بەلگىلى جۋرناليست، قوعام بەلسەندىسى قۋانىشبەك بوتابەكوۆ ءوزىنىڭ فەيسبۋك پاراقشاسىندا كوپشىلىكتىڭ تالقىسىنا تۇسكەن جازبا قالدىردى. جۋرناليست ءوز جازباسىندا جاقىندا عانا شىمكەنت قالاسى اكىمىنىڭ پوليتسيا قىزمەتكەرىنە ەسكەرتۋ جاساعان ارەكەتىنىڭ قوعامدا ەكى ءتۇرلى پىكىر قالىپتاستىرعانىن ايتادى. ودان ءارى اكىمنىڭ بۇل ارەكەتىن قولدايتىنىن ايتادى. سونىمەن قاتار ءابدىماجيت سىزدىقبەكوۆ دەگەن ازاماتتىڭ وسىدان بىرنەشە اي بۇرىن شىمكەنتتىك «ورداباسى» فۋتبول كلۋبىنىڭ بازاسىنا كەلگەنى، وندا شۋ شىعارعانى تۋرالى اڭگىمە قوزعايدى:

«شىمكەنتتە ادامدارمەن دۇرىس سويلەسە المايتىندار الدە دە از ەمەس. ماسەلەن، وسى جىلدىڭ ساۋىرىندە ءابدىماجيت سىزدىقبەكوۆ دەگەن بىرەۋ «ورداباسىنىڭ» باس باپكەرى مەن فۋتبولشىلارىنا «توبىلدان» نەگە ۇتىلىپ قالاسىڭدار؟» دەپ، توبەلەرىن ويىپ جىبەرە جازداعان كورىنەدى. سونى ەندى مادەنيەتتى تۇردە جەتكىزسە دە بولادى عوي. ون جەردەن اكىممەن ودنوفاميلەتس بولسا دا، مۇنىسى ءتىپتى ۇيات ەندى. ءبىزدىڭ اكىم «ورداباسىنىڭ» فاناتى بوپ جۇرگەن جاڭاعى ءابدىماجيت سىزدىقبەكوۆ دەگەننىڭ بۇل ارەكەتىن ەستىسە، انا پوليتسەيدى ورنىنا قويىپ قويعانى سياقتى مۇنى ورنىنا قويىپ قويادى عوي.

عابەكە، ءوتىنىش، مىنا ءابدىماجيت سىزدىقبەكوۆ دەگەندى تاۋىپ الىپ، جۇرتتىڭ كوزىنشە «بىت-شىتىن» شىعارشى. انا پوليتسەيدىڭ «بىت-شىتىن» شىعارعانىڭ سياقتى. زاتو قالادا وسىلاي مادەنيەتسىز سويلەيتىندەر ازايادى. مەن وزىڭمەن بىرگەمىن. گرۋبياندار جەر بەتىنەن جويىلسىن!» (ورف. ساقتالدى) دەپ جازادى جۋرناليست.

جۋرناليست اڭگىمەسىنە ارقاۋ بولعان ءابىدماجيت سىزدىقبەكوۆ قالا اكىمى عابيت سىزدىقبەكوۆتىڭ جاقىنى ما؟ جاقىنى بولسا، ونى جۋرناليست قۋانىشبەك بوتابەكوۆ بىلمەي قالدى ما؟

جازبانى تولىق وسى جەردەن وقي الاسىزدار.

Abai.kz