ءبىز ءۇشىن ەڭ جايلى پرەزيدەنتتەن نە كۇتەمىز؟
![](https://abai.kz/content/uploads/2024/07/original-1r9p.jpg)
قازاق باعىنا جارالعان دونالد. ءبىز ءۇشىن ەڭ جايلى پرەزيدەنتتەن نە كۇتەمىز؟
قازاقستان دەموكرات كامالا حارريسكە قاراعاندا، رەسپۋبليكاندار سەركەسى دونالد ترامپتان كوپ ءۇمىت كۇتەتىنىن بايقايمىز. سەبەبى دونالد فرەدۇلى العاشقى پرەزيدەنتتىگى كەزىندە قازاق حالقىنا بەرەكە الىپ كەلگەن بولاتىن.
2017 جىلى ترامپ پرەزيدەنت كرەسلوسىنا وتىرعاندا اقش پەن قازاقستان اراسىنداعى تاۋار اينالىمى 1,7 ميلليارد دوللار شاماسىندا بولعان. ترامپ ونى 2019 جىلعا قاراي 40 پايىزعا ارتتىرىپ، 2,24 ميلليارد دوللارعا دەيىن جەتكىزدى. ال ەلىمىزگە كەلگەن اقش ينۆەستيتسياسىن ەكى ەسەگە ارتتىرىپ، 5,5 ميلليارد دوللار قىلدىرعان.
ترامپتىڭ قازاق حالقىنا جاساعان ەڭ باستى جاقسىلىعى - قازاقستان اۋە كومپانيالارىنا اقش-قا تىكەلەي ۇشۋعا رۇقسات بەرۋىندە. وسى كەلىسىمگە قول قويىلا سالسىمەن، Air Astana بوينگ كورپوراتسياسىنا ءۇش بىردەي 787-9 Dreamliner ۇشاعىنا تاپسىرىس بەردى. 2025 جىلدان باستاپ قازاقستاننان اقش-قا تىكەلەي رەيسپەن ۇشاتىن بولامىز.
دونالد فرەدۇلىنىڭ قاسىم-جومارت توقاەۆقا دا كوزقاراسى وتە جاقسى. ۆاشينگتوندا 2020 جىلى وتكەن قۇشاقجايار كەزدەسۋدەن كەيىن، پرەزيدەنتتەر اراسىندا ءوزارا سەنىم كوپىرى ورناعان بولاتىن.
ترامپتىڭ كاپيتولي تورىنە قايتا ورالۋى مۇمكىن بە، ونى كۇزدەگى سايلاۋ شەشەدى. بىراق ءداستۇر بويىنشا دەموكراتتار مەن رەسپۋبليكاندار پرەزيدەنتتەرى بىرىنەن سوڭ ءبىرى الماسىپ وتىراتىنىن ەسكەرسەك، بيىل ترامپتىڭ مۇمكىندىگى كامالا حارريسكە قاراعاندا اناعۇرلىم جوعارى سياقتى.
ايبار ولجاەۆتىڭ جازباسى
Abai.kz