عىلىم جانە جوعارى ءبىلىم ءمينيسترى ساياسات نۇربەك گرانتقا ىلىنبەي قالعان تۇلەكتەرگە ءالى دە مۇمكىندىك بار ەكەنىن ايتتى، دەپ حابارلايدى BAQ.KZ ءتىلشىسى.

– بولىنگەن گرانتتاردان باسقا قوسىمشا دا گرانتتار قاراستىرىلعان. بىرىنشىدەن، 3 مىڭ تالاپكەر ءتۇرلى سەبەپتەرمەن گرانتتان باس تارتۋى مۇمكىن جانە ول گرانتتار جوعارى بالل جيناعان كەلەسى تالاپكەرلەرگە قايتا بولىنەدى. قازىرگى تاڭدا 2 000 استام گرانت جەرگىلىكتى اتقارۋشى ورگانداردان ءبولىنىپ وتىر. بۇل كوسەتكىش تاعى ۇلعايادى، – دەدى مينيستر ۇكىمەت وتىرىسىندا.

سونىمەن قاتار ساياسات نۇربەك كىمدەردىڭ گرانت ءبولىپ جاتقانىن اتاپ ءوتتى.

– KazEnergy قاۋىمداستىعىنىڭ گرانتتارى بار. ح.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە ءبىلىم الۋ ءۇشىن تۇرىك رەسپۋبليكاسىنىڭ 500 گرانتى بەرىلدى. Freedom Finance Group كومپانياسىنان 400 گرانت كەشە ءبولىندى. تۇركىستانداعى حالىقارالىق تۋريزم جانە قوناقجايلىلىق ۋنيۆەرسيتەتى 800ماقساتتى گرانت ۇسىندى. «قازاقستان حالقىنا» قورى 850 گرانت بولەدى. سونىمەن قاتار، ساتباەۆ، ەسەنوۆ، امانجولوۆ، تورايعىروۆ، تۇران-استانا جانە تاعى باسقا ۋنيۆەرسيتەتتەر رەكتورلىق گرانتتار بەرەدى، – دەدى عىلىم ءمينيسترى.

ءمينيستردىڭ سوزىنشە، ستۋدەنت سەسسيا ناتيجەلەرى بويىنشا بوس گرانتتاردى الۋعا مۇمكىندىگى بار.

– جۇمىس بەرۋشىلەردىڭ گرانتتارى دا قاراستىرىلعان. جالپى، قازىرگى تاڭدا 8 000-نان استام قوسىمشا گرانتتار بار. بۇل كورسەتكىش كەم دەگەندە 10 000-نان استام بولادى، – ساياسات نۇربەك.

Abai.kz