بيىلعى اقپان ايىندا ۇكىمەت جەڭىل ونەركاسىپ تاۋارلارىن مەملەكەتتىك ساتىپ الۋ كەزىندە ۇلتتىق رەجيمنەن 2 جىلعا ۋاقىتشا الىپ تاستاۋدى كوزدەيتىن قاۋلى قابىلدادى. بۇل تۋرالى ۇكىمەتتىڭ تەلەگرام ارناسى جازدى. 

بۇل قادام وتاندىق وندىرۋشىلەردى قولداۋعا جانە سالانىڭ دامۋىن ىنتالاندىرۋعا باعىتتالعان.

وڭدەۋ ونەركاسىبىن دامىتۋدىڭ 2023-2029 جىلدارعا ارنالعان تۇجىرىمداماسىن ىسكە اسىرۋ شەڭبەرىندە جەڭىل ونەركاسىپ ينۆەستيتسيالىق جوبالاردى ىسكە اسىرۋ ءۇشىن باسىم قىزمەت تۇرلەرىنىڭ تىزبەسىنە ەنگىزىلدى.

2024 جىلدىڭ ءبىرىنشى جارتىجىلدىعىندا جەڭىل ونەركاسىپ ءونىمىن ءوندىرۋ كولەمى 95,7 ملرد تەڭگەنى قۇرادى. كيىم ءوندىرىسى سەكتورى وڭ ديناميكانى كورسەتتى، ءوسىم — 11,5%.

جەڭىل ونەركاسىپ ونىمدەرىنىڭ ەكسپورتى 2024 جىلدىڭ قاڭتار-ءساۋىر ايلارىندا $67,3 ملن-عا جەتتى، بۇل وتكەن جىلمەن سالىستىرعاندا 69%-عا ارتىق. نەگىزگى ەكسپورتتىق تاۋارلار اراسىندا تريكوتاج ونىمدەرى، مايكالار، جەيدەلەر، سومكەلەر مەن قاپتاما پاكەتتەر بار. رەسەي، تۇركيا جانە قىتاي نەگىزگى وتكىزۋ نارىقتارى بولىپ قالا بەرەدى.

جەڭىل ونەركاسىپتىڭ نەگىزگى كاپيتالىنا ينۆەستيتسيا كولەمى 6 ايدا 4,2 ملرد تەڭگەنى قۇرادى. كيىم وندىرىسىندەگى ينۆەستيتسيالار 6,7 ەسە – 1,3 ملرد تەڭگەگە دەيىن وسكەنى بايقالدى، تەرى جانە تەرى ونىمدەرى وندىرىسىندەگى ينۆەستيتسيالار 3 ەسە – 94 ملن تەڭگەگە دەيىن ارتتى.

بيىل اقتوبە وبلىسىندا توقىلماعان ماتەريالدار ءوندىرىسى، ەكسترۋزيالىق گەوسينتەتيكا ءوندىرىسى، سونداي-اق اتىراۋ وبلىسىندا پوليپروپيلەننەن قاپشىقتار مەن پلەنكالار ءوندىرۋ سەكىلدى جاڭا جوبالار بەلسەندى تۇردە ىسكە اسىرىلۋدا.

Abai.kz