2024 جىلعى پاريج وليمپياداسى اياقتالعاننان كەيىن سپورتقا جاۋاپتى مەملەكەتتىك مەكەمەلەردە ءتيىستى اۋديت جۇرگىزىلەتىن بولادى. سپورت فەدەراتسيالارىنىڭ، ۇلتتىق وليمپيادا كوميتەتى باسشىلىعى جانە تۋريزم جانە سپورت ءمينيسترى ەرمەك مارجىقباەۆتىڭ قىزمەتىنە باعا بەرىلمەك.

"شىنىن ايتقاندا "انا جاق" اسا ريزا ەمەس. بۇل اسىرەسە بوكس پەن تەننيسكە قاتىستى. ونىمەن بىرگە فوكۋستى تەحنولوگيالىق سپورتقا: ساداق اتۋ، باتۋت، سەمسەرلەسۋ، بادمينتون سىندى باعىتتارعا بۇرۋ دا ويلاستىرىلۋدا", - دەيدى DALA INSIDE دەرەككوزى.

پاريج وليمپياداسى ءبىراز شەشىلمەگەن ماسەلەنى اشىپ بەردى. قازاقستان مەن IBA اراسىنداعى ءوزارا تۇسىنىسپەۋشىلىكتىڭ بار ەكەنى، سپورتشىلارمەن پسيحولوگيالىق جۇمىستىڭ جۇرگىزىلمەگەنى بايقالادى. ءبارىن تەك اقشا ەمەس، جەكە موتيۆاتسيانىڭ انىقتايتىنى ايقىن ءبىلىندى. توكيو وليمپياداسىنان ەشقانداي ساباق الىنباعان.

DALA INSIDE سپورت سالاسىنداعى كۇزگى روكيروۆكالاردى قاداعالاپ وتىرماق. تەك ودان ناتيجە بولا ما دەگەن سۇراققا ەش جاۋاپ جوق.

Abai.kz