مينيسترلىكتىڭ رەسمي سايتىندا ۇلتتىق ەكونوميكا مينيسترلىگىنىڭ سۋ تاسقىنىنان زارداپ شەككەن كاسىپكەرلەرگە تاعايىنداعان وتەماقىسى جاريالاندى.

مۇلىكتىك شىعىنداردى وتەۋگە ۇكىمەت رەزەرۆىنەن 12,1 ملرد تەڭگە سوماسىندا قاراجات ءبولىندى.

"جەرگىلىكتى اتقارۋشى ورگاندار ۇسىنعان مالىمەتتەرگە سايكەس، 2024 جىلعى 30 شىلدەدەگى جاعداي بويىنشا شاعىن جانە ورتا كاسىپكەرلىك سۋبەكتىلەرى تاراپىنان 9,3 ملرد تەڭگە سوماسىنا 455 ءوتىنىم كەلىپ تۇسكەن، ونىڭ ىشىندە 374 ءوتىنىم (82,1%) 5,8 ملرد تەڭگەدەن استام سوماعا ماقۇلداندى. سونىڭ ىشىندە 222 ءوتىنىم بويىنشا كاسىپكەرلەرگە 2,2 ملرد تەڭگە كولەمىندە تولەمدەر جاسالدى", – دەيدى مينيسترلىك ماماندارى.

وتەماقى ماقۇلدانعان وبلىستار:

• اتىراۋ 2,1 ملرد تەڭگە (215 ءوتىنىم);
• باتىس قازاقستان – 2,5 ملرد تەڭگە (40 ءوتىنىم);
• سولتۇستىك قازاقستان – 901,8 ملن تەڭگە (44 ءوتىنىم);
• قوستاناي – 206 ملن تەڭگە (35 ءوتىنىم)
• اقتوبە – 366 ملن تەڭگە (24 ءوتىنىم);
• اقمولا – 61,1 ملن تەڭگە (16 ءوتىنىم).

وتەماقى تۋرالى ءوتىنىمدى وڭىرلىك كوميسسيالار 5 جۇمىس كۇنى ىشىندە قارايدى جانە قارجىلاندىرۋ جەتكىلىكتى بولعان جاعدايدا 10 جۇمىس كۇنى ىشىندە تولەمدەر جۇزەگە اسىرىلادى.

Abai.kz