستان رەسپۋبليكاسىنىڭ پرەمەر-ءمينيسترى
سەرىك احمەتوۆكە
2013 جىلى 23-قاراشادا وتكەن حالىق وكىلدەرى قۇرىلتايىنىڭ قارارىنا سايكەس قازاق حالقىنىڭ اتىنان تالاپ قويۋ قۇقىعى بەرىلگەن قازاق ۇلتتىق كەڭەسى گەنەرال-لەيتەنانت تالعات مۇساباەۆتىڭ تاياۋدا «بايقوڭىر» عارىش ايلاعىن رەسەيگە ماڭگىلىك بەرۋ تۋرالى پىكىرىنە بايلانىستى مىنانى مالىمدەيدى:
ۇستىمىزدەگى جىلعى 9-قاڭتاردا رەسەيدىڭ «يزۆەستيا» گازەتىنە بەرگەن سۇقباتىندا قازاقستان ۇلتتىق عارىش اگەنتتىگىنىڭ توراعاسى، گەنەرال-لەيتەنانت تالعات مۇساباەۆ «مى بى حوتەلي، چتوبى روسسيا وستالاس نا بايكونۋرە ناۆسەگدا» دەگەن پىكىرى قازاق حالقىنىڭ پىكىرىمەن مۇلدە ۇيلەسپەيدى. قازاق حالقى تەڭ قۇقىلى ارىپتەستىك تۇرعىدا رەسەيدىڭ كەلىسىم-شارت مەرزىمىندە عانا جۇمىس ىستەۋىن قالايدى. بۇل رەسەيدىڭ قازاق جەرىندە «ماڭگىلىك» قالۋىن بىلدىرمەيدى.
قازاقستان رەسپۋبليكاسىنىڭ پرەزيدەنتى
نۇرسۇلتان نازارباەۆقا،
قازاقستان رەسپۋبليكاسىنىڭ پرەمەر-ءمينيسترى
سەرىك احمەتوۆكە
2013 جىلى 23-قاراشادا وتكەن حالىق وكىلدەرى قۇرىلتايىنىڭ قارارىنا سايكەس قازاق حالقىنىڭ اتىنان تالاپ قويۋ قۇقىعى بەرىلگەن قازاق ۇلتتىق كەڭەسى گەنەرال-لەيتەنانت تالعات مۇساباەۆتىڭ تاياۋدا «بايقوڭىر» عارىش ايلاعىن رەسەيگە ماڭگىلىك بەرۋ تۋرالى پىكىرىنە بايلانىستى مىنانى مالىمدەيدى:
ۇستىمىزدەگى جىلعى 9-قاڭتاردا رەسەيدىڭ «يزۆەستيا» گازەتىنە بەرگەن سۇقباتىندا قازاقستان ۇلتتىق عارىش اگەنتتىگىنىڭ توراعاسى، گەنەرال-لەيتەنانت تالعات مۇساباەۆ «مى بى حوتەلي، چتوبى روسسيا وستالاس نا بايكونۋرە ناۆسەگدا» دەگەن پىكىرى قازاق حالقىنىڭ پىكىرىمەن مۇلدە ۇيلەسپەيدى. قازاق حالقى تەڭ قۇقىلى ارىپتەستىك تۇرعىدا رەسەيدىڭ كەلىسىم-شارت مەرزىمىندە عانا جۇمىس ىستەۋىن قالايدى. بۇل رەسەيدىڭ قازاق جەرىندە «ماڭگىلىك» قالۋىن بىلدىرمەيدى.
تالعات مۇساباەۆتىڭ «مى» دەپ وتىرعانى قازاق حالقى ەمەس. قازاق حالقىنىڭ اتىنان ونداي مالىمدەمە جاساۋعا وعان ەشكىم قۇقىق بەرگەن جوق. قازاقتىڭ العاشقى عارىشكەرلەرىنىڭ ءبىرى رەتىندە جەكە باسىن قۇرمەتتەگەنىمىزبەن، الگىندەي جاۋاپسىز مالىمدەمە جاساعانى ءۇشىن تالعات مۇساباەۆتى قازاقستان ۇلتتىق عارىش اگەنتتىگىنىڭ توراعاسى سياقتى مەملەكەتتىك قىزمەتتەن دوعارىسقا جىبەرىلۋىن تالاپ ەتەمىز!
قازاق ۇلتىق كەڭەسى جاڭا جىل قارساڭىندا بايقوڭىر عارىش ايلاعى كەشەنى مەن اتتاس قالانى دامىتۋ مەن پايدالانۋعا بايلانىستى رەسەي مەن قازاقستان اراسىندا كەلىسىلگەن «جول كارتاسى» قوردالانعان ماسەلەلەردى شەشۋگە سەپتىگى تيەتىنىنەن ۇمىتتەنەدى. ءارى قازاقستان ۇكىمەتىنە بۇل ارادا ەڭ باستىسى ارىپتەستىك تەپە-تەڭدىك پەن ۇلت مۇددەسىن قاتاڭ ساقتاۋ كەرەكتىگىن ەسكەرتەدى.
اتاقتى سەرگەي كورولەۆ ءومىرىنىڭ سوڭىنا دەيىن عارىشتى يگەرۋ ىسىندە سۇيىق وتىن ىشىندە گەپتيلدى، قاتتى وتىن ىشىندە بەريلليدى زىمىران وتىنى رەتىندە پايدالانۋعا قارسى بولدى، «روسسيا جەرىن لاستاۋعا بولمايدى، ءبىز بۇكىل ەلدى ۋلايمىز» دەگەن پىكىرى ۇمىتىلعان جوق.
رەسەيدىڭ «زا حيميچەسكۋيۋ بەزوپاسنوست» قوعامىنىڭ پرەزيدەنتى، حيميا عىلىمىنىڭ دوكتورى لەۆ فەدوروۆ: «ميلليونداعان رەسەيلىكتەر گەپتيلدىڭ ميكرو-دوزاسىمەن ۋلاندى. پاتوگەنەزدە گەپتيلدىڭ از بولىكتەرى باسىم رول اتقارادى. بىراق عارىشقا جاۋاپتى اسكەريلەر ەلدى ۋمەن سۋارۋىن توقتاتار ەمەس» دەپ مالىمدەدى.
الەمدە ءوز ازاماتتارىنىڭ دەنساۋلىعى مەن قورشاعان ورتانى قورعاعىسى كەلەتىن ءبىر دە ءبىر مەملەكەت گەپتيلدى زىمىران وتىنى رەتىندە پايدالانبايدى. سەبەبى، گەپتيل ادام اعزاسىنا زيانىن تيگىزىپ قانا قويماي، تۋىلاتىن نارەستەلەردى مۋتاتسياعا ۇشىراتاتىن ۋلى زات. ول اتىنىڭ ءوزى ۇرەي تۋعىزاتىن تسيانيدتەن 6 ەسە ۋلى. ال قازاقستان حالقى رەسەيدىڭ ۋلى وتىنداردى سىنايتىن «لابوراتوريالىق جەمتىگى» ەمەس. سوندىقتان قازاقستان رەسپۋبليكاسى كونستيتۋتسياسىنىڭ 31-بابىنا سايكەس ءبىز رەسەيلىك «پروتون» زىمىرانىن ۇشىرۋدى جانە وندا گەپتيلدىڭ پايدالانۋىن توقتاتۋدى تالاپ ەتەمىز!
سونداي-اق استاناداعى ۇلتتىق عارىش اگەنتتىگىنىڭ الدىندا، گەپتيل وتىنىن پايدالانۋدى توقتاتۋدى تالاپ ەتكەن «انتيگەپتيل» توبى بەلسەندىلەرىنە سوت شەشىمىمەن ءارتۇرلى كولەمدە ايىپپۇل سالىنۋى – مەملەكەتتىك ماسقارا ءىس ەكەندىگىن اتاپ وتەمىز. ءوز ازاماتتارىنىڭ دەنساۋلىعى مەن قۇقىعىن، تابيعاتتىڭ تازالىعىن قورعاۋ قىلمىس بولىپ تابىلمايدى.
قازاق ۇلتتىق كەڭەسىنىڭ
توراعاسى
مۇحتار شاحانوۆ
Abai.kz
