«تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسى اياسىندا № 88 مەكتەپ-ليتسەيىندە بالالارعا قازاق داستۇرلەرى، اتا-بابالارىمىزدىڭ سيرەك كاسىبى تۋرالى ايتىلدى، دەپ حابارلايدى Abai.kz پورتالى ەلوردا اكىمدىگىنىڭ رەسمي سايتىنا سىلتەمە جاساپ.

ءىس-شارانىڭ ماقساتى – وسكەلەڭ ۇرپاق اراسىندا تازالىق پەن تارتىپكە، ەكومادەنيەتكە سانالى كوزقاراستى قالىپتاستىرۋ.

اكتسياعا ەلوردالىق مەكتەپتىڭ باستاۋىش جانە 11 سىنىپ وقۋشىلارى قاتىستى.

مۇعالىمدەر كيىز كىلەم (تەكەمەت), ماي جانە ءۇي سۇزبەسىن جاساۋ ءداستۇرىن كورسەتتى.

مەكتەپ ديرەكتورى جانات ايتوۆانىڭ ايتۋىنشا، ەتنو-لاگەر اياسىندا وقۋشىلار قازاق داستۇرلەرىنىڭ تاريحىن زەرتتەپ، سونىمەن بىرگە ەكولوگيالىق سانانى قالىپتاستىرادى.

«ەلوردادا «تازا قازاقستان» رەسپۋبليكالىق ەكولوگيالىق اكتسياسى جالعاسۋدا. مەكتەپ وقۋشىلارىنىڭ قاتىسۋىمەن ەتنو-لاگەر اياسىندا ءبىز تەكەمەت الۋ، ۇيدە دايىندالعان سارى ماي جانە باسقا دا ونىمدەردى ەكولوگيالىق تازا جولمەن قالاي جاساۋ كەرەكتىگىن كورسەتتىك. ءىس-شارا بارىسىندا ءبىز قويدىڭ ءجۇنىن قالاي دۇرىس الۋ، جۋ، بوياۋ جانە قايتا وڭدەۋ تۋرالى اڭگىمەلەستىك. ءجۇندى دۇرىس دايىنداعاننان كەيىن ءبىز تەكەمەتتى مۇقيات جاسايمىز. مەنىڭ ويىمشا، «تازا قازاقستان» اكتسياسى قالاداعى ءتارتىپتى عانا ەمەس، ءوز گيگيەناسىن ساقتاۋدى جانە ادامي قاسيەتتەردى ساقتاۋدى دا بىلدىرەدى»، - دەدى مەكتەپ ديرەكتورى جانات ايتوۆا.

ءىس-شارا بارىسىندا باستاۋىش سىنىپ مۇعالىمى ۇلدان جاپپاروۆا اتا-بابالارىمىزدىڭ سيرەك كەزدەسەتىن ماماندىقتارى تۋرالى ايتىپ، تەكەمەتتى جاساۋدىڭ دۇرىس تەحنيكاسىن كورسەتتى.

«مەن ءجۇن مەن ءسۇت ونىمدەرىن ەكولوگيالىق تازا تۇردە قالاي وڭدەۋ كەرەكتىگىن كورسەتتىم. قازىر كوپتەگەن ادامدار ءجۇندى لاقتىرىپ جاتىر، بىراق ونى قايتا وڭدەۋگە بولاتىنىن بىلمەيدى. ءوز كەزەگىندە وقۋشىلاردىڭ وزدەرى دايىندىققا قاتىسىپ، تەكەمەتتى جايىپ كوردى. باسىندا بۇل ولارعا ءبىرتۇرلى بولىپ كورىندى، ال قازىر ۇنايدى»، - دەپ ءبولىستى ۇلدان جاپپاروۆا.

سونداي-اق №88 مەكتەپ-ليتسەيىنىڭ اۋماعىندا كوكەنىستەر وسەتىن شاعىن باق بار. ەكولوگيالىق اكتسيا اياسىندا وقۋشىلارعا تابيعات پەن قورشاعان ورتاعا دەگەن سۇيىسپەنشىلىك سىڭىرىلەدى.

«ءبىزدىڭ مەكتەپتە «جاسىل الاڭ» جوباسى جۇزەگە اسىرىلۋدا. مەكتەپ ۋچاسكەسىندە ءبىز قىزاناق، قيار، باكلاجان جانە باسقا دا كوكەنىستەردى وسىرەمىز. ۋچاسكەنىڭ ەكىنشى جاعىندا بورتەگۇل مەن بارقىتگۇل سياقتى گۇلدەر وسەدى. ءساتتى ەككەننەن كەيىن ءبىز بيولوگيا ءپانى مۇعالىمىمەن بىرگە ەكپەگە قاراستىق»، - دەدى №88 مەكتەپ-ليتسەيىنىڭ وقۋشىسى ىكار ابدىكالىق.

Abai.kz