الماتى قالاسى مەدەۋ اۋدانىنىڭ № 2 سوتى «الماتى تازالىق» شجق مكك ديرەكتورى ا. توقتاسىنوۆ پەن «قالا كوركەيتۋ» جشس جەكە كومپانياسىنىڭ ديرەكتورى س. بايجانوۆ جەمقورلىق فاكتىسى بويىنشا سوتتالدى. بۇل تۋرالى Abai.kz حابارلايدى.

توقتاسىنوۆ الماتى قالاسىنىڭ كوشەلەرى مەن تروتۋارلارىن كۇتىپ ۇستاۋ بويىنشا قوسالقى مەردىگەرلىك قىزمەتتەر شارتتارىن جاساسقانى جانە ورىندالعان جۇمىستار اكتىلەرىنە قول قويعانى ءۇشىن كاسىپكەردەن 2,7 ملن تەڭگە سوماسىندا پارا العان.

سوت ۇكىمىمەن توقتاسىنوۆقا 81 ملن تەڭگە سوماسىندا ايىپپۇل، بايجانوۆقا – 3 جىل جانە 6 اي باس بوستاندىعىنان ايىرۋ جازاسى تاعايىندالدى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz