جاستار مەن اعا بۋىن سۇيىكتى قالانى رەتكە كەلتىرۋگە جانە اباتتاندىرۋعا بەلسەندى قاتىسۋدا. قازىرگى كەزدە الماتىدا «الماتى جازى» اۋقىمدى ەكولوگيالىق ەستافەتاسى وتۋدە. تاۋلاردان باستالىپ، ول جاعالاۋلاردا، ساياباقتار مەن سكۆەرلەردە، جازدىڭ ىستىق كۇندەرىندە دەمالۋشىلار كوپ جينالاتىن جەرلەردە جالعاستى.

«الماتى جازى» ەكولوگيالىق ەستافەتاسىن جاس جانە اعا بۋىن وكىلدەرى قولداپ، كۇش بىرىكتىرىپ، ۇلكەن الماتى وزەنىنىڭ جاعالاۋىن رەتكە كەلتىردى. ەگدە جاستاعى ادامدار اراسىندا بەلسەندى ۇزاق ءومىر ءسۇرۋ ورتالىقتارىنا باراتىندار از ەمەس. وسكەلەڭ ۇرپاق وكىلدەرىنە جاستاردى مۇددەلەرى بويىنشا بىرىكتىرۋ جانە ولاردىڭ ەنەرگياسى مەن الەۋەتىن بۇكىل قوعام ءۇشىن پايدالى باعىتقا باعىتتاۋ ءۇشىن الماتىدا اشىلعان كوميۋنيتي-ورتالىقتاردىڭ رەزيدەنتتەرى كومەكتەسۋدە. بەلسەندى ۇزاق ءومىر ءسۇرۋ ورتالىقتارىنا كەلۋشىلەر قاتارىنان بارلىعى 80-گە جۋىق زەينەتكەر جانە «جاسىل ەل» مەن كوميۋنيتي ورتالىقتاردان 120 قاتىسۋشى جينالدى.

ولار اتقاراتىن ءىس-شارالاردىڭ تابيعاتقا، جالپى قالالىق وبەكتىلەرگە جانە ءبىر-بىرىنە ۇقىپتى قاراۋ مادەنيەتىن تاربيەلەۋگە باعىتتالعانى ماڭىزدى. بۇل تۋرالى «الماتى جازى» ەكوەستافەتىنىڭ قاتىسۋشىلارى ايتتى.

قازاقستان حالقى اسسامبلەياسىنىڭ مۇشەسى رۋستام قايىرەۆتىڭ ايتۋىنشا، مۇنداي اكتسيالار پاتريوتيزم مەن ءوز جەرىنە دەگەن سۇيسپەنشىلىككە تاربيەلەيدى.

«ءبىز ۇلكەن الماتى وزەنىنىڭ ءبىر جاعاسىندا، ال اعا بۋىن وكىلدەرىمىز ەكىنشى جاعاسىندا ەكولوگيالىق اكتسيا وتكىزدىك. ءبىز جاعالاۋدى تازالاپ، كوپىرلەردىڭ بىرىندە كەزدەستىك، بۇل ۇرپاقتار ساباقتاستىعىن بىلدىرەدى. جاستار قارتتارعا قۇرمەت كورسەتەدى، ال ولار بىزگە يگى ىستەرگە باتاسىن بەرەدى. مۇنداي اكتسيالاردى ءجيى وتكىزۋ كەرەك ەكەنىنە سەنىمدىمىن. ءسىز ءۇشىن بىرەۋ تازالايدى دەپ كۇتۋدىڭ قاجەتى جوق، ءاربىر قالا تۇرعىنىنىڭ ءتارتىپتى ءارى تازالىقتى ساقتاۋى مىندەتى، ويتكەنى الماتى – ءبىزدىڭ ورتاق ءۇيىمىز»، – دەدى قوعام قايراتكەرى.

ناتيجەسىندە جاعالاۋداعى ەكوەستافەتاعا قاتىسۋشىلار 12 تەكشە مەتر قوقىس، بۇتاقتار، جاپىراقتار جينادى. «الماتى جازى» ەكولوگيالىق ەستافەتاسىنىڭ قاتىسۋشىلارى قالا تۇرعىندارى مەن قوناقتارىن قالانى قورعاۋعا جانە بالالارعا ۇقىپتى قاراۋ مادەنيەتىن قالىپتاستىرۋعا شاقىردى.

كوكتەمدە باستالعان 400 مىڭنان استام قالا تۇرعىنى قاتىسقان «الماتى – ءبىزدىڭ ورتاق ءۇيىمىز» ناۋقانى «الماتى جازى» جازعى ەكواكتسياسىمەن جالعاستى. قالانى اباتتاندىرۋ بويىنشا اۋقىمدى اكتسيا اياسىندا سۋبۇرقاقتار، وزەندەر، سۋ ايدىندارى مەن جاعالاۋ ايماقتارى تازارتىلدى.

حابارلانعانداي، «تازا قازاقستان» باستاماسىن ءتيىمدى ىسكە اسىرۋ ماقساتىندا 2024 جىلعى 19 شىلدەدە الماتى ءماسليحاتىنىڭ دەپۋتاتتارى قالا اۋماعىن اباتتاندىرۋدىڭ جاڭا ەرەجەلەرىن بەكىتتى. نورماتيۆتىك قۇجات قۇقىقتىق مارتەبەسى مەن شارۋاشىلىق جاۋاپكەرشىلىك نىساندارىنا قاراماستان زاڭدى تۇلعالاردى، سونداي-اق اۋلا مەن قوعامدىق اۋماقتاردى اباتتاندىرۋعا جاۋاپتى لاۋازىمدى تۇلعالاردى قوسا العاندا، بارلىق قالا تۇرعىندارى ءۇشىن اباتتاندىرۋ ءتارتىبىن ايقىندايدى.

بۇل شارالار «تازا قازاقستان» رەسپۋبليكالىق اكتسياسىنىڭ ماقساتتارى مەن مىندەتتەرىنە تولىق سايكەس كەلەتىن قاۋىپسىز، ىڭعايلى جانە ەكولوگيالىق قولايلى قالالىق ورتانى قۇرۋعا باعىتتالعان.

Abai.kz